1 Timoti 5:21 - Nobonob Baibel

²¹ Kayak, Kristus Jesus, amu Kayaknu engel oh ele noolagppa da tutukku na amenppa iikku attem. Na uɗat amu tutukku atogno! Na atognonana, na ameg laa dilagppa nai bodoettak anana, ameg laa dilagppa nai ɠagattag aib mattime; na laanu ena doon, laanu ena iitta doon, aɗi keeke laa aib heme!

1 Timoti 5:21 Referans Kwoze

2 Pita 2:4

Kayak Nug engel hipunin heppig ele amu he, ag iite padal meppig? Yo, Nug geɗatta he, aben eheɗppa noppig. Nug aben gatatu ele amuppa qakkalattom daatteb. Amu ag epeɗiak haen ameg men daatteb.

2 Timoti 4:1

Jesus Kristus Nug eɗua uɗikku, nuhig ɗo maɗoɗ ele daakku, Nug bau dayak aɗi amu mauhak aɗi ele epeɗiadkku amu, da Nug amu Kayak ele, aa noolahppa na uɗat imu hekkutnu ɠagattag amenppa attem.

1 Timoti 6:13

Kayak, Nug keeke oh bau madatte ele, Nug noobppa amu Kristus Jesus, Nug Pontius Pailat amegppa nuhig diig tutukku mattiom amu, Nug noobppa ele da nai imu na hekkutnunab medattem.

Jut 1:6

Aria, keeke laa amu, engel laa ag maɗi ahilag Kayak nug ag amu hekkulagnu ehah mattom amu, ag amuppaib daaglagnu oolag ii daye, okkainab daaglagnu dabmena, ahilag dayaknu aben uuppig. Ag uuppig amunu, Kayak Nug haen ohnu qakkalatta, maniguittak gatatu eleppa maattom daan, hettoɗiak deɗ naɗippa epeɗiak aoglagnu ameg metteb.

2 Timoti 2:14

Na haen oh keeke imu oh nahipad danab ah ag daulagppa dokkunu amelagppa appe doyeg! Na Kayak noobppa ag amelagppa ag nau aomnanu nai ana, ag nai onig digdignu nug aib qeppig. Nai onignu nug qak, amuam meu iitta, danab laa ele ii ehanidtte. Kobol amuam danab ag nai amu dootteb amu, am ag he nauhtteb aakkuib.

2 Korint 5:16

Anam amunu gemu amu, ig oo alagppan kobolppa baula danab laa ib amuppa ii epeɗittem. Genab, anukka ig oo alagppan kobolppa Kristus epeɗimut, amge gemu ig anam ii hettem.

Matyu 25:41

Aria, laa nanehppa daatteb ele, da ag amelagppa akkul. ‘Ag laa ag eheɗ laa awaknu anak waappa daatteb amu, ag uuiɗna ukkeg! Ag aab aɗu ii qauha, hanhan eotte ele, Naɗi Nug Satan, amu nuhikkud engel ele dilag heum amu, ag amuppa ukkeg!

Revelesen 14:10

nug Kayaknu wain lakku. Wain amuam oppoɗi bak Kayak Nug danab dilag hipuninnu dootte. Kayak Nug wain amu le ele ii kaboliom. Iitta! Nug oppoɗi bak amu kap-ppa qe noa daatte amu, danab amu lakku. Lawowa, Kayaknu engel noolagppa, amu Sipsip Nag noobppa ele nug guittak okkainab, kalu laa huana eotte onig salpa ewebeb, amuppa guittak aokku.

Jems 3:17

Amge Kayaknu doyak dabmak ena ele amu, doyak dabmak ena ele amuam Kristen danab ag inam oiglagnu ippunigtte. Anuqak amu, ag oppiak ele daan oiglag. Amu dim lamittak ag maɗoɗ ikki daan, ag lailkad dilagnu oo bodoettak doon, dagom danab daan, lailkad dilagnu oolag gai-iitta doon oolag mattan ehanadna autnanab aona, ag ena hak kobol ambak hena, ag danab oh dilagppa kobol laippuib dim lamidna, ag aɗi hetteb amu, ag kobol genabppaib hekkulagnu daatteb.

1 Tesalonaika 5:27

Ig lainkad laa oh nai imu dooglagnu, da Naɗi onigppa ag ag amelagppa ebqekkulagnunab iikku attem.

Luk 20:21

Ag inam oɗ medappig. “Ippunittak danab, ig doottem, nahip nai mattiak, nahip ippunittak ele am tutukkuib. Na danab okkai onig ele o danab onig iitta, na amu dabmenan ii madittem. Iitta. Na doyak diig genabib, na nai amuppanuib mattin, danab ah Kayaknu kobol ippunadttem

Matyu 28:20

Ag keeke oh da ag amelagppa haknunab ami amu, ag amu oh ele ippuanatteg! Ag doyeg! Da haen oh ag ele daapput ukkeb, gog tak haenppa batakku,” awa aum.

Matyu 16:27

Danab Bekkalag da, da Mamelnu binag amahlak oppiaawak ele uɗippi, engel ele uɗignig, amu haen amuppa da danab ah dilag hak, amu nob eɗue madakkul.

Malakai 2:9

Yawe Nukka Ɠagattag Oh Ele, Nug inam ele atte. “Ag mana mettak danab ag amu heegeg, da hei, danab ah laa ag ahilagnu ena iinab doon, uɗa nak ele madatteb. Aɗinu? Ag mana mettak danab ag dahil ib ii dim lamidna, ag hettoɗiakppa diignab iittappa ag laanu ena doya, laanu diignab iittappa eheɗ doyak kobol dim lamidna hetteb,” awa atte.

Prowerb 18:5

Hettoɗiakppa, epeɗiak danab nug nau hak danab dilag ena doya diig iittappa ehanadkku, amuam kobol nau; ele amu, hettoɗiakppa epeɗiak danab nug danab eheɗ laa ii heum, nug nuhig nai bappaidkkunu nug nai doya mala hettoɗia epeɗia elele mettak kobol ii dim lamidkku dayeb amu, amu ele am kobol nau.

Sam 119:34

Da nahip ɗo dim lamidkkulnu, da meul ohppa anam hekkulnu amu, na ɗo nahipnu diignu doyak tutukku meɗakkutnu oɗ medattem.

Sam 107:43

Amu danab doyak dabmak ena ele ag keeke amu oh Yawe hettenu dabmetteb. Ao, ag Yawenu oo mauhaknab kobolnu ele dabmettaglag!

Duteronomi 33:9

Lewi buɗub ag nahipnu anuqak dooppig; baelkadppa dilagnu anuqak ii dooppig. Ao, ag nahip haknunab anak dim lamidppig; nahip nug tituana nai qakkak nai ele ii uuppig.

Duteronomi 1:7

Ag ahan, haen tutu dayaknu aab kalak uun gokkulagnu haen doum. Ag ahan, Amo dilag wan qauko qauko ele, amu atu laala, atu amu guguittak daattebppa ele gona, ⌊appan danab ah lamatteg⌋! Amuam laa ag atu onig Araba daatteb, amu laa ag qaukoppa daatteb, amu laa ag qauko qaban uɗitteppanu daatteb, qauko amu diigppa qauko nakok daatteb, laa ag amuppa daatteb, laa ag Negeb daatteb, laa ag uɗem okkai yu guguittakppa, appa daatteb. Ag Kanan danab dilag wan amu oh, Lebanon wan ele, ag appanu ukka ukka, Yupretis leppa batak ukkeg!

Lewitikas 19:15

Na nai doya mala hettoɗia epeɗia elele mettak kobol dim lamitte! Aib apiɗidme! Na laa nug daɗekte, o iitta nug enub elete amu, na amu aib dabmeme. Iitta. Na Kayak noobppa kaliak laa iitta eleppa na laipad dilag nai doya mala hettoɗia epeɗia elele mettak kobol dim lamidkkutoitte.

Luk 9:26

Amu danab nug dahilnu, dahil nainu ele uɗa neeb, dimppa Danab Bekkalag da, da dahil binag amahlak oppiaawak ele, Kayaknu binag amahlak oppiaawak ele, amu nuhikkud engel oppiaawak ele dilag binag amahlak oppiaawak eleppa eɗue uɗikkul, haen amuppa danab amunu da ele uɗal nekku,” awa aum.

Lewitikas 14:42

Anam hewona amu, ag men baula men tatamnu amu abenppa mekkulagnu aon mewona, ag gilil qaɗeppa simen gililppa laittaknu laidkkulagoitte.