2 Korint 5:9 - Nobonob Baibel

⁹ Anam daatte amunu, ig ii mauhmut, haen imuppa, ihinig mauhak dimppa ele amu ig kobol oh, Naɗi Nug oo daatte, amubia hekkunignu dabmak ɠagattag aottem.

2 Korint 5:9 Referans Kwoze

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.

Rom 14:18

Danab laa nug ib amuppa Kristus waappa daya nuhig uɗat hette ele, geha Kayak Nug nuhignu ena dookku; danab ag ele nuhignu am danab ena dooglag.

2 Pita 3:14

Amunu O lailad, ag keeke amu ameg mena daatteb amunu, ag oolagppa oppiak daaglagnu, ag danab oolagppa kaliak laa iitta ele daaglagnu, ag Kayak, Nug ele maɗoɗ daaglagnu, ag wagai menana dayeg!

1 Timoti 4:10

Nai am inam. Ig Kayak bauklel, Nug danab ah oh eɗua awikkak diig daatte, amge Nug danab ah ag nuhignu oolagppa genab dootteb ele, Nug ahilagnu eɗua awikkaknab danab daatte, ig nuhignu oonigppa genabnab dootta, Nug doa ehanigkkunu dabmak aɗat daat, ameg mettem. Ig amunu am genabib doottem amunu, ig uɗat naɗinab ɠagattag ele hettem.

1 Tesalonaika 4:11

Amu anukka ig ag amelagppa amut, amubia ag dabmak tutukku aona, ag toettan daana, ag ahilag keeke tutukku hena, ag akka eppelagppa uɗat heig!

Genesis 4:7

Na kobol ena heppe, da ool nahipnu ena daakku. Amge na kobol ena ii heppe, hipunin na tonitteb nauhkkut, amge anam am aib. Na hipunin tabappe noaɗ!” awa aum.

1 Tesalonaika 4:1

Ao ig lainkad, ig kobol Kayak oo niitte bia, ag amuppa oiglagnu ippunadmut amu, ag amu dim lamidtteb. Gemu amu, ig Naɗi Jesus onigppa ag huana dim lamidkkulagnu ahilkad dabmak maɗedattem.

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

Rom 15:20

Da uɗat amu heinne amu, da danab laa ag tatam tamaniak buueg beum daatte amuppa nai mehuqkkulnu ool ii daatte. Iitta. Da aben laalappa Kristus onig ii dooppig ele, ahilagppa Nai Ena madikkulnu da ool okkainab daatte.

Rom 14:8

Amunu ig bau daattem dayeb, amuam Naɗinu keeke. O ig mauhkkunig dayeb, amuam Naɗinu keeke amunu, ig bau daagnigte, o iitta ig mauhkkunigte, ig am Naɗinuib daattem.

Aposel 10:35

Iitta. Kayak Nug danab buɗub ohppanu laa ag nuhignu ebehilag oh bodoetta le mette, ag kobol genab tutukku ele hetteb amu, Kayak Nug ag diiadtte.

Aisaia 56:7

“Da geha danab ah aben laalappanu diie, qauko dahilnu tituanak daatte, da ag qauko dahil amuppa, ⌊Jerusalem aabppa,⌋ daaglagnu omalatten uɗien heppi, ag dahil unuqittak lag ooppa, ag oo gamag ahak naɗi aoglag. Danab ah amu ⌊ag da oɗel doon dim lamidkkulag,⌋ ag manaknu ofa, mana mettak laala ele meɗaglag amu, da ahilagnu ool enaib dookkul. Aɗinu? Danab ag da laul am wanppan wan ohppanu danab ah dilag unuqiɗak lag daatte dooglag,” awa atte.

Hibru 12:28

Keeke diignab ele aakkuib daakku, amu ig ɗo maɗoɗ amuppa daattem amunu, ig Kayak amegppa, “Ena hen mekkame,” aot atu! Amu ele ig ebehinig oh nuhignu bodoetta, le ma aut auta aweb, ig Nug oo niitte bia Nug noobppa dup nota binag metu!

Hibru 4:11

Amunu ig ele hik awak amu aot daagnignu Kayak Nug amunu aɗi atte amu ig hetu! Ig anukka Israel ag Kayak oɗe tappaeg neum bia padal mekkunignu ii hemata.

Kolosi 1:29

Diig amunu da dahil ɠagattag ohppa da uɗat amu hekkulnu heɗiag okkai hettem. Kristus Nug nukka da uɗat anam hekkulnu ɠagattag okkai nuhig da meɗa, Nug da tappaɗilele hettem.

2 Korint 5:8

Amge da ami aakku, ig hab aabppanu beɗunig aognignu dabmak aottem. Ig ii aognignu amu ii dabmettem. Ig wan imuppanu beɗunigppa daagnignu am ena doottem, amge ig beɗunig imu uuidpput, Naɗi ele appanig diigppanab daagnignu amu, ig amunu enanag doottem.

2 Korint 5:6

Diig amunu amu ig hab aabppanu beɗunig aognignu dabmak aottem; ig ii aognignu ii dabmettem. Ig anam dabmetata amu, ig imu ele doottem. Ig wan imuppa oiyaknu beɗunig ele oitata amu, ig Naɗi ele hab aabppa appa ouqak ii daattem.

Jon 6:27

Ag ee aon lappeg, beɗulag ɠagattag qeeb, wan imuppaib ena daaglagnu aib anuqak dooppig. Iitta. Ag Kayak nai aon dabmenan, bauklel hanhannu aoglagnu anuqak doyeg! Mama Kayak Nug da ag amu madakkulnu ɠagattag meɗom amunu amu, Danab Bekkalag da, da ag madakkulnu elele,” awa aum.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.