1 Timoti 5:18 - Nobonob Baibel

¹⁸ Amuam Kayak nai atte amubia. “Na makau okkai ebehi ele ee aeg, dappunkkeg ele piɗe piɗe daaglagnu uɗat haaha, ee laabob, na aib lanak uukkunu oɗe hautna qakkame.” Laa ele, “Uɗat nid nug nuhig uɗatnu nob aokkun daatte.”

1 Timoti 5:18 Referans Kwoze

Duteronomi 25:4

Na makau okkai ebehi ele ee aeg, dappunkkeg ele piɗe piɗe daaglagnu uɗat ha, ee laabob, na aib lanak uukkunu oɗe hautna qakkame.

1 Korint 9:14

Anam daatte bia Naɗi Nug ɗo imu ele meum. Danab ag Nai Ena mehuqtteb ele, danab amu ag danab ah Nai Ena dootteb ele, ag ahilagppanu enulag keeke, beɗulag ehanidkkunu, aoglag.

Luk 10:7

Ag lag laippu humadppig ele, amuppaib daanna, lanaknu keeke, ee le ele madappeg laig! Aɗinu? Uɗat nid nug nuhig uɗatnu nob aokkun daatte. Ag lag laala ohppa aib gona daappig.

Lewitikas 19:13

Ag aib lokkumak kobol eheɗppa ahilkad mudippan laippu, ahilkad keeke aoppig. Ahilag keeke ele aib yab aoppig. Ag haen oh ahilkad uɗat nid ag uɗat heppignu nob, daden ⌊elele⌋ haenppa matteg!

Jems 4:5

Kayak nai laa amunu ag keeke hamu bia doottebte? Nai amuam inam. “⌊Nuhig⌋ Ouɗi, Kayak Nug ig oonigppa meum daatte ele amu, Nug ihinignu dahil doya laa aomanu doyak aɗa daatte.”

Rom 10:11

Kayak naippa, nai laa kobol amunu daatte am inam. “Danab aun nug nuhignu ooppa genab dookku amu, nug uɗa nak iinab aoma,” awa atte.

Rom 9:17

Amu Kayak nug Paro amegppa aɗi aum amu, nai amuam Kayak naippa inam daatte. “Da dahil ɠagattag nahip-ppa danab oh ippunadkkulnu, danab ah wan atu ohppa da onil dooglagnu amu, da na king meitti, na okkai aakku daattem.”

Galesia 3:8

Am Kayak Nug anukka iitta aɗi ag geha Nai Ena aona, ag oolagppa genab dooppeg, ahilagnu Nug, “Genab tutukku hak danab,” akkunu doya he, nai amunu nuhig naippa yaak daatte. Nug anam doyom amunu, Nug anukka Abraham amegppa Nai Ena mehuqa, inam aum. “Wanppan wan ohppan danab ah ag nahip-ppa itittak ena aoglag,” awa aum.

Rom 11:2

Danab Kayak Nug anukka ag doyattom ele, Nug ag ii geɗattom. Amu Elaiyanu kaya Kayak naippa daatte amu ag amu iitai dootteb? Elaiya nug Kayak unuqittatta, Israel danab beɗulkadppa nai ya, inam aum.

Rom 4:3

Kayak nai amunu aɗi atte? Inam atte. Abraham nug Kayak nai aum, nug amunu ooppa genab doyom amunu, Kayak Nug ooppa genab doyak amu antta, Nug Abrahamnu, “Nug am genab tutukku hak danab daatte,” awa aum.