2 Korint 9:12 - Nobonob Baibel

¹² Ag uɗat anam henana, ag Kayaknu danab ah oppiaawak ele ehanadppeg, laala ag keekenu tutu daatteb amu ag elele daaglag. Amge amunuib iitta. Ag Korint aɗi ag kobol amu anam heppeg, Juda laa, ag daɗek daatteb ele amu, ag Kayak amegppa, “Ena heme,” okkainab akkulag.

2 Korint 9:12 Referans Kwoze

Pilipai 2:25

Amu da Epaproditus, nug am da layalnab, i uɗat ihinih laippu, nug da ele Kayaknu daup danab bia daattep, nug ag Pilipai daatteb, ahilag nai awa ukkak danab, ag nug meeg, da ehaniɗkkunu uɗiom daatte amu, da nug ahilagppa meppi gokkunu ɠagattag dabmettem.

1 Jon 3:17

Amge danab laa nug wanppanu enub ele amu, nug layag keekenu daɗek daatte anitta, nug oo bodoetta le mak ii dootte ele dayeb amu, Kayaknu oo mauhak nug ooppa daattete? Iitta.

2 Korint 8:4

Ag ig ena apput, Kayaknu danab ah oppiaawak ele Juda daatteb ele amu, ag ehanadkkulagnu ii daye daye unuqppig.

2 Korint 9:1

Da Kayaknu danab ah oppiaawak ele ⌊Juda daatteb⌋ ehanattaknu tuɗitten yaakkulnu ii daatte.

2 Korint 1:5

Aɗinu? Kristus guittak mawom, amubia ig guittak maottem. Anam amu, amubia oo mak Kristus ⌊Kayak eppegppanu awom,⌋ oo mak amu ig tonikka aut auta aotte.