1 Timoti 6:11 - Nobonob Baibel

¹¹ Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

1 Timoti 6:11 Referans Kwoze

2 Timoti 2:22

Amu nid bau dilag dabmak eheɗ nahip dabmakppa beeb amu, na tabappe naɗ! Na kobol genab tutukku, ooppa genab doyak kobol, oo mauhak kobol, amu maɗoɗ kobol ele, laala ag oolag tutukku ele, ag kobol nau uun, kobol ena amu oh aɗan, Naɗi onigppa etteb ele amu, na ag hetteb amubia he!

1 Timoti 4:12

Na am nid bau amunu, danab laa nug nahipnu ena iinab doomanu na enaib oiye! Na mauhnoak aib oime. Iitta! Na nahip nai mattiak, oiyak, oo mauhak, ooppa genab doyak, amu kobol oppiak nahip eleppa, danab ag Jesusnu oolagppa genab dooppig ele, ag nahip kobol amu oh anidna dim lamidkkulagnu elele daaglagnu oiye!

Hibru 12:14

Amu ag danab laala ele ag oh maɗoɗ ele daanna oiglagnu uɗat ɠagattag hena, ag oppiaawak kobolppa daaglagnu ele wagai meig! Aɗinu? Danab laa nug oppiaawak iitta ele, nug Naɗi anidkkunu elele iitta.

1 Korint 10:14

Anam daatte amunu O lailad, ag kayak hambuppuak dottolkad noolagppa dup noa binag mak kobol nakoknab aibnab heppig.

1 Pita 3:11

Nug eheɗ hak dimetta, kobol ena haɗ! Ao, nug laa ele maɗoɗ ele daaglagnu wagai maɗ!

1 Korint 6:18

Ag gappai kobol uun qe-eɗidna oolna ukkeg! Aɗinu? Ag “Hipunin aɗitai danab hette, amuam beɗu dimittimnu keeke,” atteb, amge iitta! Laa gappai hette ele amu, hipunin amuam nug beɗu uug medatte.

Sam 34:14

Na eheɗ hak dimettan, kobol enaib he! Ao, na laa ele maɗoɗ ele daaglagnu wagai me!

1 Timoti 5:10

amu danab ah laa ag nug kobol ena heum, nug nuhikkud nid ena atognoatta omalattom, nug ehanittak kobol dim lamittom, nug Kayaknu danab ah oppiaawak ele atognoattom, nug laa qagaiettakppa daaegeg ehanattom, amu nug kobol ena laala kuɗum heum ele anidtteb dayeb amu, ah qab amu na nug onig ah qab laa, ehanittak aoglagnu onilag ele laippu ye!

1 Korint 14:1

Oo mauhaknu kobol anam daatte amunu, ag hanhan danab ah laa dilag oolag mauhkkunu wagai menana, aria ag Kayak Ouɗinu ɗo hamu megatte amu ag aoglagnu oolag dayaɗ! Amge ɗo hamu mettak anuqak amu ag propet nai mehuqaknu, ag amu aoglagnu wagai meig!

Rom 14:19

Amunu tamaniakppa ig kobol laala, ig kobol amu dim lamittutut, danab laa ele maɗoɗ daattem, amu kobol laala ig kobol amu dim lamidtutut, ig lainkad ele, ig oh ihinig ooppa genab doyak nug ɠagattag qedattem, ig kobol amuib dim lamidta hetu!

Aisaia 51:1

Yawe Nug atte. “Ag laa, ag genab tutukku hak kobol dim lamidna oiglagnu hetteb, ag da, Yawe, ag da aniɗna dim lamiɗkkulagnu mattiɗtteb ele amu, ag dahil nai doyeg! Men naunau kuɗum men okkai laippuppanu netteb, amubia ag alalti Abraham, Sarah ele aa am ahilag men okkai bia daaeheh, ag ahilahppanu uɗippig daatteb. Anam amunu, ag men laa, ag amuppanu neppig oitteb ele, ag men amu eɗun neekkitteg! Ao, ag men kuɗum awak aben, ag amuppanu uɗippig oitteb ele, ag amu eɗun neegna antteg!

Sam 38:20

Da genab, tutukku hekkulnu heinne oittem amunu, diig amunu danab ah laala ag kekeɗ meɗatteb. Da ahilagnu ena hettem, amge ag dahilnu nau hetteb.

2 King 5:20

amu Kayaknu danab, Elisanu maɗi nid Gehasi nug nukka nuhig dabmak he be, nug inam aum. “Danab okkai dahil nug Aram danab Naman keeke medakkunu awa uɗiom ele, nug amu aokkunu uue, nug eɗua awa gotte. Aɗinu nug keeke amu uue, Naman nug eɗua awa gotte? Amunu da Yawe Nug genab bau daatte, genab amubia da qaietten, Naman dim lamitte ukke, nuhig keeke laala appi meɗakku,” awa aum.

1 Timoti 6:20

O Timoti, Kayak Nug uɗat na mettom amu na atognona, dabmettanna he! Na nai Kayaknu doyakppanu ii bette, amu doyak hambuppuak, doyak amunu amu wanppan danab ag, “Doyak genab,” atteb amge anam iitta, nai amu ele amu, na keeke aɗit amu aib dim lamidme.

Jeremaia 35:4

Da ukken, omalatte uɗien, da Yawe laug heqo laih oo laa, oo amuam Kayaknu danab laa onig Igdalia bekka Hanan bekkod dilag oo amu, da oo amuppa temi. Igdalia nug am Kayaknu danab. Oo amu heqo laih amu kingnu ehanittak anuqak danab dilag oo dayom. Oo amu waappa Salum bekka Maseanu oo dayom. Masea nug laugnu od gumom.

2 Stori 8:14

Nug mameg Dawit nug, nug hekkununab aum bia, anamib nug mana mettak danab ag obatak anen anenppa daan, ahilag uɗat hekkulagnu otiatta, nug Lewi buɗubppan mana mettak danab iitta, ag oolagppanu laa ag danab ah ag Kayak binag mekkulagnu anuqak daaglagnu otiatta, Lewi buɗubppan mana mettak danab iitta, amu oolagppanu laa ag deɗ deɗppa aɗi uɗat daatte amu, ag mana mettak danab amuppa ehanadkkulagnu ele otiattom. Amu Dawit, Kayaknu danab, nug amu haknu aum amunu, Solomon nug ele Lewi buɗubppan mana mettak danab iitta, nug amu oolagppanu laa ag obatak anen anenppa daanna, ag odnu gumak uɗat od anen anenppa hekkulagnu ele otiattom.

2 King 23:17

Josaia nug danab ebehilag amu mane eweg, nug neekke ukke, nug boumak abennu at laa daye antta, nug oɗ mattom. “Amuam aɗitai?” awa oɗ mattom. Oɗ matte amu, Betel danab ag nob mena, amegppa inam appig. “Amuam Judanu propet, nug Kayaknu danab, nuhig boumak aben. Nug anukka uɗia, na gemu qaɗab amunu keeke heme amu, nug amunu mehuqom,” aon appig.

2 King 1:13

Anam beum amu, king nug ban daup ikki laa, ban danab 50 laa ele, ag Elaiya omalna uɗiglagnu maatte goppig. Amge ban daup ikki ebqak ewam amu nug qauko amuppa ta, Elaiya guguitta ukka, laippun gateg qaun o, amegppa inam aum. “Kayaknu danab, na da dabmeɗan heppe, da ii mauhpan, danab imu ele anamib oo doyak ele oɗ medattem. Ig am nahip maɗi nid.

2 King 1:9

Aakku king nug ban daup ikki, ban danab 50 ele maatte, Elaiya omalna uɗiglagnu goppig. Ag gona, aab Elaiya daatte, amuppa tena, ban daup ikki nug neekka, Elaiya nug qauko nakok igippa ta dayeye antta, ikki danab nug Elaiya amegppa inam aum. “Kayaknu danab, king nug atte. ‘Na nee!’ ” awa aum.

1 King 20:28

Amu Kayaknu propet laa nug nai awa ukka, King Ahap toppa ukka, nug Ahap amegppa aum. “Yawe Nug inam atte. ‘Aram danab ag da Yawe, dahilnu, “Nug am atu qaukonu Kayak, Nug am atu uɗemnu Kayak iitta,” aon atteb amunu, da geha heppi, ag Israel ag ahan, Aram ban danab ameg naɗi amu eɗattona, geha ag Israel ag dooglag, da am Yawe,’ awa atte,” awa aum.

1 King 17:18

Aakku ah nug Elaiya amegppa aum. “Kayaknu danab, na aɗinu dahilppa kobol imu heme? Na uɗin heppe, Kayak Nug dahil hipunin eɗua daugppa dob heeb, nid dahil imu oɗe awa, mauhkkunu uɗimete?” awa oɗ mettom.

1 Samuel 2:27

Aria, deɗ laa Kayaknu danab laa nug Eli toppa ta, nug Eli amegppa Kayaknu nai mattia, inam aum. “Yawe Nug inam atte. ‘Haen na alanad aɗi ag Paro waappa, Isip wanppa daaegeg, da miagib ahilagppa tule bemi.

1 King 13:26

Am haen propet kaino nug he, Judanu propet eɗua uɗiom ele, nug keeke amu beumnu nai doya, nug aum. “Amuam Judanu propet, nugib. Nug Yawenu nai tappe neum amunu, Yawe he, laion nug uɗia, nug beɗu he nauhe, qe mauhom. Yawe Nug aum bia, am aakku beum,” awa aum.

1 King 13:1

Aria, Jeroboam nug mana mettak hekkunu qaɗab Betel appa ha, aguppa mana mettak hekkunu ukka dayeye, Kayaknu propet danab laa Juda wanppanu aha ukke, Jeroboam nug qaɗab amu guguitta hibaitta dayeye, propet amu nug Jeroboam gumitta teum. Propet amuam Juda danab, Yawe Nug propet amu amegppa nug Judanu aha, nug Betel gokkunu a ukkom.

1 Samuel 9:6

Saul nug anam aum, amge maɗi nid nug aum. “Antte! Aab imuppa Kayaknu danab laa daatte; danab oh ag nuhignu ena elelenab dootteb. Nug aɗi atte amu, keeke amuam genab bette amunu, i goɗa, nug donkinu oɗ mettagnih. I nug oɗ medapuɗ, nug ag adeppa daatteb ab doognihtai,” awa aum.

Duteronomi 33:1

Itittak imuam, Kayaknu danab Moses nug mauhkkunu haaha, Israel danab ah mattom.

Duteronomi 16:20

Am ag wan laa, Yawe, ahilag Kayak, Nug ag wan amu madatte ele, ag wan amu aoglagnu, ag appa bau daaglagnu amu, epeɗiak danab ag nai doya mala hettoɗia epeɗia elele mettak kobol tutukku heig! Ag aib kaliak laa heppig.

Nehemaia 12:24

Haen amuppa amu, Lewi buɗubppan mana mettak danab iitta, ag baelkadppan ikki danab am Hasabia, Serebia, Katmiel bekka Jesua ele. Aria, ikki danab amu ag laih daaegeg, ahilkad uɗat laippu ele ag laih daaegeg, ag nug neekkidna daan, ag oh Kayak amegppa, “Ena heme,” anan, Nug binag mekkulagnu daan, ameg laa ag ahi maha tutu ettan malaeg, ameg laa ag nai amunu noob ahi edappig. Ag anam anam aakku heppig. Ag Kayaknu danab Dawit, nug ag anam hekkulagnu ana, ɗo mattom, amubia ag aakku heppig.

1 Stori 23:14

Moses, Kayaknu danab, nug bekoɗ aa Lewi buɗubppan mana mettak danab iitta, aa ag oolagppa daaglagnu tituanak daapiɗ.

1 King 17:24

Nug anam a amu, ah nug Elaiya amegppa aum. “Genabnab genab, gemu da doottem. Na Kayaknu danab. Genabnab, na nai mehuqttem amu, Yawe Nug nukka nai amu na medette, na nai amu mehuqttem. Am nai genabib,” awa aum.

Prowerb 15:9

Yawe Nug nau hak danab dilag oiyaknu ooppa uuaknab dootte; amge Nug danab ag genab tutukku hak kobol dim dim lamidtteb, Nug ahilagnu oo mauhtte.

1 Timoti 1:14

Amu anukka da anam hemi, amge Kayak Nug nuhig ehanittak okkai hamu mettak elelenab meɗa he, da Jesusnu oolppa genab dooi, Nug oo mauhak kobol Kristus Jesus Nug danab ah dilagnu dootte ele amu, nug oo mauhak amu da ele meɗom.

2 Timoti 2:21

Amunu amubia danab laippu laa nug kobol nau oh amu lamitte ukke, nug oppiaawak daatte dayeb amu, nug am tappiɗ, nuhignu enanag dootteb, amubia nug Kayak amegppa enanag daakku; nuhig uɗat hekkunu elele. Nug aɗi uɗat ena oh hekkunu babaittak daakku.

2 Timoti 3:10

Amge na da ele oiɗa, na dahil ippunittak nai, dahil oiyak kobol, uɗat da hettem ele diig aɗinu da hettem amu, na amu oh doottem. Na amu doon, na ooppa genab doyak dahil, oo bodoettak kobol dahil, oo mauhak kobol dahil, amu uug mawewe ɠagattag dayak kobol dahil ele na doottem.