1 Timoti 5:17 - Nobonob Baibel

¹⁷ Ag Kristen danab, ag Kristen tamaniak ikki danab ag tamaniaknu uɗat ena hetteb ele amu, ag danab amunu ena elelenab doyeg! Amu Kristen tamaniak ikki danab, amu oolagppanu laala ag Kayak nai mehuqtteb, danab ah ele nai ippunadtteb ele amu, ag amu dilagnu amu ag anuqaknab doyeg!

1 Timoti 5:17 Referans Kwoze

Hibru 13:17

Ag tamaniak ooppa daatteb ele amu, ag ahilkad ikki danab waalagppa daanna, ahilag nai ele dim lamitteg! Ikki danab ag ehanadkkulagnu hena, hanhan ag atognoadnana uɗat hetteb amu, ikki danab amu ag amunu geha Kayak amegppa mehuqkkulag, amunu ikki danab ag uug doomnanu, ag maɗoɗppan gamag ahak dooglagnu amu, ag laa ag ag waalagppa daanna, ahilag nai dim lamitteg! Tamaniak danab ah ag uug doon ikki danab dilag nai dim lamidppeg, ikki danab ag uɗat ahilag hekkulagnu uug doon hekkulag dayeb amu, tamaniak danab ah ag kobol amuppa ehanittak ena ii aomna.

Galesia 6:6

Danab nug Kayak nai dookkunu ippunittak danab laa waappa daatte amu, nug nuhig keeke ena ohppanu laih nuhig ippunittak danab amu mettaɗ!

Luk 10:7

Ag lag laippu humadppig ele, amuppaib daanna, lanaknu keeke, ee le ele madappeg laig! Aɗinu? Uɗat nid nug nuhig uɗatnu nob aokkun daatte. Ag lag laala ohppa aib gona daappig.

Hibru 13:7

Tamaniaknu ikki danab tatam tatam ag Kayak nai mattiegeg ag dooppig amu, ag ag daulagppa doaɗ! Ag daulagppa doobob, ag danab amu ag attem oin daanna, uɗat hena, attem mauhadppig, ag amu oh dabmena, ag ele ahilkad ooppa genab doyak bia doyeg!

2 Timoti 2:6

Amu ele, danab nug dad uɗat ɠagattag hette amu, nug dad amunu meu digdig tatam aokku am kobol tutukku.

Pilipai 2:29

Haen nug ukka ahilagppa teeb amu, ag Naɗi onigppa maɗoɗppan gamag ahak okkai doon, ag nug ele laippu dayaknu oolagppa eleleib doyeg! Danab anam amu ag binag metteg!

Rom 12:8

Danab laa nug nuhig ehah am laikkud oolag ɠagattag qettaknu daatte dayeb, nug amu tutukku haɗ! Amu danab laa nug nuhig ehah am nug laikkud keeke mattaknu daatte dayeb, nug keeke happiak mettaɗ! Danab laa nug nuhig ehah am gumak uɗat haknu daatte dayeb, nug gumak uɗat amu pehettak haɗ! Aria, danab laa nug nuhig ehah am layagnu oo gai-iitta doya oo metta ehanittak haknu daatte dayeb, nug oo gamag ahak enappa ehanittaɗ!

Aposel 28:10

Aria, amu beum dimppa amu, nud amuppan danab ah ag kobol enanagppa dabmekkaegeg, dimppa ig gokkunignu heutut, ag keeke kuɗum, ig keeke amunu iitta ele amu, ig aot gokkunignu megappig.

2 Korint 6:1

Ig Kayak ele oh uɗat hettem amunu, ag Kayaknu ehanittak okkai Nug hamu mattom amu, ag amu ii kakidmananu dabmekkulagnu ahilkad dabmak maɗedattem.

Rom 16:12

Ag humittak dahil Tripina amu Triposa ele mateg! Aa Naɗinu uɗatppa wagai mettep. Ag humittak dahil Persis metteg! Nug am da layalnab. Nug am ah laa nug Naɗinu uɗat okkainab heum.

Rom 15:27

Am genab ag oolag ena daye, akka ahilag dabmakppa anam heppig. Aɗinu? Ag Jerusalem dilagnu keeke nob eɗua mettak bia hekkulagnu daatte dootteb. Ag anam hekkulagnu dottebnu diig am, Kristusnu nai nug Juda ahilagppanu aha, iitta aɗi dilagppa ukkom amunu, iitta aɗi ag beɗunignu keeke, amuppa Juda danab keeke nob eɗun mattaglag am ena dootteb.

Pilipai 4:3

Amu Sisigos, na oo metta ii uuak kobol dim lamidttem, amu da na amenppa attem,. Na ah aɗit amu, aa Nai Ena mehuqak uɗat haknu da ehaniɗeh, ig oh heut ukkom amunu, na aa ehanatna autna awe! Ah aɗit amu aa Klemen, amu dahilad uɗat laippu laa oh ele, Kayak Nug ag oh ag onilkad buk laa, amuam buk onig Bauklel Awa Onig Yaaknu buk, Nug buk amuppa ag onilkad yom ele amu, aa ag ele Kayaknu uɗat amu ɠagattag heppig.

1 Korint 16:16

Ag danab anam amu dabmattanna, ag oɗelag dim lamidna, amu danab laala ag danab amu ele uɗat hetteb amu, ag ahilagnu ele anam heig!

Aposel 11:30

Ag otin, ag men doɗo amu qagmena, Barnabas, Saul ele mataeg, aa men doɗo amu aoi goya, Jerusalemnu tamaniak ikki danab eppelagppa mepiɗ.

2 King 2:9

Aa mataɗyaya, Elaiya nug Elisa amegppa inam aum. “Da na uuidkkulnu haen am miag dotte. Yawe Nug geha da awiɗeb gokkul amunu, geha tatam da na ehanidkkulnu amu, da aɗi keeke hekkulnu na oot daatte?” awa aum. Nug anam awa, Elisa oɗ mette, Elisa nug oɗeppa awa, amegppa inam aum. “Nid mamelag nug nuhig keeke oppate, nid ebqak gane daatte, ebqak amubia, amu laippu laa ele ne, nid danab naanaeg nug obatak aɗit aotte, nid laa oh obatak laippu aotteb, amubia na Kayaknu ɠagattag aon, propet uɗat heme, ɠagattag amu na da obatak aɗit meɗakkutnu ool daatte,” awa aum.

2 Timoti 4:2

Na amunu dabmak aonna, nai nuhig mehuqe! Danab ag nahip nai dooglagtai o iitta iitai doomna, amge na haen oh Kristusnu nai mehuqe! Haen oh ag Kayaknu kobol dim lamidkkulagnu na ag toliadna, daulag batan, oolag ɠagattag ele aqe! Na amu henana amu, na oo maɗoɗ doon, ippunittak ele pehettaknab he!

1 Timoti 4:16

Na nakka kobol na hettem, amu nai, na amu danab ah ippunadttem ele amu, na amu oh atognona dabmenana he! Na uug doyaya eɗittaknuib dabmak awak kobol dim lamidna, anam he! Aɗinu? Na anam hekkut amu, uɗat nahip amuppa na laa nahip nai dootteb, na nakka nahipnu ele, na ag oh ehanadppe, ag ib ii apiɗidmana.

1 Timoti 3:5

Am danab laa nug nug baekkudppa atognoatta omalattak ii dootte dayeb amu, nug attemun Kayaknu Kristen tamaniak dabmadatta daakku.

Matyu 24:25

Doyeg! Keeke amu ii neumppa, da ag dabmekkulagnu nai iikku ag amelagppa ain malami.

Hibru 13:24

Amu ag ihinig humittak nai ahilkad ikki danab oh mattanna, Kayaknu danab ah oh ele matteg! Amu Kayak baekkudppan danab Italinu ag humittak nai ahilagppa meeg gotte.

1 Timoti 4:10

Nai am inam. Ig Kayak bauklel, Nug danab ah oh eɗua awikkak diig daatte, amge Nug danab ah ag nuhignu oolagppa genab dootteb ele, Nug ahilagnu eɗua awikkaknab danab daatte, ig nuhignu oonigppa genabnab dootta, Nug doa ehanigkkunu dabmak aɗat daat, ameg mettem. Ig amunu am genabib doottem amunu, ig uɗat naɗinab ɠagattag ele hettem.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

Aposel 20:35

Da Naɗi Jesusnu nai laa dabmeinne, da ehanittak kobol amuppa amu, da ag danab ah, keeke iitta, hamu daatteb, ig ag ehanadkkunignu daattem amu, da kobol amuppa ag ehanadkkulagnu ib ippunadmi. Jesusnu nai amuam inam. ‘Danab nug danab laa keeke metta, itittak ena aotte, itittak amuam danab nug keeke awa, itittak ena aotte, itittak amu eɗidtte.’ ”

Jon 4:38

Da danab laa uɗat heppigppa ag dahilad, ag dad amuppa meu aoglagnu maatti goppig. Laa ag tatam ahilag wagai makppa dad ooppa ee ewak uɗat heppig, amu gemu ag ooppa nona meu aotteb,” awa aum.

Luk 12:42

Pita nug anam oɗ mette, Jesus Nug nob ma aum. “Maɗi nid laa, nug doyak dabmak ena ele, nug oo metta ii uuak kobol ele dim lamidtte amu, nuhig okkai nug nuhikkud maɗi nid laa gumattatta, haenppa ee madakkunu elele daatte antta, nug amu hekkunu meum amu,

Sekaraia 9:12

O Israel danab ah, ag diia ukka laih me dayak danab ah daatteb, ag ena bekkulagnu dabmak aɗan oiglagnu elele amunu, ag eɗun, ahilag aab aɗ ɠagattagnab ele, ag amuppa uɗieg! Da ag amelagppa attem. Ag uug maoppig, amge da geha heppi, ag bu laippu aoppig dayeb amu, ag keeke ena aɗit aoglag. O ag bu aɗit aoppig dayeb amu, ag keeke ena waɗele aoglag. Da heppi, ag anam anamib aoglag.

Jeremaia 17:18

Na ehaniɗppe, da uɗa nak ii doopa, amge na heppe, laa ag eheɗ heiɗtteb ele ag uɗa nak aoglagnu oɗ medattem. Ao, na ehaniɗppe, da baɗak eheɗ nau ii doopa, amge na heppe, laa ag eheɗ heiɗtteb ag baɗak eheɗ nau dooglagnu oɗ medattem. Na heppe, laa eheɗ heiɗtteb amu, uug naunab ahilagppa bekkunu oɗ medattem. Ge, na heppe, ag padal mena autna autnanab aoglagnu unuqidttem,” awa unuqittom.

Jeremaia 16:18

Juda ag am kayak hambuppuak huanaknab akkan, dahil wanppa meeg, wan amu dahil neekkakppa dubuttid tak ele daatte. Dottolkad amu, ag bau iitta, ag uɗig wak nau ele. Ao, ag heeg, kayak hambuppuak dottolkad dahil wanppa ambak daatteb. Dottolkad amunu amu, da oolppa uuaknab doottem. Juda danab ah ag anam hetteb amunu, da ahilag hak nau, ahilag hipunin ele, da diig amunu da bu elelenab madakkul.” Yawe Nug anam awa atte.

Aisaia 40:2

Ag baalag bodoettakppa ɠagattag mattanna, dahilad danab ah ag uugppa aakku elele daaeg uɗiom anana, ag Kayak Nug hipunin ahilag uhuqa mattom, ag hipunin heppig, amunu nob amu, Yawe Nug nob amu elelenab aakku ag mattom, ag amu ele appeg doyeg!” awa atte.

1 Timoti 5:3

Ah laa nug gamu mauhak, nid laa ele iitta, qabnab dayeb amu, na atognona ehanitte!

1 Timoti 4:6

Na mattiak imu i laintad amelagppa madikkut dayeb, na tuɗidna, ooppa genab doyaknu nai, ippunittak nai ena aome ele aɗan dabmenan dim lamidkkut dayeb amu, na Kristus Jesusnu maɗi nid ena daakkut.

1 Korint 3:9

I am kadoi meɗa, Kayaknu maɗi nid daattep; ag am Kayaknu dad bia daatteb. Laa ele amu, ag am Kayak laug daatteb.

1 Timoti 4:14

Haen tamaniaknu ikki danab ag eppelag na baɗenppa meeg, propet nai laa nahipnu mattieg, na Kayaknu uɗat hekkutnu ehah aome amu, na uɗat amu daut aib atiom; aib uume.

1 Timoti 5:19

Am danab laippu laa nug, “Ikki danab imu nug eheɗ heum,” ab amu, na amu aib doome. Aɗi heehe anttomnu mattiak danab aɗit o ewam ag anam appeg amu, na doye!

Namba 18:31

Ag maha laippu Nug mettona, laih eblaih waɗele daatteb amu, ag, ag baelkadppa ele ag mettid haknu peh lag guguittak, appate, o iitta laulagppate, o iitta adeppa amu ag lakkulag. Amuam ag mettid haknu peh lag danab ah appa qagmetteb ele, ag amuppa uɗat hettebnu nob aakku amunu, ag mettid haknu peh lag guguittak appate, o iitta lakkate, o iitta adeppa amu, ag lakkulag.

Duteronomi 18:8

Am Israel danab ah ag mana mettak hekkulagnu doɗ keeke aon dona, mana mettak heppig, am maha attem am mana mettak danab aoglagnu daatte, nug amu lakkunu elele. Amu nug anig mameg aɗi, ag men doɗo keeke meppeg, nuhigppa uɗikku dayeb amu, amu ele nuhig daakku.