Biblia Todo Logo
Bib sou entènèt

- Piblisite -




1 Timoti 4:8 - Nobonob Baibel

8 Aɗinu? Beɗunig ehanittaknu kobol hak amu nakok ehanigtte, amge genab tutukku hak danab dayaknu ehanittaknu kobol hak, am keeke ohnu ehanigtte. Amuam ig gemu bau daattem amunu ehanigtte, amu bauklel dimppa aognig, amunu ele ehanigtte.

Gade chapit la Kopi




1 Timoti 4:8
52 Referans Kwoze  

Amge tatam ag Kayaknu ɗo maɗoɗnu, amu genab tutukku kobol ele hekkulagnu anuqak dooppeg, geha Nug keeke amu oh ele ag madakku.


Amge danab nug Kayaknu kobol tutukku dim lamittatta, nuhig keekeppa, “Aakku elele,” dabmette amu, nug enaib daatte, keeke oh awom bia.


Danab nug nukka onig qe nette, nug Yawenu ebehi oh bodoetta le mak ele dootte amu; nug en, binag, bau dayak ele aokkunu ib aakku matultte.


Yawenu ebehi oh bodoetta le mak am omaitteb bauklel daakkut; aun nug Yawenu ebehi oh bodoetta le mak dootte, nug maɗoɗppa daatte, nug Kayak eppegppan bu mettakppa ii daama.


⌊Ig anam daagnig amu,⌋ ig bauklel hanhannu aognig; Kristus Nug nai amu qakka aum.


nug wannu haen imuppa hamu ii daama. Iitta! Nug lag, awakkud, amakkud, apakkud, appinkkud, anikkud, nid naunau amu dad okkai ele tuɗitta, 100 baula aokku. Nug amu awebeb, laa ag ele nug eheɗ hettaglag. Laa ele amu, butti aɗi haen amu uɗieb, nug bauklel hanhannu aokku.


Genab tutukku hak danab ag aulag wan imu aɗan, imuppa hanhan daaglag.


Aun aɗi ag dagom daan, ag akka onilag qeeg nette ele, ag geha ag aulag wan imu aɗan daaglag Ag daan, ii baɗaglag, ag maɗoɗ naɗi ele daaglag.


Ippunittak bau digdig, am Nai Ena bia iitta amu, ag doon aib dim lamidppig. Aɗinu? Ig Kayaknu ehanittak okkai hamu mettakppa, Nug dim lamidkkunignu ɠagattag aognig am ena. Ig eenu ɗo kuɗum dim lamidta, ɠagattag amu aognignu hekkunig am ena iitta. Danab laala ag anam henan oippig amge ii ehanattom.


Imu dabmenan oiyeg! Genab tutukku hak danab ah dilagnu amu, ahilagnu am ena. Aɗinu? Ag ahilag haknu meu ena aon daaglag.


Anam, amge nau hak danab nug ɗo huanak tippala, haen elab bau daakkutai, me da doottem, butti aɗi danab ag Kayaknu ebehilag oh bodoetta le mette, ag Kayak noobppa anam daatteb ele amu, ahilagnu am ena. Laa nau hetteb, ag am iitta.


Danab ag Yawenu dabmenana, nuhignu ebehilag oh bodoetta le mette ele amu, Yawe Nug danab amu aɗi keekenu oolag hette am madatte. Ao, Yawe Nug danab amunu unuqittak doya, nug ehanatte, padal ii metteb.


Aɗinu? Yawe Kayak Nug am ihinig amahlak, guppiɗ ele daatte. Nug ii helo bia me, Nug ehanittak kobol dim lamidttatta, Nug binag okkai ele megatte. Yawe Nug danab ah nuhikkud ag nuhig neekkakppa oolagppa kaliak laa iitta ele amu, Nug ag keeke ena ena oh madatte.


Aun laa nug ban eɗidkku amu, da nug daakkunu elele appi, nug da ele dahil sia kingppa, anukka da ban eɗitti, gemu da Mamel ele nuhig sia kingppa daattep amubia daagnih.


Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.


“Danab laa nug Kayak ehanidkkunu elelete? Ge, danab nug doyak dabmak ena ele, nug Kayak ehanidkkunu elelete?


Saul nug anam aum, amge Samuel nug eɗua amegppa aum. “Yawe Nug manaknu ofa, amu mana mettak laala elenu oo hette, amge Nug danab ag Nug oɗe dim lamidkkulagnu amu, Nug amunu oo huanaknab hette. Yawe oɗe dim lamittaknu, am mana mettak eɗidtte. Ao, Yawenu nai doon dim lamittaknu, am sipsip dawai ittag mana, Kayak mettaknu eɗidtte.


Aun laa nug ban eɗidkku amu, da nug dahil Kayak, nuhig mettid lagppa anuqak laa meppi daakku; nug haen oh lag uua dimittim ii wama. Da nug qaɗeppa dahil Kayak onig amu dahil Kayaknu aab okkai onig ele yaakkul. Aab okkai amuam Jerusalem bau, am dahil Kayak toppanu attannu nette. Am da onil bau ele nug qaɗeppa yaakkul.


Amge ee nug ig omaikkeb, Kayak toppa ii gomata. Ig ee laa ii lakkunig dayeb amu, ig anen anen, “Da ee amu ii lattem amunu, da Kayak noobppa elele iitta daattem,” ii amata. O ig ee laa lakkunig dayeb amu, ig anen anen, “Da ee amu lattem amunu, da Kayak noobppa enanag daattem,” amu ele akkunignu elele iitta.


Juda danab ah, ag Sebanu kalu danab ile muttuɗig enanag bette, ag kalu amu amotna, da meɗatteb, amge ag hipunin hekkulagnu ii uutteb amunu, da kalu amunu ool hettete? Da amunu oolppa ena doottemte? Iitta! Ao, ag goɗen muttuɗig enanag hekkulagnu wan umanabnu keeke qaittobttob bia onig kalamus aon, da meɗatteb, amge ag hipunin hekkulagnu ii uutteb amunu, da kalamus amunu ool hettete? Da amunu oolppa ena doottemte? Iitta! Manaknu ofa ahilag amu, ag am pehettak iitta; da ii aopa. Ao, ahilag mana mettak laa amu, da amunu ena ii doottem.” Yawe Nug anam atte.


⌊Ag nau anam aib heppig.⌋ Aɗinu? Nau hak danab ag geha nauhkkulag. Amge aun aɗi ag Yawenu oolagppa genab dootteb, geha ag ii nauhmana. Ge, ag geha ag aulag wan imu aɗan daaglag.


Amu ig doottem, Kayak Nug danab aun aɗi ag nuhignu oolag mauhtte, Nug kobol ena bekkunu ag ele uɗat hetteb. Nug aɗi bekkunu matu dabmeum amu, nug amu dabmaama, ag onilagppa eum.


Pol, Apolos, Sipas, onig laa Pita, aria wan imu, bau dayak, mauhak, keeke gemu daatteb, keeke dimppa bekkulag ele amu, keeke amu oh am ahilag,


Aria, danab aun nug da onilnu ha, nug anig, mameg, awakkud, amakkud, apakkud, appinkkud, nug wau, bekkod, aɗekkud, nug laug amu nuhig dad okkai ele uuatta, da dim lamiɗtte amu, nug hamu ii daama. Iitta. Nug amu bia amge laippuib iitta, nug 100 awa, nug bauklel hanhannu ele aokku.


Nug anam he, ag Nug waappa daan, Nug oɗe dim lamidna hetteb dayeb amu, ag haen amuppa eɗun, bau dayak laa oh ahilagppa daatte amu, ag haen amu oh ena daatteb. Ao, ag ahilag maɗ laa oh daatteb amu, ag maɗ amu ohppa ag maɗoɗ ele daatteb.


Am danab nug Danab Bekkalag da, dahilnu nai nau atte dayeb amu, Kayak Nug danab amunu hipunin uhuqa medakku, amge danab nug Kayak Ouɗinu nai nau akku dayeb amu, nug uhuqa mettak ii aoma; wannu haen imu, butti aɗi haen amu ele,” awa aum.


Amge na kaya nai hamu, Kayak nai ii dim lamidtte ele, na amu aib dabmeme. Iitta! Na genab tutukku hak danab daakkutnu amu, na nakka, na anam daakkutnu na ippunittak na mette!


Laa nug ihinig Naɗi Jesus Kristusnu nai genab ippunikkom, Kayaknu kobol tutukkunu nai ele, nug nai amu uua, ippunittak hamu meu iitta madikku dayeb amu, ig doognig,


danab ag ahilag dabmak augigiak ele, ag haen oh oolag laippu iitta ele oitteb. Doyak diig genabib amu, ag ii aɗatteb, oolagppa ele ii daatte. Ag oolagppa Kayak nainu, “Keeke uɗat iittappa, hamu awaknu ib aakku,” aon atteb.


Ag Kayaknu kobol amu gaɗalagppaib, danab amelagnuib hekkulag, amge Kayak kobolnu ɠagattag amu, ag dimettaglag. Na danab amu dilagnu qe mena oiye!


Ag anam ii hetteb. Danab nug grep leppu bau am doɗ gaɗa nippud bauppa inaglagnuib daatte. Ag anam hekkulag dayeb amu, grep leppu amu doɗ gaɗa nippud ele am ena daaglah,” awa aum.


Swiv nou:

Piblisite


Piblisite