1 Timoti 5:23 - Nobonob Baibel

²³ Na ootppa oɗe daatte, haen kuɗum oɗe laala ele nidatte amunu, na tuɗidna le hamuib aib lame. Iitta. Na wain nakok ele la!

1 Timoti 5:23 Referans Kwoze

Sam 104:15

Ee laa am muɗi grep meunu leppu, wain; wain amu he, danab nug gamag ahak dootte. Laa am olip ad meunu goɗen; danab ag aon beɗulag laaitteg ehanadtte. Laa am ee aeg bret haknu; ag ee aeg amu aon, bret hena lawona, ag ɠagattag aotteb.

1 Timoti 4:4

Ig doottem, keeke oh Kayak heum amu, ig Nug amegppa, “Ena hen mekkame,” atata aognig. Geɗidkkunignu ele iitta.

1 Timoti 3:8

Aria, Kayaknu tamaniaknu toliak danab ag danab laa ag ahilagnu ena elele dooglagnu elele daan, ag danab oɗelag aɗit ele ii daamna. Ag wain huana ele ii lamana, amu ag danab enulag hamu yabhok ele ii aomna.

Taitus 2:3

Amu na ah kaino ag ele danab ah oppiaawak doon oiglagnu ib daatte, amubia ag tutukku oinna, ag baeg qak nai ii mattimnanu, ag wain huana ii lamananu, ag kobol enanu ippunittak ah daaglagnu,

Taitus 1:7

Kristen tamaniaknu gumak ikki danab amu, nug Kayaknu uɗat gumatte amunu, nug Kayaknu neekkakppa ooppa kaliak laa iitta ele daakkuoitte. Nug beɗuppa tak danab aib dayom, nug oppoɗi paha aib beum, nug le ɠagattag huana aib laum, nug la guittak nau mauhnoak mettaknu tiigppa dayak danab aib dayom, amu nug men doɗo kuɗum awaknu hik aib qeum.

1 Timoti 3:3

Nug le ɠagattag lanak danab, o laa guittak nau mauhnoak mettaknu tiigppa dayak danab ele ii daama. Iitta. Nug am oo bodoettak danab dayaya, nug mehqak ii hema. Nug ele oo men doɗonu aib mauhom.

Epesus 5:18

Danab nug wain lawowa kaaka qette amu, nug hipaɗu ahak kobol hette amunu, ag diig amunu wain lana, kaaka aib aqom. Iitta. Ag amu uuppeg, Kayak Ouɗi Nug ahilagppa ambak daya, ahilag oiyak oh gumaɗ!

Esekiel 44:21

Mana mettak danab laa nug mana mettak danab dilag haɗap-ppa gokkunu dayaya, nug wain aib laum.

Aposel 18:5

Am Pol nug anam heehe, dimppa Silas, Timoti ele aa ahai, Makedonia uuya neeh, Pol nug uɗat laa heum amu uua, nug Kayak naiib deɗ oh mehuqom. Nug Juda danab amelagppa, “Jesus Nug am Kristus,” mattia aum.