2 Korint 3:9 - Nobonob Baibel

⁹ Aɗinu? Ɗo nai, nuhig uɗat am nug ig epeɗikka, hipuninnu nob nau aognignu atte, amge nug am binag amahlak oppiaawak ele. Anam daatte amunu, nug tituana nai qakkak bau nug he, danab ah ag genab tutukku hak danab bena daatteb amu, amuam binag amahlak oppiaawak naɗinab iittate?

2 Korint 3:9 Referans Kwoze

2 Korint 5:21

Kristus Nug eheɗ laa ii heum amge Kayak he, Nug ihinig mana mettak dayeye, Kayak Nug hipunin ihinig oh awa, laippu qagma Nug qaɗeppa me, Nug mawom. Anam amunu, gemu Kayak Nug Kristusnu uɗat okkaippa ig anikka, ihinignu, “Genab tutukku hak danab,” awa akkunu elele.

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

Galesia 3:10

Amge danab ag genab tutukku hak danab bekkulagnu amu, ag, “Ig ɗo dim lamidta genab tutukku hak danab bekkunig,” dabmenan atteb ele, danab amu ag eheɗ laa awaknu anak waappa daatteb. Aɗinu? Kayak naippa nai amunu inam daatte. “Danab oh ag nai huppu oh ɗo yaak bukppa daatte tutukkunab ii dim lamidna, oh elele ii hena amu, ag eheɗ laa awaknu anak waappa daatteb.”

1 Korint 15:41

Aam nug binag amahlak oppiaawak laa, kalam nug binag amahlak oppiaawak laa, amu hoɗoppai ag binag amahlak oppiaawak laa. Am hoɗoppai ag ele binag amahlak oppiaawak iɗu piɗe piɗe.

1 Korint 1:30

Kayak Nug aakku he, ag Kristus Jesusnu daatteb. Kristus Nug am doyak dabmak ena, ig Kayaknu aottemnu diig. Gemu ig genab tutukku hak danab daattem, ig oppiaawak ele daattem, amu ig gemu qagaiettakppanu eɗua uhuqak aomut daattem, amu oh Kristus, nuhigppaib beppig daatteb.

Rom 4:11

Nug gaɗa ii otaɗom, haen amuppa nug ooppa genab doye, Kayak Nug nuhignu, “Genab tutukku hak danab,” awa ana, Nug amunu epponak keeke daakkunu Nug Abraham gaɗa otaɗkkunu aum amunu, Abraham nug am danab oh, ag gaɗalag ii otaɗppig daanna, Kayaknu oolagppa genab dootteb, Kayak ahilagnu, “Genab tutukku hak danab,” atte ele amu, nug ag mamelag anuqak daatte.

Jeremaia 23:6

Haen nug king dayebeb amu, Juda ag geha padal memananu ehanittak aon daaglag. Ao, Israel danab ah ag baɗak iittappa daaglag. Geha ag king amu onig am inam ataɗkkulag. ‘Yawe Nug Kobol Genab Tutukku, Nug Amunu Diig Daatte.’ ” Yawe Nug anam atte.

Aisaia 46:13

Da hei, danab nug da noolppa genab tutukku daakkunu kobol aakku miag uɗiom daatte; am uma ii daatte. Ao, dahil padal ii memanu ehanittak am paha uɗikku; laa nug heeb, ib am keldoak ii daama. Da danab ah Sion daatteb ehanadppi, ag padal iinab memana; da heppi, dahil binag amahlak oppiaawak ele am okkainab Israel oolagppanu miag atikku.” Yawe Nug anam atte.

Duteronomi 27:26

Appeg, Lewi buɗub ag inam akkulag. “Laa nug ɗo imu dim ii lamidtte amu, nug eheɗ laa awaknu anak waappa dayaɗ!” akkulag. Appeg, danab ah oh ag, “Genab, anam dayaɗ!” akkulag.

2 Korint 3:8

Ɗonu binag amahlak oppiaawak ele am okkai, amge Kayak Nug danab ah nuhig Ouɗi madakkunu heum amu, nug tituana nai qakkak amuam tituanak alag eɗidtte; nuhig binag amahlak oppiaawak ele am tituanak alag binag amahlak oppiaawak ele eɗidtte.