2 Korint 4:12 - Nobonob Baibel

¹² Anam amunu, ig mauhak ibppa daatta, Jesusnu nai mehuqutut, ag Korint, ag nai amu oolagppa genab doona, bauklel aotteb.

2 Korint 4:12 Referans Kwoze

2 Korint 13:9

Ig am ɠagattag iitta daautut, ag ɠagattag daaegeg amu, ig amunu gamanig ahatte. Haen oh ig ag tutukku elelenab ahan daaglagnu Kayak unuqidttem.

1 Jon 3:16

Kristus Nug ihinignu mauhom, amuppa ig oo mauhak kobol doottem. Amubia ig ele ig lainkad dilagnu mauhkkunignu daatte.

1 Korint 4:10

Ig totol danab ig wan imuppan danab dilag neekkakppa, ig Kristus dim lamidttem amunu, ig am danab dabmak tutukku iitta ele, amge ag Korint danab ag ahilag dabmakppa, ag am Kristusnu daatteb, amuppa ag am danab doyak dabmak ena ele. Ig am danab ɠagattag iitta, ag am danab ɠagattag ele. Ig am binanig iitta, ag am binalag ele.

Aposel 20:24

Amge da amunu ii dabmettem. Da beɗul bau daakkunu amu, da dabmak amu ɠagattag ii aɗattem. Iitta! Da ib Naɗi Jesus ippuniɗa, uɗat ele meɗom amu, da amuib tuɗitten oiyeye gog tekkulnu dabmettem; amuam Kayak Nug nuhig ehanittak okkai hamu megakka, eɗua awikkunu Nai Ena, nai amu mehuqppi danab ah dooglag.

Pilipai 2:17

Ag Jesusnu oolagppa genab dootteb, diig amunu ag Kayak waappa daan, Nug oɗe dim lamidtteb. Anam amu, amuam ag doɗ manan Kayak medatteb bia. Aria, da am wain gokkaɗaknu ofa ahilag mana mettak amu qaɗeppa gokkaɗaknu bia daakkul dayeb amu, da maɗoɗppan gamag ahak doottem, amu da ag ele maɗoɗppan gamag ahak amu dooglagnu ool daatte.

2 Korint 12:15

Aria, da am dahil keeke oh ahilagnu agappi gokkunu uug laa ii doottem. Am dahil bau dayak ele, ag ehanadkkulnu maoppi gokkunu uug ii doottem. Da oo mauhak ahilagnu huanak doottem dayeb, ag amu anidna, ag dahilnu oo mauhak nakokib dooglagte?

Pilipai 2:30

Aɗinu? Nug Kristusnu uɗatppa mauhkkunu miagnab dayom, amge nug bau daakkunu am anuqak dab-ii-meum. Iitta. Nug ag da ehaniɗkkulagnu elele iitta daaeg doya, nug amu elele medakkunu am anuqaknu dabmak okkai awa, uɗat amu heum.

2 Korint 4:11

Yo, ig bau daattem ele, haen oh ig bau daat, Jesusnu dabmak anuqak aot daautut, Jesusnu bau dayak ig mauhaknu beɗunig imuppa miag atiak bekkunu, danab ag ig iqappeg mauhkkunignu hetteb.

2 Korint 4:13

Kayak naippa, nai laa daatte am inam. “Da Yawenu oolppa genab doomi amunu, da ⌊nai⌋ ami.” Danab Sam nai amu yom ele nug Yawenu ooppa genab doyom, amubia ig Jesusnu oonigppa genab doottem amunu, ig madittem.