1 Timoti 5:4 - Nobonob Baibel

⁴ Amge ah qab nug bekkodtai o iitta alakkudtai laa daanna amu, ahilag uɗat anuqak am ag anilkad mamelkad alalkad ele ag nob ena eɗun mattaglagnu atognoadkkulagnu daatte. Ao, Kayak Nug kobol amunu ena dootte.

1 Timoti 5:4 Referans Kwoze

Genesis 47:12

Ag appa daaegeg amu, Josep nug mameg, awakkud, amag amu laa oh ag ele daappig ee ahilag elele lakkulagnu otia madattom.

1 Timoti 2:3

Unuqittak amunu amu Kayak, Nug ihinig eɗua awikkaknu diig daatte, Nug danab ah oh eɗua diikkunu, ag doyak diig genabib ele dooglagnu oo daatte ele amu, Nug unuqittak amunu ena dootte.

Luk 2:51

Aria, Jesus Nug aa ele eɗun, Nasaret gona, Nug aa oɗelah dim lamittette, anig nug keeke amu ohnu ooppa me dayeye, dabmaama dayom.

Prowerb 31:28

Nid naunau nuhikkud ag nuhignu enaib maditteb; gamu ele nug anam mattiaya, binag ele mette.

Rut 2:18

Awa, nug mawa, aabppa ukka, nug gane awom amu, nug ahipa ippunitte anttom. Ippunitta, nug ee lanan, big uuom amu, nug amu ele ippunitta mettom.

Rut 2:2

Aria, anam daye, deɗ laa Moap ah Rut nug ahipa Naomi amegppa aum. “⌊I ee aoɗ lakkunihnu amu,⌋ na appe, da ukken, maɗi nid dilag gumak danab laa oɗ medappi, nug, ‘Yo,’ ab amu, da maɗi nid amu dim lamatte, bali gumu ikki ele ii aoeg daatteb amu, da aokkul,” awa aum. Nug anam a amu, Naomi nug aum. “Am ena, na gona akke!” awa aum.

Aisaia 14:22

Yawe Nukka Ɠagattag Oh Ele, Nug inam atte. “Da geha ag eheɗ hadakkulnu ahen, Babilonnu amu, da heppi, nug bekkod nid danab, nug alakkud, nug buɗupud aɗi oh, ahilagppa onig Babilon daatte amu, ag oh iitta mekkulag.

Job 18:19

Nau hak danab nug buɗub laa, nug laikkud, nug tiig laippu ele amu, buɗub amu, nug amu oolagppa daakkunu laa iitta; nug buɗub laa nug dayomppa ii daatte.

Ikki Danab 12:14

Nug am bekkod 40 ele, alakkud danab 30 ele. Bekkod amu, alakkud amu ele ag donki 70ppa oippig. Nug Israel dilag epeɗiak danab maɗ eblaih ewam ele dayom.

Genesis 47:28

Ag wan atu onig Gosen aon daanna, Jakop nug maɗ 17 baula appa Isip wanppa daye, maɗ nuhig oh am 147 dayom.

1 Timoti 5:16

Ah laa, nug ooppa genab dootte ele, nug baekkudppa ah qab laa daatteb dayeb, nug ehanattaɗ! Kristen tamaniak uug aib mettom. Ib amuppa amu tamaniak am ah qab, ag anen anen akka baeg laippu daatteb, tamaniak ag ehanadkkunu elele daakku.

Taitus 1:11

Danab amu ag hambuppuna, men doɗo aoglagnu ippunittak nau heegeg, laa ag ahilag nai dootteb ele amu, ag amunu ena anana, nob laa, men doɗo, madatteb. Danab ag ippunittak nau amu hetteb amu ag amu henana, ag laa nai ahilag dootteb ele kobol ig hekkunignu elele iitta ele amu ippunadna, kobol amuppa ag danab laala, ag waalkad bekkalkad ele oh amu ahilag dabmak kabolitteb amunu, na appe, danab amu ag oɗelag qamuteg!