2 Korint 7:11 - Nobonob Baibel

¹¹ Ag imu dabmetteg! Ooppa guittak doyak, Kayak Nug ag amubia dooglagnu oo dayom amu, nug he, kobol digdig meu ena ele ahilagppa beum. Ooppan guittak amu nug ag tappaɗatte, ag Kayak pehettak dim lamidkkulagnu wagai metteb. Ooppan guittak amu nug ag tappaɗatte, ag ahan, aɗi keekenu oolagppa uug daatte amunu epeɗin elele medappig. Ooppan guittak amu nug danab laa eheɗ heum amu ag bappaidkkulagnu maɗattom, amu ag oo ottaiak ele dooppig. Aria ooppa guittak amu nug he, ag ig anigkkulagnu ag oolag gayom, amu ag ihinignu dabmak huan aoppig. Ooppa guittak amu nug he, ag toliattak uɗat hekkulagnu wagai meppig. Uug babaittak uɗat oh ag hetteb amu, ag eleleib hetteb, ahilagnu aɗi laa mattignig? Ag uɗat amu eleleib hetteb.

2 Korint 7:11 Referans Kwoze

Rom 14:18

Danab laa nug ib amuppa Kristus waappa daya nuhig uɗat hette ele, geha Kayak Nug nuhignu ena dookku; danab ag ele nuhignu am danab ena dooglag.

2 Timoti 2:15

Kayak Nug nahipnu ena dookkunu na uɗat nahip pehettakib hekkutnu wagai me! Na maɗi nid nug nuhig uɗat enaib hette, diig amunu nug uɗat nuhignu uɗa ii nette, amubia na danab ah Kayak nai tutukkunab ippunatte!

2 Korint 7:7

Am Taitus uɗiom amuppaib ig oonigppa oo mak ii doomut. Iitta. Ag Taitus oo mak mettaeg, nug nai amu awa uɗia, ig amenigppa mattie, ig oonigppa oo mak doomut. Am laa amu, Taitus nug ig amenigppa ag da aniɗkkulagnu oolag huan daattenu, kobol naunu ag oolagppa eheɗ doyona gaattebnu, ag dahilnu dabmak huan aottebnu aum amunu, da maɗoɗppan gamag ahak huana doomi.

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!

Jut 1:23

Laa ag aab aɗuppa daatteb bia daatteb amunu, ag ehanadna, qen oqaina diieg! Am laa ag eheɗ hetteb anadna, ag ahilagnu oolag gai-iitta doona oolag mattan ehanatteg! Amge amu henana, ag dabmena autna aonna, kobol alag ag hetteb ele, ag amunu lamen dubuttid ele bianab doonna, ag akka kobol nau amunu nau ninig ele doon, awaidna dayeg!

1 Pita 2:2

Amu ag danab laa nug ee enanag laa lana enanag dootte, amubia ag Naɗinu enanag doona, ag Nug bekkod daatteb amunu, ag ena mekkulagnu, nid yuɗ ag huh aoglagnu oolag okkainab daatte amubia, ag Kayak nai, ag amu dooglagnu oolag dayaɗ!

1 Pita 1:17

Ag Kayak, Nug danab oh melemel laippuppa ahilag hak anen anenppa epeɗiadtte amu, ag Nug unuqidnana, Nug onig diin Mame atteb amunu, ag haen imuppa aab diig danab iitta daanna wan imuppa oitteb amu, ag nuhignu ag ebehilag oh bodoetta le meeb, ag Nug onig binag metteg!

Hibru 4:1

Aria, Kayaknu hik awaknu nai, nug amunu nai qakka aum amu, nai amu gemu ele daatte amunu, danab laa ag oolagppanu nug hik awak amu etta ii aomanu amu, ig dabmeta autta aotu!

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

Pilipai 2:12

Aria gamalad, anukka da ag ele daamut, haen amuppa ag hanhan Kayak oɗe dim lamidttappig, amubia gemu da ag ele ii daattem, da laih daattem amu, gemu ele ag nai nuhig dim lamidkkulagnu huana dabmenana heig! Amu Kayak Nug ag eɗua diiom, ag amu gogppa tekkunu ag nuhignu ag ebehilag oh bodoetta le meeb, ag oolag ottaiebeb, ag Nug oɗe dim lamitteg!

Epesus 5:11

Gatatu uɗat, meu iitta ele, dimittim danab ag hetteb ele amu, ag anam aib heppig. Iitta. Ag gatatu uɗat am nau, ag amu miag atippeg, danab ah oh antteg!

Epesus 4:26

Ag oolag nauhkku dayeb amu, ag hipunin hemananu dabmeig! Ag oolag nauhkku dayeb, oo nauhak amu nug dayebeb ukkeb, aam aib noum. Aam ii noak haenppa ag oolag laippu meig!

2 Korint 13:7

Ig Kayak Nug ag ehanatteb, ag kobol eheɗ laa ii hemananu unuqidttem. Ig danab laa ag ig ma anttakppa elele hettem anidkkulagnu amu, ig ahilagnu anam ii unuqidttem. Iitta. Danab ag ihinignu ena dooglagtai o iitta ena iitta dooglagtai, amuam keeke okkai iitta, amge ig ag Korint danab ag kobol tutukku hekkulagnu oonig daatte, aakkuib.

2 Korint 9:2

Aɗinu? Da ag uɗat amu hekkulagnu ag oolag geɗatte doottem amunu, da haen oh Makedonia danab noolagppa ag onilag hume, inam amelagppa attem. “Akaia danab Korint daatteb amu, ag maɗ tumai ukkomppa uɗat amu hekkulagnu bappaidppig.” Amu ag ehanittak uɗat imu hekkulagnu ɠagattag heegeg, Makedonia danab ag amu doona, kuɗumnab ag ele amu hekkulagnu oolag geɗatte.

2 Korint 7:1

O da gamalad, Kayak Nug ihinignu nai qakka anak amu aum amunu, ig meunignu, amu ouɗinignu dubuttid ele oh geɗidta, ig Kayaknu ebehinig oh bodoetta le mak dootta, ig meunig ohppa Kayaknu oppiaawak ele daat oitu!

2 Korint 6:4

Iitta. Ig am Kayaknu maɗi nid daattem ippunadkkunignu amu, ig uug digdig bak haenppa ig ɠagattag daat, uug amu doot maot oittem, amuppa amu ippunadttem. Ig ihinig kobolppa qagaiettak haenppa, oo doyak haenppa, aolak haenppa, oikkak haenppa, maniguittak inikkak haenppa, lamikkak haenppa, uɗat naɗi ɠagattag hak haenppa, niiak elele iitta haenppa, amu enug iqak haenppa ele amu, ig haen amu oh ig ɠagattag daat, uug maottem amuppa amu ig am Kayaknu maɗi nid ippunadttem.

2 Korint 2:6

Ahilag danab kuɗum ag danab amu eheɗ heumnu bu medappig, amuam aakku elele. Ag aib baubau huanaknab medappig.

1 Korint 12:25

Amunu beɗu laippu nug otiak laala ii daatteb. Iitta. Laih naunau oh ag nug ehanidnana daatteb.

1 Korint 5:2

Kobol amu beum daatte amunu ag, “Ig am binanig ele,” akkulagnu genab elele iitta, amge ag anam atteb. Ag uɗa nak doolob am ena. Danab nug kobol amu heum ele amu, ag nug Kristen tamaniak ooppa daamanu geɗidppeg dimittim golo am ena.

Rom 11:20

Genab! Eppekkud qiialatta awak amu, ag oolagppa genab ii dooppig amunu, Nug ag qiialatta awom. Ag iitta aɗi ag Kristen beppig daatteb ele, ag am oolagppa genab dootteb amunu, ag aakku ena daatteb, amge ag dabmena autna aweg! Ag aib hibguitta heppig. Iitta! Ag Kayaknu ebehilkad oh bodoetta le maɗ!

Aposel 17:16

Amu Pol nug Atens appa Silas, Timoti ele amelah maama, nug aab okkai amuppa kayak hambuppuak dottolkad amu kuɗumnab aben ohppa anatta, nug keeke amunu oo huanak guittom.

Jon 2:17

Jesus anam a, nuhikkud ippunittak awak danab ag Kayak naippa nai daatte, nai amu ag daulagppa doum. Nai amuam inam. “Na lautppa, na ig attemnab daagnignu ippunigttem amu, da amunu yag-nab-bak doye hettem.”

Mak 3:5

Ag toettan daaegeg, Jesus Nug neekka anatta, Nug oo nauhak doya, ag ahilag dabmak ɠagattag eppom ele antta, Nug amunu oo uugnab doya, Nug danab eppeg mauhak ele amegppa aum. “Na eppen taiette!” awa aum. Jesus Nug anam a amu, danab amu nug eppeg taiette, eɗua laih bia, ena dayom.

Daniel 6:14

Ag anam aeg, king doya, ooppa uug naunab doyom. Doya, nug Daniel ehanitteb, ena daakkunu dabmak ɠagattag awa, wagainab ma heehe, uudoum.

Aisaia 66:2

Da keeke amu oh hattami amunu, ag beppig daatteb.” Yawe Nug anam atte. Amu Yawe imu ele atte. “Aun laa nug nukka nug onig qe ne, nug nug binag ii mette, nug dahil nai dim lamidkkunu dabmak tippalmanu baɗatte amu, da nuhignu enanagnab doottem.

Aisaia 26:8

O Yawe, ig ihinig oiyak ohppa nahip ɗo dim lamidtata, amenig na anidtata, naib amen mekkunig. Ig na onin, binan okkai ele daakkutnu oonig okkai daatte.

Solomonnu Ahi 8:6

Amu nahip doyaknu at stemp-ppa daatte, keeke amuam na momonppa aihak daatte amu, da anambia daakkulnu ool daatte. Ao, nahip doyaknu at stemp-ppa daatte, keeke amuam na eppenppa qakkak daatte amu, da anambia daakkulnu ool daatte. Aɗinu? Oo mauhak am keeke ɠagattagnab. Ao, laanu oo hak huanak am keeke uug naunab ele eɗidkkunu elele. Oo mauhak am aab ewak bia; am aab ewa auta autanab aotte bia.

Prowerb 28:14

Danab aun nug hanhan Yawenu ebehi oh bodoetta le mette, nug itittak ena awom daatte; amge aun nug kobol ena hemanu dabmak nuhig ɠagattag ebatte, nug am uugppa notte.

Prowerb 14:16

Danab doyak dabmak ena ele nug Yawenu ebehi oh bodoetta le me, nug kobol nau hekkunu uua oitte; amge danab nug Kayak dab-ii-maama ii dim lamidtte ele nug am oppoɗi paha paha beebe, kobol mauhnoak, dabmak iitta ele hette.

Sam 145:19

Danab ag Yawenu dabmenana, nuhignu ebehilag oh bodoetta le mette ele amu, Yawe Nug danab amu aɗi keekenu oolag hette am madatte. Ao, Yawe Nug danab amunu unuqittak doya, nug ehanatte, padal ii metteb.

Sam 130:6

Danab nug tuqan aabnu aɗ attan aɗi uɗitte anittak danab daatte, nug wakkaɗeb anidkkunu oo huan daatte, amubia da Naɗi ehaniɗkkunu ool huan daatte. Yo, da ool amunu huan daatte.

Sam 119:139

Dahil kekeɗ ag oolag eɗueb, na dim lamidkkulagnu uɗat hekkulnu yag-nab-bak doye, hei ukke, da ebehil bodoettom. Aɗinu? Dahilad kekeɗ ag nahip nai dimettan, ii dim lamidtteb.

Sam 69:9

Ag dahilnu anam doottebnu diig am inam. Na lautppa, na ig attemnab daagnignu ippunigttem amu, da amunu yag-nab-bak doye hettem. Amu laa ele amu, danab ah ag na aon aon naunab nidatteb amu, nai nau amu dahilppa aakku uɗia, da yaaiɗtte.

Sam 42:1

Dia laa nug lenu baag diie, baag qaɗaietta auta awe, nug le antta lakkunu lenag mattia auta autanab aotte amu, O Kayak, anamib, da na anidkkulnu ool daya auta autanab aotte.

Sam 38:9

O Naɗi, na da aɗinunab ool huana hette am na doottem. Na haen oh da mahiak hettem amu, na doottem.

Sam 35:13

Haen ag oɗe mena daaegeg, da ahilagnu mahimi. Ao, da dakka, da onil qei ne, da ele ee ohnu kud mein daami. Ge, da dup noin aute awen, da ahilagnu unuqidmi.

Nehemaia 13:25

Juda danab amu ag ah amu diieg, nid amubia daaegeg anatten, da ag daulag baten, ag eheɗ laa awaknu anak waappa daaglagnu nai ami. Da danab amu laala makkuɗatten, laa ikkilkad uɗug eppelppa hiɗami. Da wagai mei, ag dahil nai dim lamidkkulagnu anana, ag nai ahilag Kayak onigppa ɠagattag qettan appig. Dahil nai da ag amelagppa ai doon dim lamidkkulagnu ahilag nai ɠagattag qettan anana, nai ahilag amuam inam. Ag ahilkad nid ah wan amuppan danab ahilkad ah daaglagnu ii mattamnanu, ag wan amuppan ah diin, ag bekkalkad ele ahilkad ah daaglagnu ii mattamnanu, appanu ah ele ag akka ii diimna.

2 Korint 7:9

Gemu da gamal ahatte. Da ag oolag uug dayom amunu, gamal ii ahatte. Iitta. Ag oolag uug dayom, amuppa ag oolag eɗuom amunu, da gamal ahatte. Kayak Nug haen danab hipunin hette, danab amu nug, “Da hipunin hemi,” doyaya, ooppa guittak dookkunu dabmette, amubia ag dooppig amunu, ihinig nai amu he, ag eheɗ laa ii aoppig.

Job 42:6

Anam amunu, da gemu da dakka, da dahilnu, da ena iinab doottem. Da anam doyeye, da wan gappudppa, uhuɗppa ele dayeye, da ool eɗue aute autenab aottem,” awa aum.

Rom 3:5

Amge kobol nau ihinig am heeb, Kayak Nug genab tutukku hak kobol aakkuib hette, nuhig kobol amu miag atieb amu, attemu? Ig aɗi akkunig? (Da ig danab ihinig dabmak dim lamitte madittem.) Ig, “Haen Kayak Nug ihinig eheɗ haknu bu megatte amu, Nug nai doya mala hettoɗia epeɗia elele mettak kobol ii dim lamidtte,” aot akkunigte?

1 Tesalonaika 4:6

ag Kristen ag gappai kobol, mauhnoak oiyak, oo ahak kobol, keeke amu oh hena, lailkad buppualadnana, laanu ah ele ii aomnanu Nug oo daatte. Ig anukka kobol nau amunu nau aomnanu nai mattat, amelagppa mattimut, amu amubia Naɗi Nug danab anam hetteb ele amu nob nau madakku.

1 Timoti 5:20

Am danab laa hipunin haaha daakku amu, na danab ah noolagppa daug batan, tutukku mette! Amuppa amu danab laala oh ele baɗan, hipunin ii hemana.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.