2 Korint 4:14 - Nobonob Baibel

¹⁴ Aɗinu? Ig doottem, Kayak Nug he, Naɗi Jesus Nug eɗua hibaittom, anamib geha Nug ig ele, Jesusnu ɠagattagppa ig ele maɗekkeb, ig eɗut hippaidpput amu, Nug ig ag ele oh omaikkeb gota, Nug ele oh laippu ouqak daagnig.

2 Korint 4:14 Referans Kwoze

1 Tesalonaika 4:14

Ig Jesus Kristus mauhowa, eɗua hibaittomnu oonigppa genab doottem amunu, ig Kayak Nug heeb, laala ag Jesusnu oolagppa genab doona mauhppig amu, Jesus ag ele omalatteb uɗiglagnu ele oonigppa genab doottem.

Rom 8:11

Kayak Nug he, Jesus eɗua hibaittom ele, Nug nuhig Ouɗi ag oolagppa daatte dayeb, Kayak he, Kristus eɗua hibaittom ele, Nug geha ag beɗulag mauhtteb ele am bauklel, Ouɗi nuhig, ag oolagppa daatte ele, nuhigppa ag madakku.

Jut 1:24

Aria Kayak Nug ag dabmatta auta aweb, ag ii nena qemananu elele daatte, Nug nukka ag diia, Nug noobppa, aben amuam binag amahlak oppiaawak ele, appa nuhig neekkakppa ag oolagppa kaliak laa iitta ele, maɗoɗppan gamag ahak naɗi eleppa maatteb daaglagnu ele elele daatte.

1 Korint 6:14

Amu Kayak Nug nuhig ɠagattag amuppa he, Naɗi eɗua hibaittom. Am geha ihinigppa ele Nug anamib hekku; ig ele anam eɗut ahagnig.

Epesus 5:27

amu Kristen tamaniak Nug noobppa enanagnab, dubuttid, o keeke nau laa ele iitta, enanag, oppiaawak, ooppa kaliak laa iitta ele, ba dayebeb aokkunu, Kristus Nug bau dayak nuhig uua mauhom.

2 Korint 11:2

Kayak Nug ig danab ihinignu huana dabmaama, Nug nukka ig nuhignu tituanikkom, amubia da ele ahilagnu anamib dabmettem. Ao, da ah makkun, oiyak nuhig oppiakib, nug mameg danab laanu ah daakkunu nug baeg aɗatte bia, da ag oppiak amubia daabppeg, ag Kristus medakkulnu hettem.

Kolosi 1:28

Ig Kristus, nuhignuib danab oh amelagppa attem. Ig danab oh anen anen ag dabmena autna aona, ag Kristusnu bena daanna, ag genab tutukku hak danab elelenab beppeg, ig ag omaladta, Kayak noobppa gokkunignu elele daagnignu, ig doyak dabmak ena ele ohppa danab oh ippunittak nai, amu dabmettak nai ele ippunadttem.

Kolosi 1:22

Amge Kristus Nug danab beɗu awa, ad emaitakppa mauhom, ib amuppa Kayak he, ag nuhikkud danab ah oppiaawak ele, ag nuhig neekkakppa ag oolagppa kaliak laa iitta ele, amu eheɗ laa iitta ele daaglagnu ag Nug ele oolag laippu daatteb.

Aisaia 26:19

Ig anam daamut, amge ⌊O Yawe, nahipad⌋ huu mauhna, moɗppa daatteb, ag geha eɗun ahaglag. Ag beɗulag eɗua, bau ahakku. O ag danab ah, ag matmatppa niitteb amu, ag eɗun, bau ahan gamalag ahebeb, ag eig! Aɗinu? Yawe Nug heeb, tuqan baito wan qaɗaiettakppa na, leppu mette, gikkiɗah bau bette, amubia ag moɗppa daatteb ele, ag eɗun ahaglag.

Aposel 2:24

Amge Kayak Nug mauhak oolagppanu uhuqa he, eɗua hibaittom. Mauhak Nug aɗakkunu elele iitta.

Luk 21:36

Amunu ag hanhan tutukku dabmena daanna, keeke amu oh anidmananu amu, ag Danab Bekkalag da, da noolppa hippaidkkulagnu elele daaglagnu ele unuqitteg!” awa aum.

Aposel 2:32

Aria anam amunu, ag doyeg! Kayak Nug he, Jesus eɗua hibaittom. Ig oh Jesus eɗua hibaittom amu anidmut amunu, ig iikku madittem.

Jems 5:15

Amu ikki danab ag Kayaknu oolagppa genab doona unuqidppeg amu, Naɗi Nug oɗe danab amu heeb, eɗua bau mekku. Aria, oɗe danab amu nug hipunin hattom dayeb amu, Naɗi Nug hipunin nuhig uhuqa medakku.