1 Timoti 6:18 - Nobonob Baibel

¹⁸ Laa amu, na danab ah enulag ele ag ena, ao ag kobol ena okkai hena, ag danab ah oo qak iitta ele ehanadna, ag enulag laih oppatna, danab laa ɗo mattaglagnu babaittak daaglagnu haknunab nai ag matteg!

1 Timoti 6:18 Referans Kwoze

Hibru 13:16

Amu ag kobol ena hekkulagnu, ag lailkad keekenu tutu mak ele nug ehanittak kobol ele hekkulagnu aib daulag atiom. Aɗinu? Kayak Nug amunu mana mettak bia doya, oo ena daatte.

1 Jon 3:17

Amge danab laa nug wanppanu enub ele amu, nug layag keekenu daɗek daatte anitta, nug oo bodoetta le mak ii dootte ele dayeb amu, Kayaknu oo mauhak nug ooppa daattete? Iitta.

Rom 12:8

Danab laa nug nuhig ehah am laikkud oolag ɠagattag qettaknu daatte dayeb, nug amu tutukku haɗ! Amu danab laa nug nuhig ehah am nug laikkud keeke mattaknu daatte dayeb, nug keeke happiak mettaɗ! Danab laa nug nuhig ehah am gumak uɗat haknu daatte dayeb, nug gumak uɗat amu pehettak haɗ! Aria, danab laa nug nuhig ehah am layagnu oo gai-iitta doya oo metta ehanittak haknu daatte dayeb, nug oo gamag ahak enappa ehanittaɗ!

Sam 37:3

Na Yawenu ootppa genab doonna, ena hee! Na wanppa daanna amu, na oo metta ii uuak kobol atognonana hee!

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Luk 12:21

Jesus Nug nai amu ana, Nug nai gog ta aum. “Danab ag keeke kuɗum ahilagnu qagmetteb, amge Kayak noobppa amu ag danab ena iitta daatteb, ag am amubia anidkkulag,” awa aum.

Galesia 6:10

Amunu ig hanhan danab oh ehanadkkunignu ib anidta, ig ehanadtu! Amu ig Naɗinu ooppa genab doyak lainkad dilagppa kobol amubia hekkunignu dabmak aot autta aognig.

Rom 12:13

Kayaknu danab ah oppiaawak ele laa ag keekenu tutu daappeg amu, ag ehanatteg! Laa dilagnu ag nug ehanittak heig!

1 Timoti 5:10

amu danab ah laa ag nug kobol ena heum, nug nuhikkud nid ena atognoatta omalattom, nug ehanittak kobol dim lamittom, nug Kayaknu danab ah oppiaawak ele atognoattom, nug laa qagaiettakppa daaegeg ehanattom, amu nug kobol ena laala kuɗum heum ele anidtteb dayeb amu, ah qab amu na nug onig ah qab laa, ehanittak aoglagnu onilag ele laippu ye!

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

2 Korint 8:12

Danab nug layag ehanitta, keeke medatte, nug ele kobol amunu oo huan daatte dayeb, Kayak kobol amunu elele ena dootte. Kayak Nug danab nug nuhig keeke aɗi aɗi ele, amu ohnu aakku dabmaama, danab amunu kobol amu hettoɗidtte. Danab nug keeke nakokib amge nug laa ehanadkkunu nuhig keekeppanu nakok madatte amu, Kayak noobppa am danab keeke kuɗum ele am nug laa ehanadkkunu nuhig keekeppanu keeke kuɗum madatte bia daatte.

1 Korint 16:2

Mettid ohppa ag oh anen anen Mettid deɗppa ag men doɗo mettid ukkomppa aoppig amu dabmettanna, ag laih otin laulagppa meppeg dayebeb, geha dimppa da gumatte goppi, ag men doɗo mattaglagnu mattiaknute henana, hik ii aqama.

Aisaia 58:7

Amu ele, ag danab ag ee iitta, enug daatteb amu, ag ee mattanna, laa lag keeke iitta, qati qati oitteb amu, ag amuppa daaglagnu aben matteg! Amu haen ag laa nug lamen iitta dayeb anidna, ag nug lamen metteg! Ag lailkadnab dilagnu aib daulag atiom! Ag keekenu tutu meppeg amu ehanadna matteg!” Yawe Nug anam atte.

Eklisiastis 11:6

Na nahip uɗat attem meu okku amu, na ii doottem; uɗat laa imu meu okkutai, o uɗat laa umu am meu okkutai, o aɗit oh meu okkulahtai, na ii doottem, amunu na buttua ahan, ee keeke eppan; tueb ele na uɗat henan daye!

Sam 112:9

Genab tutukku hak danab nug daɗek danab huana ehanadtte. Ao, nuhig genab tutukku hak kobol am hanhan alet daatte. Ge, nug danab laa noolagppa binag okkai ele daakku.

3 Jon 1:11

O lai gamal, kobol nau aib dim lamidme. Na kobol tutukku ena amu dim lamitte! Laa nug kobol ena hette, nug Kayak ele laippu daattep. Am laa nug kobol nauppa oitte amu, nug Kayak ele laippu iinab daattep.

Jems 2:5

O lailad, ag doyeg! Danab ag wanppan danab oh noolagppa daɗek daatteb ele, danab amu Kayak Nug ag ooppa genab doyak ɠagattag aɗan oiglagnu, ag nuhig ɗo maɗoɗ ooppa, Kayak Nug danab ag nuhignu oolag mauhtte ele ag aguppa daaglagnu nai qakka aum amu, ag amu ooppa daaglagnu tituanattom daatteb.

Aposel 9:36

Aria aab laa onig Jopa, appa amu ah laa Jesusnu ooppa genab doyaya dayom, nug onig Tabita, Grik naippa amu ag Dorkas atteb. Nug hanhan kobol ena haaha, nug danab ah keeke iitta ele amu ehanattatta, keeke madattom.

Aisaia 32:8

Danab nau ag anam hetteb, amge danab ena, kobol tutukkuib dim lamidtte ele, nug hanhan dabmak ena, tutukku ele aakkuib haen oh awawa, enaib hekkunu dabmak aotte. Nug dabmak anam awawa, nug ɠagattag hibaitta daatte.

Eklisiastis 3:12

Amunu da doottem, danab nug wanppa dayaya, kobol ena haaha, gamag ahak dookkunu am ena. Keeke laa amu eɗittak laal ii daatte.

2 Stori 24:16

Jehoiada nug Israel dilagppa kobol ena ena ha, Nug Kayak tutukku dim lamitta, nug Kayaknu mettid lag ele dabmetta auta autanab awom amunu, nug mauhe, ag nug Dawitnu Aab, ag appa kingnu boumak abenppa nug boumppig.

1 Pita 3:11

Nug eheɗ hak dimetta, kobol ena haɗ! Ao, nug laa ele maɗoɗ ele daaglagnu wagai maɗ!

Aposel 11:29

Amu be, Kristen ag nai laippu anana, ag men doɗo ag lailkad Juda ehanadkkulagnu meppeg gokkunu dabmeppig. Kristen oh ag beɗulagppa men doɗo gane daatte amu doona, ag laih uɗat amunu otippig.

Aposel 10:38

dimppa Kayak he, nuhig Ouɗi Nug Jesus, Nasaret ted, Nug ooppa ambe, ɠagattag okkai ele mettom amunu, Nug Galili appa digma, aabaab oiyaya, danab ah ehanatte, danab oh Satan he ena ii daappig ele amu, Nug bappalatte, ag eɗun ena daappig. Aɗinu? Kayak Nug ele daapiɗ,” awa aum.

Matyu 5:42

Aria, danab nug keeke medakkutnu oɗ metteb amu, na mette! Amu aun nug nahip-ppanu lon aokkunu oɗ metteb amu, na medakkut.

Luk 3:11

Aon aeg amu nug eɗua ag amelagppa aum. “Danab aun laa nug lamen nakok elab aɗit ele daatte, nug lamen laa amu awa, danab lamen iitta ele medakku. Danab nug ee ele amu, nug ele anam hekku,” awa aum.

Epesus 4:28

Yabhok danab nug baula yabhok hekkunu aib heum. Iitta. Nug uɗat haɗ! Nug amuppa nuhig keeke awa, nug danab aun laa ag keekenu daɗek ele amu, nug ag madakkunu, nug eppegppa uɗat ha, keeke ele dayaɗ!