2 Korint 8:9 - Nobonob Baibel

⁹ Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

2 Korint 8:9 Referans Kwoze

Rom 8:32

Nug Bekka ig megakkunu amu Nug amunu oo ii qe, Nug ig oh ehanigkkunu me uɗiom. Nug anam heum amunu geha, keeke laa oh ele amu, Nug ig iite megakku? Yo, Nug megakku.

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

Rom 5:8

amge ig am hipunin danab daautut, Kristus Nug ihinignu mauhom, amuppa Kayak Nug ihinignu oo mauhtte amu, Nug ig ippunigtte.

2 Korint 6:10

Ig am oonigppa uug elenab, amge haen oh ig maɗoɗppan gamag ahak doottem. Ig daɗek danab bia daattem, amge ig am danab kuɗum keeke kuɗum madattem. Ig am eppenigppa keeke laa ii daatte bia, amge keeke oh am ig aɗattem.

Epesus 2:7

Nug anam heumnu diig am, Nug nuhig ehanittak okkai hamu mettak laa oh eɗattak kobol, Nug amu dim lamittatta, ig Kristus Jesusnu daattem amu, Nug ihinignu oo bodoettak kobol dim lamidtte, Nug danab oh butti aɗi haen amu daaglag amu ippunadkkunu heum.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

1 Timoti 6:18

Laa amu, na danab ah enulag ele ag ena, ao ag kobol ena okkai hena, ag danab ah oo qak iitta ele ehanadna, ag enulag laih oppatna, danab laa ɗo mattaglagnu babaittak daaglagnu haknunab nai ag matteg!

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

Luk 16:11

Am anamib ag enub, men doɗo, wan imunu ag amu ena dabmettaglagnu oo metta ii uuak kobolppa dab-ii-madatteb dayeb, geha aun nug ag keeke genab gumaglagnu uɗat madakku.

Hibru 1:2

amge Nug gemu, gog tak haen imuppa amu, Nug Bekka oɗeppa ig amenigppa nai mattiom. Kayak Nug Bekka Nug aug daakkunu Nug keeke oh aokkunu aum, amu nuhigppa Nug keeke oh ele hattom.

Luk 9:58

Anam a amu Jesus Nug amegppa aum. “Doɗ laa onig foks, biun bia, ag wan oɗeppa niiaknu aben ele, ai ag ele teɗ ele, amge Danab Bekkalag da amu, da niiaknu aben laa iitta,” awa aum.

Revelesen 3:18

Anam amunu, da ulum mettak nai imu na medattem. Na enun ele daakkutnu, na gol babaitta epeɗia awak dahilppanu daden mena, na bam iittanu uɗa nak doomnanu, na lamen hakkab ele dahilppanu daden mena, aria, na neegna keeke anidkkutnu, na marasin na amenppa mekkutnu ele dahilppanu daden me!

Epesus 3:19

Aria, da ag Kayaknu oo mauhakppa ɠagattag daaglagnu unuqidttemnu diig laa am, keeke ena ena Kayak Nug nuhigppa ambak daatte amu, Nug keeke amu ahilagppa elele elele madakkunu, ag Kristusnu oo mauhak, danab dilag dabmak eɗidtte amu, ag oo mauhak amu ele dooglagnu elele daaglag.

1 Korint 1:4

Kayak Nug Kristus Jesusnu uɗatppa nuhig ehanittak okkai hamu megatte ag mattom amunu, da ahilagnu haen oh Nug amegppa, “Ena heme,” awe attem.

Luk 2:7

nug nid naanaeg, am nid danab, nug Nug menuom. Menua, niiak lag ambeum amunu, nug bekka lamen elabppa ehakka, doɗ dilag ee lanak taɗaɗ ooppa me niiom.

Aisaia 53:2

Ee qaɗu yuɗ gai-iitta wanppanu bette, amubia Yawenu maɗi nid Nug noobppa ena meum. Ao, nug diɗi laa wan qaɗaiettakppa bette, amubia Yawenu maɗi nid nug Yawe noobppa ba, ena meum. Danab kuɗum ag danab laa, nug beɗu enanag, anttaknu ena ele amu, ag amu anidna, “Ihinig okkai aakku,” doon, ag nug dim lamidtteb, amge Yawenu maɗi nid, nug anambia iitta. Ao, danab kuɗum ag laa nug beɗu enanag, diig amunu ag, “Ig danab amu nug ihinig okkai daakkunu oonig daatte,” atteb, amge Yawenu maɗi nid nug amubia ii dayom. Iitta.

Jon 16:15

Mamenu keeke oh amu dahil amunu da ami. ‘Kayak Ouɗi Nug dahilppanu aɗi awom amu, Nug ag amelagppa madikku.’

Jon 1:17

Yo, ɗo amu ig Moses nuhigppa aomut, amge ehanittak okkai hamu mettak kobol, amu doyak diig genabib ele amu, ig Jesus Kristus nuhigppa aomut.

Jon 1:10

Ao, Kristus, onig laa Nai Kayak Ippunigtte, Nug wanppa dayom; wan imu amu Nug he beum, amge wanppan danab ah ag Nug ii dooppig.

Matyu 8:20

A amu, Jesus Nug ɗo mehuqak danab amegppa aum. “Doɗ laa onig foks, biun bia, ag wan oɗeppa niiaknu aben ele, ai ag ele teɗ ele, amge Danab Bekkalag da amu, da niiaknu aben laa iitta,” awa aum.

Revelesen 21:7

Laa nug ban eɗidkku amu, da nug imu medakkul. Da nuhig Kayak daakkul; nug dahil nid daakku.

1 Korint 15:47

Adam tatamnu amu, Kayak Nug wan awa danab amu heum. Adam dimnu amu hab aabppanu uɗiom.

Rom 11:12

Amu ag ib apiɗidppig amuppa Kayak Nug wanppanu danab oh dilagppa ehanattak okkai hette. Ag Kayaknu kobol ena uuppig, amuppa Kayak Nug iitta aɗi dilagppa kobol enanag hette. Anam amunu, Israel ag eɗun Kayak toppa dokkulag haenppa amu, geha wanppan danab ag enanag daaglag.

Jon 17:19

Da dahilad imu ag da aniɗna, nahip nai pehettak dim lamidna, oppiaawak daaglagnu amu, da na oɗen tutukkunab dim lamidttem.

Jon 12:30

Ag anam aeg amu, Jesus ag amelagppa aum. “Baag imuam da ehaniɗkkunu ii neum. Iitta! Ag ehanadkkunu neum.

Mak 6:3

Nug lag hak danab iite daatte! Ig doottem, nug am Maria bekka. Nug amakkud am Jems, Josep, Judas, Saimon ele. Amu nug appinkkud ag oh ig ele iite daattem?” aon appig. Ag anam anana, ag oolagppa Jesusnu ena iinab dooppig.

Matyu 17:27

amge ag oolag nauhmanu, Pita na gona, le amegppa huk ena, kakai tatam aokkut amu oɗe haqana, na men doɗo anidkkut. Anidna aon, ihinih takis amuppa hekkut,” awa aum.

Aisaia 65:8

Amu Yawe Nug atte. “Danab ag grep meunu leppu aonna, ag grep meu aɗa auta awak laa, meu amunu leppu oh ii awak anidna, ‘Leppu ina daatte amunu, ig keeke ena imu, keeke ena iitta ele oh laippu, hamu buɗipput ukka nauhkkunu ii hemata,’ atteb, amubia da Juda danab ah, ag am dahilad maɗi nid maɗi ah ele amu, da ahilagnu anam hekkul. Da ahilagnu dabmeine, da ag ohnab, hadappi ii nauhmana.

Aisaia 62:1

Da ⌊Yawe ag ehanatteb,⌋ Sion danab ah ag ena daaglagnu amu, da amunu dabmak anuqak awewe, da oɗel ii qamutpa. Yo, da ⌊Yawe ag ehanatteb,⌋ Jerusalem danab ah ag ena daaglagnu amu, da amunu dabmak anuqak awewe, da ii hik aopa. Da anam heppi ukkeb ukkeb, Sion danab ah ag genab tutukku hak kobol dim lamidppeppeg, genab tutukku hak kobol ahilag amuam amahlak okkai bia dayebeb, da batakkul. Yo, da anamib heppi ukkeb ukkeb, Yawe Nug Jerusalem danab ah ehanatteb, padal ii memana; hul huana ewewe danab miagib anidtteb amu, ehanitta, padal ii mak amuam miag atiaknab amubia ba dayebeb, da batakkul.

Kolosi 1:24

Amu da gemu beɗulppa guittak maottem imu amu, da amunu maɗoɗppan gamag ahak doottem. Aɗinu? Da Kristusnu Kristen tamaniak, amuam Nug beɗu aakku amu, da tamaniak amu ehanidkkulnu ool daatte. Guittak Kristus Nug Kristen tamaniak ehanidkkunu mawom amuam daatte, amge guittak da dakka beɗulppa maottem imuam da amuppa hei, Kristus Nug guittak mawom amu aakku ambette.

Luk 8:3

Laa Joana, nug amu Herot laug gumappig ele dilag okkai onig Susa, nug wau. Aria, laa am Susana, am kuɗum laa ele. Ah amu ag ahilag keekeppa Jesus, amu nuhikkud ippunittak awak danab ele ehanadppig.

Rom 15:3

Aɗinu? Kristus ele, Kayak naippa nai nuhignu daatte amu, Nug nukka nuhig dabmak ii dim lamidttom. Nai amuam inam. “⌊O Kayak,⌋ danab ah ag na aon aon naunab nidatteb amu, nai nau amu dahilppa aakku uɗia, da yaaiɗtte.”

Revelesen 2:9

Da guittak uug ele nahip-ppa beum, na keeke iitta, amuppa qagaiettaknab daame amu, da doottem, amge na keeke kuɗum ele! Da danab laa ag nahipnu baeg qak nai madippig amu, da doomi. Laa ag amu appig amu ag, ‘Ig am Juda,’ aon atteb, amge ag am Juda tutukku iitta; ag am Satannu daupib.