1 Timoti 4:5 - Nobonob Baibel

⁵ Aɗinu? Keeke amu oh Kayak naippa amu unuqittakppa ele ig aot lakkunignu oppiaawak daatte amunu, ig aognig.

1 Timoti 4:5 Referans Kwoze

1 Timoti 4:3

Danab amu ag ewau matulak kobolnu aib anana, ee laalanu, Kayak Nug danab ag oolagppa genab dootteb, doyak diig genabib ele dootteb, ag ee amunu Kayak binag menana, ee amu aon lakkulagnu he beppig ele amu, hambuppuak danab amu ag ee amu ele lakkulagnu aib atteb.

1 Korint 7:14

Amu ag doyeg! Danab nug Naɗinu ooppa genab ii dootte, amge ah nuhig nug ooppa genab dootte, gamu nug ahppa Kayaknu tituanak daatte. Aria, amubia ah nug ooppa genab ii dootte, amge nug gamu nug ooppa genab dootte, wau nug danabppa Kayaknu tituanak daatte. Anam iitta amu, haen aa nid menuadkkulah, ag am Kayak ele ouqa dayaknu elele iitta, amge anam iitta. Nid amu ag Kayaknu tituanak daatteb.

Luk 4:4

Awa a amu Jesus Nug Satan oɗeppa awa aum. “Kayak naippa yaak inam daatte, ‘Danab ah eeppaib bau daanna ii oitteb,’ ” awa aum.

Taitus 1:15

Am danab ag oolag dubuttid iitta ele amu, ahilagnu keeke oh am oppiaawak ele daatte, amge danab ag dubuttid ele, ag oolagppa genab ii dootteb ele amu, ahilagnu keeke oh am oppiaawak iitta. Ahilag dabmakppa, ahilag ooppan oiyak ippunittaknu ulum eleppa dubuttid aakku teum daatte.

Luk 11:41

amunu, ag danab daɗek ehanadppeg, ii nauhppeg, ag oolag oppiaawak ele daakku.

Genesis 1:31

Kayak Nug keeke oh Nug hattom ele, Nug keeke amu ohnu am enaib anattom. Buttua ukka uudo, ukka wagkkaɗom, am deɗ ebqak eblaih laippu ele.

Genesis 1:25

Kayak Nug anam aum amunu, ib amuppa Nug doɗ dakkuɗ, aabppan doɗ, amu doɗ laa ag oolag wan qeeqe oitteb, doɗ amu oh ag anen anen appatna, ag diilkad amubiaib bekkulag amu, Nug doɗ amu oh hattom. Nug hattowa, Nug ena anattom.

Hibru 11:3

Ig Kayaknu oonigppa genab doottem amunu, ig imunu maittak aottem. Kayak Nug oɗeppa haknunab nai aawo, wan, hab, atu, keeke oh ele beppig daatteb amunu, keeke ig gemu anidttem, keeke amu oh am keeke ig anidkkunignu elele, am amuppa ii beum.