2 Samuel 1:7 - Nobonob Baibel

⁷ Ag anam hekkulagnu uɗin oiyegeg, Saul nug eɗua, da aniɗa, onilppa e, da wain, ‘Da aɗi hekkulnu oot daatte,’ awe oɗ mettami.

2 Samuel 1:7 Referans Kwoze

Aisaia 65:1

Yawe Nug atte. “Danab laa ag dahilnu oɗmak ii heppig amu, da ahilagppa miag atiak tule bemi. Ao, danab laa ag da aniɗkkulagnu uɗat ii heppig ele, ag am da aniɗppig. Amu wanppan wan laihnu danab ag da ii unuqilppig amu, da ag amelagppa, ‘Da iikku daattem, da iikku daattem,’ ami.

Aisaia 6:8

Aakku Naɗi Nug inam oɗmak heehe baag doomi. Nug inam aum. “Am da aun geha meppi gokku? Am aun nug geha ihinig nai awa gokku?” awa aum. Awa a amu, da ami. “Da iikku; na appe, da gokkul,” ami.

2 Samuel 9:6

Ag Jonatan bekka Mepiboset, Saul alag amu, ag nug omalna uɗieg, nug Dawit toppa ta, nug Dawit binag mekkunu Dawit noobppa dup noa, ikki wan yom. Nug anam he, Dawit nug oɗ metta, “Na Mepibosette?” awa oɗ mettom. Oɗ mette Mepiboset nug aum. “Ao, da Mepiboset, nahip maɗi nid,” awa aum.

1 Samuel 22:12

Ag gona Saul gumidna teeg, Saul nug Ahimelek amegppa inam aum. “Ahitup bekka, na nai da attem imu amu, na doye!” Nug anam a amu Ahimelek nug nai nob ma amegppa aum. “Ao, naɗi, da daattem,” awa aum.

Ikki Danab 9:54

Nug ikki aoɗe, aakku nug danab nug nuhig bannu keeke mawom ele, nug danab amu amegppa aum. “Nahip qep elab eeɗna aon, da duul o! Na da duul ii okkut amu, danab ag, ‘Ah laa Abimelek qe mauhom,’ akkulag! Da ag anam akkulagnu, da ool iinab daatte!” awa aum. Nug anam aum amunu, danab bau amu nug nuhig qep elabppa ye mauhom.

2 Samuel 1:6

Dawit nug oɗ mette amu, nid bau amu nug aum. “Da qauko onig Gilboa appa oikkulnu ii dabmemi, amge da attem hein, appa oiyeye, Saul nug hibaitta daakkunu nuhig ban aɗa dayom anidmi. Nug anam dayeye, kekeɗ dilag daup ag bannu karis attan daan, ban hetteb, daup ag hos attan daan, ban hetteb ele amu, ag gukkuittak uɗin, Saul aɗaglagnu uɗippig.

2 Samuel 1:8

Da anam ai, Saul nug ‘Na aun?’ awa oɗ meɗe amu, da nug aum noob mein, ‘Da am Amalek danab,’ ami.