1 Timoti 5:14 - Nobonob Baibel

¹⁴ Amunu ah bau qak mak dilag ulum mettak nai dahil am ah bau anam amu, ag danab bau aona, nid menunna, ag laulag atognokkulagnu ɗo mettem. Ag anam heppeg amu kekeɗ laa ag ihinignu nai nau mattiglagnu ib laa ii anidmana.

1 Timoti 5:14 Referans Kwoze

Taitus 2:5

ag akka ag oiyak pehettak atognoak kobol dim lamidna, ag oppiak daaglagnu, ag laulag atognona dabmettanna bappaidkkulagnu, ag kobol ena hekkulagnu, ag gamulkad waalagppa daaglagnu appe doyeg! Diig aɗinu ag anam oiglag. Amunu diig am dimittim danab ag Kayak nainu nai nau ii mattimnanu, ag anam oiglag.

1 Timoti 6:1

Danab ah ag Kayak onignu, Kristen kobolnu ele nai nau amananu, begbeg maɗi nid ag ahilkad okkainu ena elele okkai dooglagnu daatteb.

1 Timoti 4:3

Danab amu ag ewau matulak kobolnu aib anana, ee laalanu, Kayak Nug danab ag oolagppa genab dootteb, doyak diig genabib ele dootteb, ag ee amunu Kayak binag menana, ee amu aon lakkulagnu he beppig ele amu, hambuppuak danab amu ag ee amu ele lakkulagnu aib atteb.

Daniel 6:4

King nug anam maittak awe, danab okkainab aɗit laa, danab okkai 120 laa ele ag Daniel gumak uɗat nuhig haaha, eheɗ laa heeb anidna, king amegppa akkulagnu dabmeppig, amge ag meidna daaegeg, nug eheɗ laa ii heum amunu, ag nuhig eheɗ hak laa king amegppa akkulagnu laa iitta. Daniel nug nuhig uɗat elelenab haaha, kobol eheɗ laa nukka ehanidkkunu aɗi laa ii heum amunu, danab laa amu ag nuhigppa eheɗ laa anidkkulagnu elele iitta.

Prowerb 14:1

Ah nug doyak dabmak ena ele, nug nug baekkudppa ɠagattag aqatte. Anam, amge ah nug dabmak tutukku iittappa hak kobol dim lamidtte ele, nug nuhig hakppa nug baekkudppan hatte nauhtteb.

Hibru 13:4

Ewau dayaknu amu, ag oh amunu ena doyeg! Danab ah ele ewau daattep, aa gappai laa aib hepiɗ. Aɗinu? Kayak Nug geha ewau pakkua gappai hak danab, amu laa gappai kobol laala hetteb ele, Nug ag epeɗiadkku.

1 Timoti 5:11

Amge na ah qab, ag ah bau amu, ag onilag aib yaame. Aɗinu? Ag beɗulagnu eeɗak okkai dooppeg heeb, ag Kristusib dim lamittaknu dabmeppig ele daulag atieb, ag danab baula diiglagnu hekkulag.

1 Timoti 2:8

Amunu da danab oh ag unuqidkkulagnu amu ag oppiaawak daanna, ag oo nauhak, a ona a doak ele iitta daanna, unuqidkkulagnu ool daatte.

2 Korint 11:12

Amge danab laala, ag akka onilagib humaglagnu oolag daatte amunu, ag danab amelagppaib mattin, kobol da hettem bianab ag hettebnu atteb, amge kobol amunu gaɗaib hetteb ele amu, da ahilag ib amu oo nekkulnu iikku uɗat heinne, da uɗat hettem bia anamib baubau hekkul.

Rom 14:13

Amunu ig lainkad laa dilag kobolnu amu ig ii epeɗiadmata. Iitta. Ig lainig laa hipuninppa na qemanu dabmeta, keeke laa ig hepput na qekkunu ii hematanu dabmetat oitu!

2 Samuel 12:14

amge na Yawe, nuhignu ena iinab doon hee, kekeɗ nuhig ag nuhignu, ‘Keeke hamunab,’ dootteb amunu, nid danab nahip kobol imuppanu amu, nug mauhkku. Nug bau ii daama,” awa aum.

Genesis 18:9

Lanana amu, ag Abraham oɗ medappig. “Na waat Sarah adeppa daatte?” oɗ medappig. Ag anam oɗ mettaeg amu, nug aum. “Nug peh lag ooppa, uppa uma daatte,” awa aum.

Genesis 18:6

Ag anam appig amunu, Abraham nug paha peh lag ooppa noa, Sarah amegppa aum. “Na paha plaua enanag tappiɗ okkai ewam kabolina, bret mane!” awa aum.

Jeremaia 29:6

Ag amu henan, danab ah ag ewau matulak aonna, ag nid danab, nid ah ele menunna, ag bekkalkad, aɗelkad amu, ag ele nid danab nid ah menuadkkulagnu, ag bekkalkad, aɗelkad dilag danab ah ele mattin anadppeg, ag ewau matulak aweg! Ag kuɗum appatna oiyeg! Agib anam daan, mauhadna laib laib anamib aib daappig.