1 Timoti 5:10 - Nobonob Baibel

¹⁰ amu danab ah laa ag nug kobol ena heum, nug nuhikkud nid ena atognoatta omalattom, nug ehanittak kobol dim lamittom, nug Kayaknu danab ah oppiaawak ele atognoattom, nug laa qagaiettakppa daaegeg ehanattom, amu nug kobol ena laala kuɗum heum ele anidtteb dayeb amu, ah qab amu na nug onig ah qab laa, ehanittak aoglagnu onilag ele laippu ye!

1 Timoti 5:10 Referans Kwoze

1 Timoti 6:18

Laa amu, na danab ah enulag ele ag ena, ao ag kobol ena okkai hena, ag danab ah oo qak iitta ele ehanadna, ag enulag laih oppatna, danab laa ɗo mattaglagnu babaittak daaglagnu haknunab nai ag matteg!

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

Aposel 9:36

Aria aab laa onig Jopa, appa amu ah laa Jesusnu ooppa genab doyaya dayom, nug onig Tabita, Grik naippa amu ag Dorkas atteb. Nug hanhan kobol ena haaha, nug danab ah keeke iitta ele amu ehanattatta, keeke madattom.

Taitus 3:1

Na danab ah ag ahilkad ikki danab, amu ahilkad danab gumaknu ehah ele waalkadppa daaglagnu daulkadppa dokkunu, ag oɗe dim lamittak danab daan oina, ag aɗi uɗat amu uɗat ena hekkulagnu babaittak daaglagnu,

Taitus 2:7

Na amu, na aɗi hettemppa na ag ippulag enaib ippunadnana, tutukku he! Amu laa ag nahip nai tabappeg nekkunu hetteb ele, ag ihinignu nai eheɗ laa mattiglagnu ib iitta anidkkulag amunu, ag ⌊anam heppignu⌋ uɗa nak dooglagnu na ippunattak nai nahip-ppa na danab dabmak oiyak nuhig ele am tutukkuib, na danab nug nuhig uɗatnu am keeke meu ele, hamu iitta dootte, amu na danab nug nai genab ena ele, danab ag nai amunu nai nau anaknu elele iitta maditte, na danab anam daan ippunadna, ippunittak nai nahip mattie!

Rom 12:13

Kayaknu danab ah oppiaawak ele laa ag keekenu tutu daappeg amu, ag ehanatteg! Laa dilagnu ag nug ehanittak heig!

Luk 7:44

Jesus Nug anam ana amu, Nug eɗua, ah neekkittatta, Saimon amegppa aum. “Na ah imu anidttem. Da na laut ooppa nemi amu, na le aon dona, da bael ihaknu ii meɗame, amge ah imu nug ameg lebppa da bael iha, nug ikki uɗugppa oppiom.

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

Hibru 13:2

Ag aab diig danab iitta diin atognoadkkulagnu ele aib daulag atiom. Anukka laa anam hena, Kayaknu engel diin atognoadppig, amge ag am engel, ag amu oolag ii maittette diin atognoadppig.

Hibru 10:24

Amu ig lainkad dilag, ag danab laa dilagnu oolag mauhkkunu, kobol ena ele hekkulagnu maɗattagnignu, ig amu ele dabmetu!

Taitus 3:14

Aria ihinig danab, ag Kristen, ag uɗat hekkulagnu, ag amuppa bau dayaknu keeke aoglagnu dooglagoitte. Ag hamuib daaglagnu am aib.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Luk 7:38

Jesus baegppa, guguitta dimugppa hibaitta gayaya dayom. Ameg leb gokkaɗa, Jesus baegppa ne amu, ikki uɗugppa oppiaya, Jesus baeg ootuqittowa, leppu muttuɗig enanag ele Jesus baeg gokkaɗ qettom.

Genesis 18:4

Tatam laa le nakokib awa doob, ag baelag ihona, ag ad logoppa hik aoglag.

3 Jon 1:12

Demitrius nug kobol ena hette amunu, danab oh ag nug binag metteb. Doyak diig genabib am ele nug onig hume, attan tette. Ig ele nug binag mettem, amu na doottem, ihinig nai am genab.

1 Pita 4:9

Ag lailkad dilagnu nug ehanittak kobol naittuɗ mak iitta ele dim lamidna heig!

2 Timoti 2:21

Amunu amubia danab laippu laa nug kobol nau oh amu lamitte ukke, nug oppiaawak daatte dayeb amu, nug am tappiɗ, nuhignu enanag dootteb, amubia nug Kayak amegppa enanag daakku; nuhig uɗat hekkunu elele. Nug aɗi uɗat ena oh hekkunu babaittak daakku.

2 Timoti 1:5

Nahip ooppa genab doyak am ooppa genab doyak genab da daulppa daatte. Danab laa amelagnuib iitta. Ooppa genab doyak amuam tatam na alan Lois, nuhigppa daye, na anin Yunis, nuhigppa ele dayom. Amu ooppa genab doyak amu nahip-ppa ele daatte amu, da oolppa genab doottem.

1 Timoti 5:25

Amubiaib kobol ena laala danab ah laa hetteb amu, geha iikku miag atiak betteb. Laa dilag amu paha miag atiak ii betteb, amge amu ele am haen oh lokkumak daaglagnu elele iitta.

1 Timoti 2:10

Ah ag keeke digdig amubia ii memana. Iitta. Ag ah Kayak dim lamidnana, aɗi aɗi kobol hekkulagnu elele doon henan oitteb ele amu, ag hak ena amu lamen bia takkaglagnu ool daatte.

Kolosi 1:10

Anam dayeb amu, ag Naɗinu dabmak dim lamidkkulagnu, ag Nug oo niitte ohppa oiglagnu elele daanna, ad meu ena otte, amubia ag anen anen ag oinna, ag uɗat ena oh hekkulag, amu ag doyak Kayaknu tuɗidna aoglag.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Aposel 22:12

Aria, appa danab laa dayom, nug onig Ananias. Nug am ɗo dim lamittak danab. Juda oh Damaskus daatteb ele, ag nuhignu ena elele dootteb.

Aposel 10:22

ag nug amegppa appig. “Kornilius, nug ban daup 100 dilag ikki daatte, nug he ig uɗimut! Nug am genab tutukku hak danab. Nug Kayaknu ebehi oh bodoetta le mette. Juda danab ah oh ag nuhignu ena elele dootteb. Amu Kayaknu engel oppiaawak laa na, Kornilius amegppa nahipnu, na Kornilius laugppa gona, na nai laala appe nug dookkunu aum amunu nug he, ig uɗimut,” aon appig.

Aposel 9:39

Aria Pita nug ahe, danab amu ele oh goppig. Haen nug ukka te, ag nug omaleg lag oo attan amuppa te amu, ah qab appanu ag oh uɗin, Pita talilidna daanna, gaanna ag lamen digdig Dorkas ii mauhom haenppa ha mattom amu ippunidppig.

Aposel 6:3

amunu, O lainkad, ig inam hekkunig. Ag oh oolagppanu ag danab eblaih aɗit laa, danab ah ag danab amunu ena elele dootteb, ag Kayak Ouɗi aoppig, ag doyak dabmak ena ele amu, ag danab eblaih aɗit amubia anatteg! Danab amu ig uɗat amu madapput, ag hekkulag.

Aisaia 1:17

Ag dabmak ena aon, kobol genab tutukkuib hekkulagnu dabmettan, aon aɗan oiyeg! Ag kobol genab tutukku amu henana, ag nai doya mala hettoɗia epeɗia elele mettak kobol dabmenan, dim lamitteg! Ag danab laala ag lailkad laa, ɠagattag nakokib eheɗ hadatteb ele amu, ag hak nau amu bappaladnana, eheɗ hak danab bu matteg! Ag nid ag mamelkad mauhppig ele, ag hettoɗiakppa atognoatteg! Ag ah qab, laa ag amu dilag eheɗ hadatteb anidna, ag hettoɗiakppa, o adekkuppa ag ah qab amu ehanadnana, atognoatteg!” Yawe Nug anam awa atte.

Sam 119:4

O Yawe, na nahip oo yaak nai ɗo bia oh ig mekkan, na ig ɗo amu oh dim lamidkkunignuib ele nai ɠagattagppa ig amenigppa mattime.

Lewitikas 25:35

Ag lailag, Israel ted laa, nug ag oolagppa dayebeb, aɗi uug beeb, daɗek ma, nug ee keeke aokkunu ib iitta daakku dayeb, nug tuɗid ag oolagppa daakkunu, ag wan laihnu danab ehanidtteb, o ag danab laa nug wan laappan uɗia, haen tutuib dayak danab ehanidtteb, amubia ag laa daɗek meum amu, nuhignu heig!

Genesis 24:32

Laban anam a amu, maɗi nid nug laugppa ukke, kamel keeke mawadppig ele amu hipaeg ne, aria ag ee, amu niiaknu keeke ele kamel mattona, ag maɗi nid, nuhikkud daup ele baelag ihaglagnu le madappig.

Genesis 19:2

Wanppa ma amu, nug aum. “O danab okkai aɗit dahilaɗ, aa da, da ahilah maɗi nid amu, aa da laulppa gokkulahnu ool daatte. Aa goya, baelah ihoya, tuqan imuppa niiyya, butti buttua ahaya gokkulah,” awa aum. Nug anam aum, amge engel aɗit aa nug amegppa apiɗ. “Iitta! I qagmak aben imuppa niignih,” aoya apiɗ.

1 Timoti 5:16

Ah laa, nug ooppa genab dootte ele, nug baekkudppa ah qab laa daatteb dayeb, nug ehanattaɗ! Kristen tamaniak uug aib mettom. Ib amuppa amu tamaniak am ah qab, ag anen anen akka baeg laippu daatteb, tamaniak ag ehanadkkunu elele daakku.

1 Timoti 3:7

Laa ele amu danab nug Kristen tamaniaknu gumak ikki danab daakkunu oo daatte amu, nug eheɗ heeb, uɗa nak guittak ele doya, nug Satannu uhuippa nomanu nug dimittim danab, ag noolagppa danab ena daakkuoitte. Anam iitta dayeb, nug ag noolagppa ele danab ena dayaɗ!

Genesis 43:24

Daaeg amu, laug gumak danab nug ag omalatta, Josep laug ooppa noa, le baelag ihaglagnu matta, nug ahilag donki dilag ee ele awa, donki mattom.

1 Timoti 3:2

Amunu laa nug Kristen tamaniak gumak ikki danab daakkunu, nuhigppa nai laa ii daakkuoitte. Nug ah laippu gamu aakkuib daya, nug atognoak oiya, nug nukka nuhig oiyak pehettak atognoak kobol haaha, laa nuhignu ena elele dooglagnu elele daya, nug ɗo danab dotteb ele atognoatta, nug danab ah ele nai ippunadkkunu elele daakkuoitte.

Matyu 25:17

Amubiaib laa talent aɗit awom ele, nug ele anam ha, talent aɗit baula awom.