2 Korint 12:18 - Nobonob Baibel

¹⁸ Da Taitus amu ig lainig imu ele aa oh maate, aa oh ahilagppa gokkulahnu amelahppa ami, am Taitus nug hambuppua, ahilag keeke laa aɗomte? Am nug da ele i Kayak Ouɗi laippu amu Nuhig ɠagattagppa i iite oittep? I ib laippuppaib iite oittep?

2 Korint 12:18 Referans Kwoze

2 Korint 8:6

Anam daatte amunu ig Taitus, nug ag Korint danab ag oolagppa uɗat heehe, ag ehanittak amu bappaidkkulagnu digmeppig ele amu, nug heeb, ag uɗat amu paha malaglagnu ig nug amegppa amut.

Rom 4:12

Ele amu, Abraham nug am danab gaɗalag otaɗak ele, nug ag mamelag ele daatte. Amu gaɗa otaɗaknuib iitta. Iitta. Ag gaɗalag otaɗna, ag Abraham baeg dim lamidna, ag oolagppa genab dootteb amunu, Abraham nug anukka gaɗa ii otaɗom dayaya heum bia hetteb.

1 Pita 2:21

Amu Kayak Nug ag kobol amu dim lamidkkulagnu onilagppa eum. Aɗinu? Kristus Nug guittak naɗi ag ehanadkkunu awom. Nug heumppa amu, Nug antte oo maittaknu kobol, ag kobol nuhig amu dim lamidkkulagnu ag ippunatta mattom.

2 Korint 7:6

Amge Kayak, Nug danab oo uug ele oo mak medatte amu, Nug he, Taitus gumikka uɗie, amuppa ig oonigppa oo mak doomut.

2 Korint 7:2

Ag oolag amu ig mekkeg! Ig danab laa, nuhigppa eheɗ laa ii hemut. Ig heut, danab laa nug hipunin danab ii dayom. Ig danab laa buppuidtata, nuhig keeke laa ii aɗamut.

Nehemaia 5:14

Amu King Artekserksis nug Persia dilag king dayaya, nuhig king dayaknu maɗ 20ppa nug da Juda dilag gawana daakkulnu otiɗom. Nug maɗ amuppa otiɗe daaiyi ukke ukke, nuhig king dayaknu maɗ 32ppa da uɗat amu batami. Da maɗ 12 Juda dilag gawana aakku daami. Amu kingnu ɗo daatte bia, haen amuppa, da deɗ anen anen aɗi ee meɗaglagnu ɗo atte bia aokkulnu elele daami, amge da maɗ 12 amu ohppa da, da awalad amalad ele, ig oh ahilagppanu keeke nakok laa anam ii aomut. Iitta.

Namba 16:15

Aa nai anam aeh, Moses nug oo huana nauhe, nug Yawe amegppa aum. “Ag nahipnu mana mettak heppeg amu, na aib aome. Da eheɗ ahilagnu laa iinab hemi, ahilagppanu doɗ donki keeke, da amu laa ahilag iinab aomi,” awa aum.

1 Korint 4:21

Aria ag attemtai? Ag kobol ahilag ii bappaidppeg, da bu aɗe ahilagppa gokkulnu oolag daattete? O iitta ag eɗun ena heppeg, da oo mauhak kobol, kobol bodoettak eleppa gumatten gokkulnu oolag daattetai?