1 Timoti 6:15 - Nobonob Baibel

¹⁵ Kayak Nug Jesusnu eɗua uɗiaknu haen epeɗiom daatte, amu haen amuppa amu Kayak Nug heeb, Kristus miag atikku. Kayak Nug am anuqaknab, Nug nukka am okkai daatte. Nug am king dilag King am naɗi dilag Naɗi.

1 Timoti 6:15 Referans Kwoze

Revelesen 19:16

Lamen elab nuhigppa amu nug tuɗippa ele onig imu yaak ele dayom. “Nug am king dilag King, amu naɗi dilag Naɗi.”

Revelesen 17:14

Medappeg, ag Sipsip Nag ele ban hena, Sipsip Nag Nug ag oh eɗadkku. Aɗinu? Nug am naɗi dilag Naɗi, amu king dilag King. Amu laa Nug ag onilagppa eum, Nug ag nuhig daaglagnu tituanattom, ag nuhignu oo metta ii uuak kobol dim lamidtteb ele, danab amu ag oh Sipsip Nag ele daana, ban eɗidkkulag,” awa aum.

1 Timoti 1:17

Amu Kayak, Nug am keeke ohnu king hanhan daatte, Nug ii mauhtte, ig Nug anidkkunignu elele iitta, Nug aakkuib am Kayak. Binag, amu binag amahlak oppiaawak ele hanhan alet ele nuhigppa dayaɗ! Genab.

Jeremaia 10:10

Danab ag kayak hambuppuak anam bappaidtteb, amge Yawe, Nug Kayak genab. Nug hanhan bau daatte. Nug king hanhan daatte. Nug oo nauhe, wan uɗaltte. Wanppan wan anen anen oh ag nuhig oppoɗi bak waappa daatteb ele amu, ag ena ii daamna. Iitta. Ag nauhkkulag.

Sam 47:2

Aɗinu? Yawe Attannab Laa Oh Eɗattak amu, danab nug Nug toppa dayaya, nug ebehi oh bodoetta le mette. Ao, Nug am king anuqak, nug danab ah wan atu ohnu gumadtte.

1 Timoti 1:11

Kobol ag hetteb ele amu, kobol amu oh am Nai Ena binag amahlak oppiaawak ele, Kayak Nug da amu mehuqkkulnu meiɗom ele amu, ag Nai Ena ele laippu ii daatteb. Nai Ena binag amahlak oppiaawak ele, amuam Kayak nuhigppan uɗiom daatte. Kayak Nug anuqaknab, Nug binag okkai ele daatte.

Jeremaia 46:18

Yawe Nug Jeremaia amegppa anam ana, nug imu ele Jeremaia amegppa a, nug Isip dooglagnu aum. “Yawe Nukka Ɠagattag Oh Ele, Nug King, Nug inam atte. ‘Da genab bau daattem, genab amubia laa nug ɠagattag okkainab uɗieb, Isip ele ban hekkulag. Laa uɗikku amu, nug laa eɗattak daatte. Aɗinu? Nug qauko onig Tabor, qauko laala ooppa daatte, amge danab nug neekka antta, qauko laa ii dabmette, amubia nug laa eɗattak daatte. Ao, nug qauko onig Karmel, yu guguittak daatte, danab nug neekka antta, keeke laa ii dabmette, amubia nug laa eɗattak daatte.

Sam 83:18

O Kayak, na heppe, ag na, na onin am Yawe amu, ag na nakkaib na wan imuppa Kayak Attannab Laa Oh Eɗattak daattem, naib wan imu gumattem amu, ag amu dooglagnu ool daatte.

Daniel 4:34

Kobol amu oh Nebukatnesar, nuhigppa be, dimppa Nebukatnesar nug aum. “Haen anam daakkulnu dayom am iitta me, da, Nebukatnesar, da amel humen, neekki, hab attan te, ⌊Kayak dabmei, Nug he,⌋ dahil dabmak eɗua, danab dilag dabmak, kaaka iitta aakku dayom. Kayak anam he, dahilppa anam be, da Kayak Attannab Laa Oh Eɗattak binag memi. Da binag onig okkai ele Laa hanhan daatte mettami. Aɗinu? Nuhig ɗo maɗoɗ am hanhan alet daatte. Ao, nuhig wan atu gumak am anamib alet, ii tuqa awak daatte.

Prowerb 8:15

Da, Doyak Dabmak Ena Ele, da king ag dahil nai dootteb ele ehanatti, ag danab ah gumadtteb. Ao, gumak danab okkai ag dahil nai dootteb ele amu, ag nai doya mala hettoɗia epeɗia elele mettak dim lamittaknu ɗo metteb.

1 Timoti 2:6

Nug danab ah oh dilagnu Nug nukka Nug bau dayak nuhig uua, amuppa Nug haenppanab Kayak Nug danab oh eɗua diikkun hette ippunikkom.

Matyu 6:13

Na ippun ena, ig nau hekkunignu eeɗak iittappa omaigna, Satan eppegppanu awigkkutnu oɗ medattem.’ ” Jesus Nug anam aum.

Esra 7:12

“Da Artekserksis, da king laa oh dilag king daattem, da pas imu na Esra, nahipnu yaattem. Na mana mettak danab daanna, na Kayak hab attan daatte, na nuhig ɗonu ippunittak danab ele daattem. Da na humidttem.

Duteronomi 10:17

Aɗinu? Yawe, ahilag Kayak, Nug am kayak laa oh eɗadtte, Nug am naɗi laa oh dilag Naɗi daatte. Nug am Kayak naɗinab, ɠagattag okkai ele. Nug am danab Nug antta, ebehi oh bodoetta le maknu Kayak daatte. Nug danab ah ohnab kobol eleleppaib epeɗiadtte. Nug lokkumakppa eheɗ haknu ehanittak ii aoma.

Sam 136:3

Ig Naɗi, Nug naɗi laa oh dilag Naɗi daatte, ig Nug amegppa, “Ena heme,” atu! Aɗinu? Nuhig oo mauhaknab kobol hanhan alet daatte.