2 Samuel 1:12 - Nobonob Baibel

¹² Ag amu hena, ag kekeɗ ag Saul, nug bekka Jonatan, Israel dilag daup kuɗum, ag Yawenu daup amu, am Israel danab laa kuɗum ele aqaeg mauhppig am dabmeppig amunu, ag gaanna, ee ii laeg ukke uudoum.

2 Samuel 1:12 Referans Kwoze

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Prowerb 24:17

Haen nahip kekeɗ nug na qeeb, na oot gamag aib ahom. Ao, haen nug taataɗ qetteb, na nakka nahip oiyak atognonana, oot aib gamag ahom.

1 Pita 3:8

Aria, nai imunu gogppa tekkulnu amu, ag oh oolag laippu ele, dabmak laippu ele dayeg! Amu ag oo doyak doonna, eamag aa nug oo mauhak doottep ele amu, amubia ag laa Kayaknu oolagppa genab dootteb ele, ag oh nug oo mauhak doyeg! Ag oo bodoetta le mak kobol henana, ag akka anen anen ag onilag qeppeg neeb oiyeg!

2 Korint 11:29

Am danab auntai laa nug ɠagattag iitta dootte amu, da ele ɠagattag iitta bia iite doottem. Am danab auntai laa nug laanu eeɗakppa hipuninppa na qette amu, da amunu oo nauhak okkainab iite doottem.

Amos 6:6

Ag wain huana latteb; ag goɗen muttuɗig enanagnab, daden nob okkai ele laatteb. Ag amu oh hetteb, amge ag Israel padal mekku, ag amunu dabmena, oolag ii dootte; ag amunu dabmak nakok laa ii aotteb.

2 Samuel 3:35

Ag amu hena malona, ag oh uɗin, Dawit nug paha amunppa ee nakok lakkunu duttunna appig, amge Dawit nug nob ma, nuhig nai ɠagattag qetta aum. “Da aam ii noumppa bret nakok lakkul dayeb, o iitta da aɗi ee laa nakok laa aam ii noumppa lakkul dayeb amu, Kayak Nug bu okkainab meɗakkunu ool daatte,” awa aum.

Jeremaia 9:1

O gadon, da tiinig laippu kekeɗ aqaeg mauhppig dilagnu amu, da ikkilppa le gottu dayeb, da amel leb ele le qeppuɗia bak dayeb, da amun, tuqan ele dahilad tiig laippu dilagnu gaappi, amel leb nekkunu ool daatte.

1 Samuel 31:13

Ag mauhak gaɗalag amu manatteg ewe, danab manadppig ebehilkad amu akkan, ad tamarisk laa Jabes daatte, amu waappa boumadppig. Ag boumadna malona, ag ee ohnu kud mena daaeg ukke, deɗ eblaih aɗit ele uue, ag eɗun ee lappig.

1 Samuel 31:6

Keeke amu beegeg, deɗ amuppaib Saul, nug bekkod, nid danab ewam, amu danab Saulnu ban hak keeke mawom, amu ban danab laa ag Saul gumappig ele, ag oh deɗ amuppaib mauhppig.