2 Korint 5:4 - Nobonob Baibel

⁴ Ao, ig peh lakka daatta, ig uug dootta aiqagattem, amge ig wan imuppanu beɗunig imu uut, hamu daagnignu oonig ii daatte. Iitta! Ig hab aabppanu beɗunig, wan imuppanu beɗunig qaɗeppa mepput dayebeb, wan imuppanu beɗunig, ag mauhkkulagnu daatteb ele amu, ag hab aabppanu beɗunig, ag hanhannu daatteb amu, ag oolagppa daanna eɗuna, bauklel hanhannu keeke daaglagnu oonig daatte.

2 Korint 5:4 Referans Kwoze

2 Korint 5:2

Gemu Nug hab aabppanu lag, ig lamen mettem amubia ihinigppa mekkunu oonig huana daatte.

Aisaia 25:8

Naɗi Yawe Nug geha mauhak amu heeb iitta meeb, geha mauhak amu ahilagppa ii bema; hanhan anamib daakku. Nug geha danab ah oh amelag leb amu oppieb, iitta mekku. Amu Nug geha danab ah nuhikkud wan ohppa uɗa nak nau guittak ele ahilagppa daatte amu heeb, iitta mekku. Yawe Nug anam mattiom daatte amunu, am anam bekku.

2 Pita 1:13

Da amu hekkulnu am kobol tutukku doottem. Anam amunu, da bau daattem haen imuppa, da keeke amunu baubau ag amelagppa, dabmak ahilag maɗedakkulnu amu madikkul.

Aisaia 38:12

Danab nug peh lag aɗe na ii daatte, amubia dahil bau dayak am iitta mekkun hette. Danab nug lamen otala hamu agakkunu masinppanu otaɗa aɗe, appa ii daatte amu, dahil bau dayak am anambia iitta mekkun hette.’ Da anam ainne, da, ‘Yawe Nug he, da mauhkkulnu hettem,’ ami.

Rom 8:23

amge Kayak keeke oh hattom, keeke amu aakkuib ag anam ii hetteb. Iitta. Ig Kayak Ouɗi aomut, Nug am hanhan ena dayak awaknu hapin pania mekkom daatte amu, ig ele Kayak Nug heeb, ig beɗunig bau aot, ig Nug bekkodnab daagnignu aeqakkata, ameg meta daattem.

1 Korint 15:51

Antteg! Da nai tonak daatte ag amelagppa iikku otule, miag madittem. Ig Kristen oh amu ii mauhmata. Iitta! Kristen aun aun ag gogtak haenppa trampet gayebeb, bau daanna, ag ii mauhmana. Ag am ii mauhmana, amge ig oh, mauhak am ii mauhak ele, haen amuppa Kayak heeb, ig baolignig. Yo, ig pahanab, paha paha amuhpapaɗ qak bia, Kayak heeb, ig baolignig. Trampet amu gayebeb, Kayak Nug heeb, danab mauhppig ele amu ag beɗulag laa, beɗulag amu ii nauhma, beɗulag amu ele eɗun hippaidkkulag. Amu ig laa, ig haen amuppa bau daagnig ele amu, Kayak heeb, ig ele baolignig.

2 Korint 5:3

Aɗinu? Nug hab aabppanu keeke amu awa, ihinigppa meeb amu, geha ig danab beɗu miag atiak daatte amubia ii daamta.