2 Korint 8:21 - Nobonob Baibel

²¹ Am ig ehanittak kobol imu ib tutukkuppaib Naɗi amegppa hekkunignu dabmettem. Amge ig Nug amegppaib tutukku hekkunignu aakkuib ii hettem. Iitta. Ig danab ag ele ig kobol tutukkuppa hettem anidkkulagnu hettem.

2 Korint 8:21 Referans Kwoze

Rom 12:17

Amu laa ag ahilagppa eheɗ laa heppeg, ag aib nob nau mattana, amu dilagppa eheɗ heppig. Ag danab oh amelagppa kobol enappa oiglagnu dabmak aweg!

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

Pilipai 4:8

O lailad, da nai laa ele ag amelagppa attem. Ag kobol doyak diig genabibppanu bette, kobol anuqak, kobol tutukku, kobol oppiak ele, kobol neekkak enanag ele, kobol elelenab, kobol enanagnab, kobol binag ele amu, ag kobol amu oh aon dabmenana oinna, oolagppa meig!

1 Tesalonaika 5:22

Keeke eheɗ oh, ag dimatteg!

2 Korint 2:17

Danab kuɗum laa ag oinna, Kayak naippa men doɗonu uɗat hetteb ele amu, ig amubia ii hettem. Iitta. Ig Kristusnu daatta, maɗi nid Kayak maatte gotteb bia, ig oonig oppiaawak eleppa Kayak noobppa nai amu mehuqttem.

Rom 14:18

Danab laa nug ib amuppa Kristus waappa daya nuhig uɗat hette ele, geha Kayak Nug nuhignu ena dookku; danab ag ele nuhignu am danab ena dooglag.

1 Timoti 5:14

Amunu ah bau qak mak dilag ulum mettak nai dahil am ah bau anam amu, ag danab bau aona, nid menunna, ag laulag atognokkulagnu ɗo mettem. Ag anam heppeg amu kekeɗ laa ag ihinignu nai nau mattiglagnu ib laa ii anidmana.

Matyu 6:4

Na anam heppe amu, nahip oo doyak uɗat lokkumakppa dayebeb, na Mamen, Nug keeke lokkumak oh anidtte, Nug nob ena eɗua medakku.

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

Matyu 23:5

Ag keeke oh danab amelagnuib hetteb. Ag Kayak nai inaknu kunup okkai henan, uɗalagppa amu eppelagppa ele qakkana, unuqittak lamen daugppa bala elab elab ele hetteb.

Matyu 6:1

Laa ele ag dabmeig! Ahilag hak ena am danab anadkkulagnu aib heppig. Ag anam hekkulag amu, ag Mamelag, hab attan daatte, ag nuhigppanu nob ena ii aomna.

Rut 3:14

Boas nug anam aum amunu, Rut nug niiom abenppa eɗua niiom. Niie ukke, wagkkaɗkkun heehe, laa nug auntai antta dookkunu elele iitta haenppa Boas tatam ahe, Rut ele ahe amu, Boas nug Rut amegppa aum. “Danab laa nug ah ee aeg mumuɗaknu aben ippa uɗiom amu, laa nug ii dooma!” awa aum.

Prowerb 3:4

Na anam hekkut dayeb, na Kayaknu neekkakppa, danab ah dilag neekkakppa ele, na danab diignu doyak tutukku ele daakkut.

2 Korint 8:20

Laa ele amu, ig geha danab laa nug ig ehanittak okkai kobol imu hettem, amunu nai eheɗ laa akkunu oonig ii daatte. Ig oonig anam ii daatte amunu ig lainig nug ig ele oh oignignu hettem.

2 Korint 8:22

Aria, ig am ig lainig laa ele meut, nug aa ele oh gotteb. Ig haen kuɗum uɗat digdigppa ig nuhig hak meta anidmut, am nug uɗat amu hekkunu nug elele ɠagattag heum. Gemu nug ag Korint daatteb amu, ag aɗi hekkulagnu appig amu ag hekkulagnunab daatteb dootte amunu, nug am uɗat amu hekkunu elelenab dootte.

1 Timoti 3:7

Laa ele amu danab nug Kristen tamaniaknu gumak ikki danab daakkunu oo daatte amu, nug eheɗ heeb, uɗa nak guittak ele doya, nug Satannu uhuippa nomanu nug dimittim danab, ag noolagppa danab ena daakkuoitte. Anam iitta dayeb, nug ag noolagppa ele danab ena dayaɗ!

1 King 18:34

Aria, nug danab ah amelagppa aum. “Ag le itaknu hanak okkai waɗele aon, le itappeg ambeeb, aab, doɗ teppu, manaknu ofa daakkunu, amu ele qaɗep gokkaɗeg!” awa aum. Ag anam heeg, nug aum. “Ag eɗun baula heig!” awa aum. Nug ag amelagppa a, ag baula heeg, nug ag baula le itan hekkulagnu a, ag baula le itan gokkaɗppig.