1 Timoti 4:4 - Nobonob Baibel

⁴ Ig doottem, keeke oh Kayak heum amu, ig Nug amegppa, “Ena hen mekkame,” atata aognig. Geɗidkkunignu ele iitta.

1 Timoti 4:4 Referans Kwoze

Rom 14:20

Ag aib ee lanaknuib dabmena, Kayaknu uɗat heppeg nauhom. Am genab, ee oh am lanaknu epeɗiak daatte, amge na keeke laa lae, amu he, danab laa nug oo eeɗak doya na qette dayeb amu, na aakku kobol eheɗ hettem.

1 Korint 10:25

Ag doɗ teppu oh daden lagppanu daden mekkulag amu, ag aon laig! Ag danab laa, ahilag ooppan oiyak ippunittaknu ulum dabmenan, diig doon lakkulagnu aib oɗ madappig.

Rom 14:14

Amu da am Naɗi Jesusnu danab, amu Nug da ippuniɗa auta awe, da ee laippu laa nug nukka ii lanaknu epeɗiak ii daatte doottem. Amge danab nug nukka keeke atten laa nug amunu eheɗ dootte, nuhigppa am eheɗ daatte ele doottem.

1 Korint 10:23

Da keeke oh hekkulnu ib daatte, amge keeke oh da ii ehaniɗtteb. Ge, da keeke oh hekkulnu ib daatte, amge keeke oh amu heppeg, da ɠagattag ii daapa.

Aposel 21:25

Amu iitta aɗi ag Jesusnu oolagppa genab doon, Kristen beppig daatteb ele, ag kobol aɗi ii hemananu amu ig anukka nai amu uɗugppa yaata, meut ukke, ag amunu dabmekkulagnu dooppig. Uɗug amuppa ig iitta aɗi ag doɗ, danab ag doɗ amu main kayak hambuppuak dottolkad madappig ele, ag doɗ amu teppu, doɗ tiig ele, amu danab ag doɗ muɗippa o eppelagppa baag aɗaeg mauhom, amu ele ii lamananu, ag gappai kobol ele ii hemananu yaamut.” Ag Pol amegppa anam appig.

1 Timoti 4:3

Danab amu ag ewau matulak kobolnu aib anana, ee laalanu, Kayak Nug danab ag oolagppa genab dootteb, doyak diig genabib ele dootteb, ag ee amunu Kayak binag menana, ee amu aon lakkulagnu he beppig ele amu, hambuppuak danab amu ag ee amu ele lakkulagnu aib atteb.

Genesis 1:31

Kayak Nug keeke oh Nug hattom ele, Nug keeke amu ohnu am enaib anattom. Buttua ukka uudo, ukka wagkkaɗom, am deɗ ebqak eblaih laippu ele.

Duteronomi 32:4

Nug am hanhan ɠagattag daatte; nuhig uɗat am qa oppiaawak ele. Keeke oh Nug hette amu, Nug nai doya mala hettoɗia epeɗia elele mettak kobol dim lamitta hette. Kayak Nug diig nuhignu oo metta ii uuak kobol dim lamittatta, Nug eheɗ laa ii hette. Nug tutukkuib daatte, Nug nai doya mala hettoɗia epeɗia elele mettak ibuppa hanhan daatte.

Aposel 15:29

‘Ag doɗ, danab ag doɗ amu main kayak hambuppuak dottolkad madappig ele amu, ag doɗ amu teppu ii lamana. Ag doɗ tiig ele ii lamana. Amu danab ag doɗ muɗippa o eppelagppa baag aɗaeg mauhom amu, ag teppu amu ii lamana. Aria, ag gappai kobol ele ii hemana.’ Ag keeke amu oh tutukku dabmettan, ii hemana am ena. Aakkuib. Ag ena daaglagnu oonig daatte.” Ag anam yaappig.

Aposel 10:15

Pita nug anam awa a, baag amu baula nai mattia, Pita amegppa inam aum. “Kayak Nug he, ee laa lanaknu epeɗiak daatte amu, na ee amunu, ‘Ii lanaknu epeɗiak daatte,’ aib ame,” awa aum.

Rom 14:6

Amu danab laa nug deɗ laanu gun dootte, danab amu, nug Naɗinu dabmaama anam dabmette. Amu danab laa nug ee oh latte, nug Kayak amegppa, “Ena ha meɗom,” anana latte amunu, nug ele Naɗinu dabmaama anam hette. Aria, danab laa nug ee oh ii latte, nug ele Naɗinu dabmaama, teppu laa lamanu gun mette, amuppa nug ele am Kayak amegppa, “Ena ha meɗom,” awa atte.

1 Korint 10:26

Aɗinu? Wan, amu keeke oh wanppa daatteb ele am Naɗinuib.

1 Korint 10:30

Da doɗ teppu amunu Kayak amegppa, ‘Ena hen meɗame,’ awoya lappi amu, danab laa nug aɗinu dahilnu nai eheɗ akku?” ⌊awa akku.⌋