2 Korint 4:16 - Nobonob Baibel

¹⁶ Ig am dabmak amu aottem amunu, Kayak uɗat hekkunignu amu ig ii bodoedattem. Ao, genab, ig beɗunig amuam nauhkkun hette, amge deɗ oh Kayak Nug ig oonig bau ɠagattag medatte.

2 Korint 4:16 Referans Kwoze

Aisaia 40:31

Anam amge, laa ag Yawenu dabmena, nuhigppa ehanittak aoglagnu dabmena oitteb ele, ag ɠagattag baula aoglag. Ag ai igel hab waappa uug iitta ele hagagaɗa gotte, ag amubia hekkulag. Ag qaiettan oiglag, amge ag beɗulag bahi ii yaama. Ag baelagppa oiglag, amge ag beɗulag bodo-ii-ettama.

Kolosi 3:10

ag danab bau beppig daatteb. Amu Kayak Nug danab bau amu heum. Amu Nug ag hanhan doyak madatta he, ag bau bena, Nug biaib daatteb.

Aisaia 40:29

Nug danab beɗu bodoettom ele ɠagattag medatte. Ao, Nug danab gai-iitta meum ele he, nug ɠagattag ele daatte.

Rom 12:2

Danab laa ag wannu haen imuppan kobolnuib guattak oitteb, ag amubia aib oippig. Iitta! Kayak Nug heeb, ahilag dabmak ena bau beeb, ag oiyak bauppa oiyeg! Ag anam henana, ag Kayak, Nug ag aɗi hekkulagnu dabmaknab aotte, ag amu dooglag. Ag amu doona, ag Kayak Nug aɗi haknu ena dootte, aɗi haknu enanag dootte, aɗi haknu elelenab dootte amu, ag amu ele dooglag.

2 Korint 4:1

Kayak Nug ihinignu oo gai-iitta doya oo mekka ehanikka, uɗat imu ig mekkom amunu, ig oo bai noak ii doottem.

Sam 73:26

Da beɗul iitta mekku, dabmak dahil ele am iitta mekku, amge na, Kayak, na am dahil ɠagattag. Keeke ena oh da eppelppa daakkunu elele amu, na nakka keeke amu oh abenlag aon dayeye, da ena, elele daattem. Hanhan anamib daakkut.

Epesus 3:16

Da gatel qaun oin unuqidttem amu, da Kayak Nug nuhig Ouɗippa ag ehanatta, Nug nuhig ehanittak enanagnab, Nug amuppa ag oolag ɠagattag aqakkunu,

Rom 7:22

Aɗinu? Da dahil dabmak unuqagppa amu, da Kayaknu ɗonu enanagnab doottem,

Taitus 3:5

Nug ig eɗua awikkom. Ig ihinig genab tutukku hak kobol hemutnu laala anatta ii heum. Iitta. Nug ihinignu oo gai-iitta doya oo mekka ehanikkom amunu, Nug ig ihikka, nuhig Ouɗippa Nug bauklel mekke, ig bau menuak aomut.

Sam 27:13

Da imunu oolppa genab doottem. Da geha bau daappi ukkeb, Yawe Nug keeke ena dahilppa hekku. Ao, Nug anam heeb amu, da amu anidkkul.

1 Pita 3:4

Iitta. Ag oolag unuqagppa bala mettaglag am ena. Bala mettak amuam nauhkkunu elele iitta. Bala amuam oo bodoettak kobol, amu dagom kobol ele. Kobol amu Kayak noobppa amu enanag.

Epesus 4:23

Ag Kayak Ouɗi ib medappeg, Nug heeb, ag dabmak bau aweg!

1 Korint 15:58

Anam amunu O lailad, ag ɠagattag dayeg! Bittumttum amu aib goppig! Ag hanhan Naɗinu uɗat yagbak ele heig! Aɗinu? Ag dootteb, ag Naɗinu uɗat hetteb, amu geha hamu ii qettoɗma.

Sam 51:10

O Kayak, na heppe, da ool unuqag oppiak ele daakkunu oɗ medattem. Ao, na heppe, dahil dabmak tutukku ele dayeye, na dim lamidkkulnuib hekkulnu unuqidttem.

2 Korint 12:15

Aria, da am dahil keeke oh ahilagnu agappi gokkunu uug laa ii doottem. Am dahil bau dayak ele, ag ehanadkkulnu maoppi gokkunu uug ii doottem. Da oo mauhak ahilagnu huanak doottem dayeb, ag amu anidna, ag dahilnu oo mauhak nakokib dooglagte?

Luk 11:3

Ig ee megattem ele amu, gemunu ele megakkutnu na oɗ medattem.

Sam 119:81

Da gai-iittanab daaiyi, na da ehaniɗppe padal ii mepanu ool naɗinab daatte. Na da ehaniɗppe, da ii padal mepanu ame amu, da na anam hekkutnu oolppa genab doottem.

Jeremaia 45:3

‘Na ame. “O dahilnu gadonnab gadon. Aɗinu? Yawe Nug he, guittak dahil dayom amu, gemu guittak amu aakkuib ii daatte. Iitta. Gemu da oo doyak okkai ele doottem. Da gayeye, beɗul bahi ye, hik awe ena daakkulnu ib laa iitta,” ’ aon ame,” awa aum.

1 Pita 4:14

Amu ag Kristus onig ɠagattag aɗatteb amunu, danab laa ag ahilagnu nai eheɗ akkulag amu, ag itittak ena aoppig daatteb. Aɗinu? Kayak Ouɗi, Nug binag amahlak oppiaawak ele, Nug ag ele daatteb.