2 Korint 4:5 - Nobonob Baibel

^5-6 Anukka Kayak Nug aum. “Gatatu ooppa amahlak nug amahlaɗ!” awa aum. Kayak anam aum, amu Nug ele he, ig Jesus iɗuppa Kayak binag amahlak oppiaawak ele anidta doottem amunu, ig ikka ihinignu nai ii mehuqttem. Iitta. Ig Kristus Jesus, Nug am Naɗi daatte, anam mehuqtata, Jesusnu nai dim lamidttem, amuppa amu ig ahilag maɗi nid daattemnu ele mehuqttem.

2 Korint 4:5 Referans Kwoze

2 Korint 1:24

Ag ahilag ooppa genab doyakppa daatteb amunu, ig ahilag ooppa genab doyak gumagnignu ii hettem. Iitta. Ig ag maɗoɗppan gamag ahak dooglagnu ig ag ele, ig tamanit, uɗat hettem.

1 Korint 1:23

amge ig ib aɗit amuppa ii gottem. Iitta! Ig Kristus ad emaitakppa atulitteg mauhom, ig amunu nai mehuqttem. Ig anam mehuqutut, Juda danab ag nai amunu ag eheɗ doon, ag kekeɗ mettaegeg, Grik danab ag nai amunu, “Dabmak tutukku iitta,” aon anana, ii aotteb.

Galesia 5:13

Genab O lailad, Kayak Nug ag uhuqak daaglagnu onilagppa eum, amge ag ahilag dabmakppa aib inam appig. “Ig uhuqak elele daattem amunu, ig beɗunu kobol ele hekkunig.” Ag anam aib appig, amge ag lailkad dilagnu oolag mauheb, ag oh nug dabmattanna ehanatteg!

Pilipai 1:15

Amu genab, laa ag Kayak ehaniɗe, da Kristusnu Nai Ena mehuqttem anidna, ag amelag qe oolag elele ii daye, ag onilag attan ta daakkunu, layag ele kekeɗ mettakppa ele ag Kristusnu nai mehuqtteb. Laa ag anam hetteb, amge laala ag dabmak ena ele nai mehuqtteb.

2 Pita 2:3

Ippunittak danab hambuppuak amu ag men doɗo baubau awaknu hik aqebeb, ag geha ippunittak kobol genab iitta, ahilag dabmakppanu aakkuib ag ippunadnana, men doɗo aoglagnu hekkulag, amge Kayak Nug ameg ii amuhe niitte. Iitta. Nug ag nob nau madakkunu meum daatte; ag ii eɗidmana.

Taitus 1:11

Danab amu ag hambuppuna, men doɗo aoglagnu ippunittak nau heegeg, laa ag ahilag nai dootteb ele amu, ag amunu ena anana, nob laa, men doɗo, madatteb. Danab ag ippunittak nau amu hetteb amu ag amu henana, ag laa nai ahilag dootteb ele kobol ig hekkunignu elele iitta ele amu ippunadna, kobol amuppa ag danab laala, ag waalkad bekkalkad ele oh amu ahilag dabmak kabolitteb amunu, na appe, danab amu ag oɗelag qamuteg!

2 Timoti 2:10

Amunu amu, da ool ɠagattag qetten, da Kayak Nug danab ah nuhikkud tituanattom, ag ele Kristus Jesusnu eɗua awikkak aon, haen oh hab aabppa daaglagnu, da ag ehanadkkulnu heinne, uug imu oh maottem.

1 Korint 12:3

Amunu gemu keeke amubia baula bemanu, ag imu dooglagnu da ool daatte. Kayak Ouɗi Nug danab laa ooppa noa heeb, nai mehuqa, “Jesus Nug eheɗ laa awaknu anak waappa daakkunu ool daatte,” madikkunu elele iitta. Aria danab auntai laa, nug ooppa Kayak Ouɗi iitta ele amu nug Kayak binag ma, “Jesus Nug Naɗi daatte,” madikkunu ele elele iitta.

1 Korint 8:6

Amge ihinignu, Kayak laippuib daatte, Nug am ig Mamenig, Nug am keeke ohnu diig daatte amunu, ig am nuhignuib bau daattem. Naɗi ele am laippuib daatte, Nug am Jesus Kristus. Kayak Nug nuhigppa keeke oh hattom, amu ig nuhigppa bauklel aottem.

1 Korint 2:2

Iitta! Da dabmak awen, ɠagattag qein, haen da ag oolagppa dayeye, dakka dakka da oolppa ami. “Keeke laa ohnu ele da ii dabmepa. Da Jesus Kristusnuib, amu Nug ad emaitakppa mauhom, amunu ele aakkuib dabmein madikkul,” awe ami.

Aposel 10:36

Nai amunu diig am Jesus Kristus, Nug wan ohppan dilag Naɗi daatte amu, Nug nuhig uɗat okkaippa maɗoɗ daakkunu ib ooɗe, Kayak Nug maɗoɗnu Nai Ena amu me, Israel dilagppa uɗiom, am anamib daatte.

Aposel 5:31

Jesus Nug heeb, ig Israel ig oonig eɗueb, Kayak Nug ihinig hipunin uhuqa megakkunu Kayak he, Jesus Nug Kayak eppeg naɗiap, amuam aben onig okkainab ele, Nug appa ihinig Okkai, ihinig Eɗua Awikkak Danab ele daatte.

Aposel 2:36

Anam amunu Israel danab ah, ag oh tutukkunab doyeg! Kayak Nug he, Jesus Nug Naɗi, am Kristus ele daatte. Ag Nug ad emaitakppa atulppig.” Pita ag amelagppa anam mattie dooppig.

Jon 7:18

Am danab laa nug nukka nuhig dabmakppa nai maditte amu, nug nukka binag okkai aokkun hette. Amge danab laa, nug laa me uɗiom ele, nug binag mette amu, danab amu nug doyak diig genabib dim lamidtte; nug nuhigppa eheɗ laa ii daatte.

Matyu 23:8

Anam ana amu Nug nai tuɗitta ippunittak awak danab nuhikkud amelagppa aum. “Amge ag amu, ag danab laala ag ahilagnu, ‘Ippunittak danab,’ akkulagnu oolag aib dayom. Laippu aakkuib am ahilag ippunittak danab, ag oh am awag amag aakkuib daatteb.

Matyu 3:11

Da ag oolag eɗuom Kayak dim lamidtteb ele leppa layadttem, amge laa Nug da dimulppa uɗitte amu, nuhig ɠagattag am dahil eɗidtte. Nug am danab okkainab, da am okkai iitta; dahil hak am nuhig bia iitta, dahil am elele iittanab iitta. Nug Kayak Ouɗi, aab aɗu eleppa ag layadkku.

2 Korint 1:19

Aɗinu? Silas, Timoti amu da ele ig ag oolagppa nai mehuqmut amu, nai amuam Kayak Bekka, Jesus Kristusnu nai. Amu Kristus Nug “ao” amu “iitta” ele ii ouaqatom. Iitta. Kristus Nug aɗi atte am genabib atte.

1 Korint 15:47

Adam tatamnu amu, Kayak Nug wan awa danab amu heum. Adam dimnu amu hab aabppanu uɗiom.

1 Korint 10:33

Da hettem amubia ag heig! Da keeke oh hettem amu, danab oh ag da aɗi hettem amu oolag mettaglagnu hettem. Da uɗat hettem amu dakka ehaniɗkkulnu ii hettem. Iitta! Da uɗat hettem amu, danab ah kuɗum ehanadppi, Kayak eɗua diikkunu aakkuib hettem.

1 Korint 4:15

Ag Kristusnu daanna, ag ippunittak danab kuɗumnab ag ehanadkkulagnu diiglagtai. Ag diiglag dayeb am diiglag, amge amuam heeb, keeke laa ii baolima. Keeke ii baolikku, amuam da Jesusnu Nai Ena mehuqi, ag oolagppa genab dooppig amunu, daib ag mamelag daattem; ag mamelkad kuɗum iitta.