2 Korint 10:4 - Nobonob Baibel

⁴ Ban haknu keeke oh ig aɗattem amu, ag wanppan keeke iitta. Iitta. Ig aɗattem ele amuam Kayaknu ɠagattag ele, amuppa ig kekeɗnu ban haknu aben ɠagattag loppaɗttem.

2 Korint 10:4 Referans Kwoze

Jeremaia 1:10

Antte! Gemu da na ehah laa medattem. Na wanppan wan laalappan danab ah, amu ɗo maɗoɗ laalappanu danab ah ele amelagppa nai madikkutnu elele daattem. Na laala amelagppa, danab laa nug uud keeke hiɗe bunaɗtteb, o lag keeke loppaɗtte, amubia da wan laa, o ɗo maɗoɗ laa amu, da ahilagppa heppi, ag nauhkkulag akkut. O na laala amelagppa danab laa nug keeke he nauhtte, o laa abenlagppanu lamatta, ahilag aben aotte, amubia da wan, o ɗo maɗoɗ laa amu heppi, ag padal mekkulag akkut. O na laala amelagppa danab nug lag bau he bette, o nug keeke eppe ena bette, amubia da wan o ɗo maɗoɗ amu heppi, ag ena daaglagnu akkut.” Yawe Nug anam awa, da amelppa aum.

1 Korint 2:5

Da anam hemi, amunu diig am, ib laappa ag danabnu doyak dabmak ena ele aona, ag oolagppa genab dooglag dayeb, amuam ena iitta, keeke hamu. Amge ag Kayaknu ɠagattag anidna, oolagppa genab dooglag dayeb, amuam meu ele, iitta ii mema amunu da anam hemi.

1 Timoti 1:18

O da bekkal Timoti, da propet nai na aɗi aɗi hekkutnu tamaniak ag na medappig amunu dabmein, da na ban danab ag ena daanna ban hetteb, na amubia daanna, uɗat nahip amu attem pehettak hekkutnu mattiak nai imuppa na ippunidttem.

Rom 13:12

Tuqan iitta mekkunu hette; wagɗak bekkunu miagnab daatte amunu, ig gatatunu kobol oh dimadatta, ig amahlaknu bannu bala aot beɗunigppa metu!

1 Tesalonaika 5:8

amge ig am amahlak bekkod, amunu ig ikka ig ihinig oiyak pehettak atognoak kobol dim lamidta oita, ig ooppa genab doyak, oo mauhak kobol ele aota, ban danab ag kekeɗ ag momolag heppeg nauhmanu qahaɗ palatteb, amubia ig kobol aɗit amu meta, Kayak Nug eɗua awigkkunu dabmak aɗat daattem ele, kobol amu ban danab ag ikkilagppa aen hat metteb ele amu, amubia ig meta oitu!

2 Korint 4:7

Ig Kayak binag amahlak oppiaawak elenu doyak aomut, amge ig am danabib, waa wanppa hak amubia, ig keeke ena amu aot, laa oh ag ɠagattag okkainu diig am Kayak, ig iitta, amu dooglagnu daattem.

Rom 6:13

Ag anen anen ag kobol nau hekkulagnu, ag beɗulkadnu laih laih oh hipunin eppegppa aib meppig. Iitta! Ag danab mauhppig eɗun hippaidppig bia daatteb amunu, ag beɗulkad laih ohppa genab tutukku hak kobol hekkulagnu, ag meulkad oh Kayak metteg!

2 Korint 3:5

Genabnab ig ikkaib uɗat imu hekkunignu am elele iitta. Keeke anam daatte amunu, ig ikka keeke laa hemut amunu ii amata. Iitta. Kayak Nug nukka he, ig uɗat imu hekkunignu elele daattem.

Sam 110:2

Yawe Nug heeb, na danab ah kuɗum Sionnu gumadppe, nahip gumak am ɠagattag daakku. Ao, na kekeɗ nahipad ag talilidna daatteb gumadkkut.

Hibru 11:30

Israel ag Kayaknu oolagppa genab dooppig amunu, ag Jeriko aabnu aɗ haen eblaih aɗit ele talilidna oin malaeg, aɗ pana na qeum.

2 Timoti 2:3

Kristus Jesusnu daup ena nug hekkunu daatte bia, na anam oibppe, uɗat imunu uug ig Kristusnu daup laala ig ele oh laippu maognig.

Aposel 7:22

Anam he, Moses nug okkai ma amu, Isip dilag doyak oh doya malowa, nug danab, nuhig nai mattiak amu nuhig uɗat ele am ɠagattag, anam dayom.

Aisaia 30:25

⌊Yawe Nug keeke bappaidkku amu,⌋ haen amuppa am inam bekku. Kekeɗ kuɗum ag aqakppa mauhppeg, kekeɗ dilag bannu keeke ele nauhppeg, le ⌊enanag⌋ qauko okkai okkaippanu, qauko nakok okkaippanu ele nekkulag.

Josua 6:20

Amu haen Josua nug danab ag ekkulagnu a, danab ag trampet iwalegeg, danab ah ag baag doona, ag huananab eppig. Ag anam heeg amu, Jeriko aab okkainu aɗ aakku pana ne, Israel dilag daup anen anen, ag noolkadppa tutukku aab okkai ooppa ban hekkulagnu nona, aab aoppig.

2 Korint 13:10

Gemu da ippa dayeye, da ahilag nai imu yaami amu, amunu diig am, da nai imu yaappi, ag anidna ebqena, ag da yaami bia keeke bappaidppeg, geha da goppi ag ele daatta amu, uɗatnu ɠagattag, Naɗi Nug da meɗom imuppa, da amuppa ag epeɗiadkkulnu uɗat laa ii daama. Nug ɠagattag da meɗom imu am, ahilag ooppa genab doyak amu ɠagattag qedakkunu meɗom. Da heppi, ag nena qekkulagnu ii meɗom.

1 Korint 9:7

Am danab laa nug ban danab daatte amu, nug amuppa nuhig ee iite aotte? O danab laa nug grepnu dad ebatte amu, nug grep meu iite latte? O danab laa nug meeme gumadtte amu, nug uɗat amu haaha, meeme huh amu iite latte?

Jeremaia 23:29

Dahil nai am aab aɗu bia. Yo, dahil nai am hama, danab ag aguppa men oeg aoɗa, huppu huppu nette, dahil nai am amubia daatte.” Yawe Nug anam awa atte.

2 Korint 10:8

Am Naɗi Nug ig ahilag ooppa genab doyak ɠagattag qettagnignu uɗat amunu ehah mekkom. Ig anam hepput, ahilag ooppa genab doyak na qekkunu ii mekkom amunu, da ehah amu onig okkai humattem dayeb amu, da uɗal ele ii nema. Da aɗi hekkulnu attem am da hekkul.