2 Pita 1:1 - Nobonob Baibel

¹ Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

2 Pita 1:1 Referans Kwoze

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

Taitus 1:4

O Taitus, i oh ooppa genab doyak laippu aɗattep, ooppa genab doyak amuppa na da bekkalnab daattem amu, da nahipnu iikku yaattem. Mame Kayak, amu ihinig Eɗua Awikkak Danab Jesus Kristus ele, ahilah ehanittak okkai hamu mettak, amu ahilah maɗoɗ ele nahip-ppa daaglahnu ool daatte.

2 Korint 4:13

Kayak naippa, nai laa daatte am inam. “Da Yawenu oolppa genab doomi amunu, da ⌊nai⌋ ami.” Danab Sam nai amu yom ele nug Yawenu ooppa genab doyom, amubia ig Jesusnu oonigppa genab doottem amunu, ig madittem.

Jon 12:26

Amu laa nug da waalppa dayaya da oɗel dim lamidkku dayeb amu, nug da dim lamiɗkkuoitte. Am da adeppa daattem amu, dahil maɗi nid nug ele appa daakku. Am laa nug da waalppa dayaya da oɗel dim lamidkku amu, Mame Nug nug binag humakku,” awa aum.

Rom 1:12

Da inam dabmettem. Ahilag ooppa genab doyak da ehaniɗeb, amu dahil ooppa genab doyak ag ehanadkkunu ool daatte. Anam dayeb amu ig oh oo ɠagattag qak aognig.

2 Pita 1:4

Nug nuhig ena hak kobol, Nuhig binag amahlak oppiaawak ele amuppa Nug keeke enanag kuɗum oh ig megakkunu nai qakka aum amunu, amuppa ag wan imuppan kobol nau, ig beɗunig amu hekkunignu eeɗigtte ele amu, ag amu ele eɗidna, ag Kayak daatte bia daaglagnu elele daatteb.

1 Pita 1:1

Da Pita, da am Jesus Kristusnu totol danab. Da nai imu ag Kayaknu danab, Nug tituanattom ele, ag prowins onilkad Pontus, Galesia, Kapadosia, Asia, amu Bitinia ele, ag aab diig danab iitta goppig daatteb amu, da ahilagnu yaattem.

Epesus 4:11

Nugib ehah iɗu iɗu matta, danab laa ag totol danab dilag uɗat hekkulagnu mattom. Laa ag propet daaglagnu mattom. Laa ag nai mehuqak danab daaglagnu mattom. Laa ag pasto am laa ag ippuanittak uɗat hekkulagnu mattom.

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Luk 1:47

Padal ii maknu ehanittak dahil am Kayak. Da nuhignu maɗoɗppan gamag ahak doottem.

1 Pita 5:1

Nai imunu amu, da ahilkad ikki danab ag oolagppa daatteb, da ahilagnu nai imu iikku yaattem. Da ele am ikki danab daattem, amu da amelppanab Kristus Nug uug mawe anitten, amunu da aɗi heehe anttomnu mattiak danab daattem. Da ag ele, ig oh geha Kristusnu binag amahlak oppiaawak ele heeb miag atieb, ig amu ooppa daagnig amunu, da ag ikki danab ag uɗat inam hekkulagnu ag maɗadakkulnu nai imu yaattem.

2 Timoti 1:5

Nahip ooppa genab doyak am ooppa genab doyak genab da daulppa daatte. Danab laa amelagnuib iitta. Ooppa genab doyak amuam tatam na alan Lois, nuhigppa daye, na anin Yunis, nuhigppa ele dayom. Amu ooppa genab doyak amu nahip-ppa ele daatte amu, da oolppa genab doottem.

Aposel 15:14

Saimon nug ig amenigppa a, ig aakku doomut. Amuam digmakppa Kayak Nug iitta aɗi ehanadkkunu dabmaama, nug ahilagppa na, Nug danab ah amu oolagppanu danab ah nuhikkud diiattom.

Matyu 10:2

Nug totol danab 12 ɠagattag anam mattom amu, ag onilag am inam. Tatam am Saimon, amu Jesus Nug onig laa, Pita ataɗom. Laa amu Andru, nug Pita ele aa am eamag. Aɗit laa am Sebedi bekoɗ, Jems Jon ele.

1 Pita 2:7

Ag nuhignu oolagppa genab dootteb amu, ag nuhigppa ehanittak okkai aotteb, amge danab ah ag oolagppa genab ii dootteb amu, ahilagppa Nug inam beum daatte. “Men laa, lag hak danab ag men amu uuppig, amge lag mameg nug men amu awa me, lagnu men anuqak daatte.”

1 Pita 1:7

Uug betteb amu, ag diig imunu betteb. Ag beppeg, ahilag ooppa genab doyak am ena, ɠagattag daattete o iittate, amu anttaknu aakku betteb. Gol am nauhkkunu keeke, amge danab ag gol babaitta epeɗia awak daakkunu uɗat hetteb, amubia Kristen danab, ag ahilag ooppa genab doyak, nug nauhkkunu keeke iitta, gol eɗittak, enanag, amu epeɗidkkunu uug amu ag betteb. Ooppa genab doyak ahilag nug ɠagattag daakku, amu dimppa, Jesus Kristus eɗua uɗikku haenppa, ag binag amahlak oppiaawak ele, onig okkai, amu binag ele aoglag.

Taitus 1:1

Da Pol, da Kayaknu maɗi nid, amu Jesus Kristusnu totol danab ele daattem. Kayak Nug da laa Nug ag tituanattom ele, da ahilag ooppa genab doyak ehanidkkulnu, da ele doyak diig genabib, doyak amuam ag Kayaknu neekkakppa genab tutukku hak danab daaglagnu ippunadtte amu, da ag doyak amu ele ippunadkkulnu meiɗe uɗimi.

Epesus 4:5

Aria Naɗi laippuib daatte, oonigppa genab doyak laippuib daatte, amu layattak ele laippuib daatte,

Epesus 3:5

Anukka Kayak Nug nai lokkumak amu miag ii atiom, amge gemu Nug nuhig Ouɗippa Kayak Nug nuhikkud totol danab, amu nuhikkud propet eleppa he, nai amu miag atiom.

Galesia 2:8

Ao, Kayak Nug Pita ehanitte, nug Juda oolagppa totol uɗat heum, amubia Kayak Nug da ehaniɗe, da iitta aɗi oolagppa totol uɗat hemi.

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

1 Korint 15:9

Amu da totol danab oolagppanu amu da onig iitta bia daattem. Laa ele amu laa ag dahilnu, “Nug totol danab,” aon ii alob bia. Aɗinu? Da Kayaknu Kristen tamaniak amu heppi, iitta mekkulagnu eheɗ hadattami,

1 Korint 9:1

Da heppi danab laa eheɗppa gomanu dabmettem amunu, ag da ɗo waappa dayeye hettem bia doottebte? Anam iitta, da ɗonu maɗi nid ii daattem. Da am totol danab. Da am ihinig Naɗi Jesus Kristus anidmi. Da Naɗinu uɗat laa hei, ag da uɗat hemippa ag iite Kristen beppig daatteb.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

Rom 1:17

Nai Enappa Kayak Nug ib attenppa ihinignu, “Genab tutukku hak danab,” akkunu ippunigtte. Genab tutukku daagnignu ib am ooppa genab doyak, aakkuib. Ib laa iitta. Kayak naippa yaak inam daatte amubia. “Laa nug Kayak noobppa genab tutukku hak danab daatte, nug Kayaknu ooppa genab dootte amunu, nug bau daakku,” awa atte.

Jon 20:21

Ag anam doyeg amu, Jesus baula amelagppa aum. “Ag maɗoɗ ele dayeg! Mame Nug da meiɗe uɗimi, amubia da ele ag maatti gotteb,” awa aum.

Jon 1:42

Anam ana amu Andru nug Saimon omala, Jesus toppa ukkom. Ukke Jesus antta, amegppa aum. “Saimon, Jon bekka, nahipnu ag geha Sipas akkulag,” awa aum. (Grik naippa Sipas eɗuak am Pita.)

Luk 11:49

Amu Kayak nuhig doyak enappa amunu Nug matu aum. ‘Da am dahil totol danab am propet ele maadppi, ahilagppa goppeg, ag danab amu laala eheɗ hattaglag, amu ag laala aqappeg mauhkkulag!’ awa aum.

Matyu 4:18

Jesus Nug anam nai mehuqak dim lamitta, Galili le ameg ihippa oiyaya, Nug Saimon, onig laa Pita, Andru ele, aa am eamag, Nug aa ahilah uhui eeheh anatom. Aa am kakai awak danab amunu, aa uhui epiɗ.

Jeremaia 33:16

Aria, haen amuppa da Juda danab ah ehanadppi, ag padal ii memana. Ao, haen amuppa da heppi, Jerusalem danab ah ag baɗak iittappa daanna oiglag. Ag anam daan oippeppeg, danab ah wan ohppanu ag Jerusalem onig laa ele ataɗkkulag. Onig amuam, ‘Yawe Nug am Ihinig Kobol Genab Tutukkunu Diig Daatte,’ akkulag.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Pilipai 1:1

Da Pol, amu Timoti ele, i oh am Kristus Jesusnu maɗi nid, i uɗug imu Kayaknu danab ah oppiaawak ele oh Jesus Kristusnu daan Pilipai daatteb, amu ahilkad gumak ikki danab, amu ahilkad toliak danab oh ele, ahilagnu yaattep.

Jems 1:1

Da Jems, da Kayak, Naɗi Jesus Kristus ele dilah maɗi nid. Da Juda danab ag Juda wanppa ii daatteb, ag wan atu laappa daanna oitteb ele amu, da ahilagnu ehanattak nai iikku yaattem. Da ag humadttem.

Jut 1:1

Da Jut, da Jesus Kristusnu maɗi nid laa iikku. Da Jems ele i am eamag. Nai imu amu Kayak, ig Mamenig, Nug baekkudppan danab, Nug ag onilagppa eum, ag nuhig oo mauhak ooppa daatteb, Jesus Kristus Nug ag atognoadtte ele amu, da ahilagnu yaattem.