1 Timoti 4:15 - Nobonob Baibel

¹⁵ Keeke amu oh amu na dabmenan, uɗat he! Danab oh ag na uɗat nahip hekkutnu dabmak aome ele, na dabmak amu dabmena uɗat amu hena, tuɗidna, dabmak laa ele aon hettem anidkkulagnu amu, na hik nitteb he!

1 Timoti 4:15 Referans Kwoze

Matyu 5:16

Amubia ag dahilad daatteb ele, laala ag ahilag kobol ena anidna, ag ag Mamelag, hab attan daatte amu, Nug binag mekkulagnu, ag ahilag amahlak danab amelagppa amahalaɗ!

Sam 143:5

Da haen matunu amu daulppa dotte. Ao, da nahip uɗat okkai okkai na heme ele amu, da amunu dabmak unuqag awewe daattem. Ge, da na aɗi heme ele amu, da amunu dabmak awe autenab aottem.

Sam 104:34

Haen da Yawenu ool gamag ahehe, da keeke laalanu dabmak unuqag awewe daattem amu, Nug dahil dabmak amunu ena, elele dookkunu ool daatte.

Aposel 6:4

Amge ig totol danab amu, ig hanhan unuqidtata, Kayak nai danab ah ippunadkkunig,” aon appig.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Sam 119:97

O ⌊Yawe⌋, da nahip ɗonu oo mauhak naɗi doottem! Da deɗ oh amun tuqan ele da nahip ɗonu dabmak unuqag awewe daattem.

Josua 1:8

Na haen oh Ɗo Nai Buk imu ebqena autna awe! Na keeke oh ɗo yaak imuppa tutukku elele dim lamidkkutnu elele daakkutnu, na tuqan, amun ele ippunidtte, na amunu dabmak unuqag aonna daye! Aɗinu? Na anam hekkut dayeb amu, na aɗi aɗi hekkut amu, na heppe, ena beeb, na doyak dabmak ena ele aɗan oikkut.

1 Timoti 4:6

Na mattiak imu i laintad amelagppa madikkut dayeb, na tuɗidna, ooppa genab doyaknu nai, ippunittak nai ena aome ele aɗan dabmenan dim lamidkkut dayeb amu, na Kristus Jesusnu maɗi nid ena daakkut.

Sam 119:148

Am nahip nai na ame amu, da amu dabmedakkulnu, da tuqan ahe daattem.

Sam 119:99

Da hanhan nahip ɗonu dabmak unuqag awewe daattem amunu, dahil doyak dabmak ena ele am ippunittak danab dilag eɗidtte.

Sam 119:48

Da, da nahip ɗonu ool mauhtte amu, da ɗo amu oh binag mettem. Da nahip ɗonu dabmak unuqag awewe daattem.

Sam 119:15

Da nahip oo yaak nai ɗo bianu dabmak unuqag awen daattem. Ao, da na ib attem tappan gottem ele amu, da amunu ele dabmettem.

2 Korint 8:5

Ig anukka Makedonia danab dilagnu, “Geha ag men doɗoib laala mekkulag,” amut amge ag men doɗoib ii meppig. Iitta. Makedonia danab ag akka ag meulkad oh aon, ag akka Naɗi eppegppa mewona, Kayak oo daatte amu dim lamidna, aakku ihinigppa ele anamib heppig.

Sam 105:5

O Abraham buɗub, ag Yawenu maɗi nid daatteb. Ao, O Jakop bekkod, Yawe ag nuhikkud daaglagnu tituanattom. Ag Israel aakku, ag Yawe Nug uɗat ɠagattag danab hekkun elele iitta digdig heum amu, ag amu dabmetteg! Ao, uɗat digdig danab hekkun elele iitta Nug heum; nai doya mala hettoɗia epeɗia elele mettak kobol Nug dim lamittom ele amu, ag dabmetteg!

Sam 49:3

Da doyak dabmak ena elenu nai madikkul. Ao, da keeke da ool unuqagnab daaegeg doottem ele ippunadppi, ag amuppa diignu doyak tutukku aoglag.

Sam 19:14

Na oot da meɗan ehaniɗna heppe, da na oot daatte amuib akkulnu, amu da aɗi keekenu dabmak unuqag awewe daakkul amu, da na oot hette biaib amu hekkulnu oɗ medattem. O Yawe, na am kekeɗ niɗamnanu ehanittak dahil, qagaiettakppanu eɗua uhuqaknu ehanittak dahil ele daattem.

1 Korint 16:15

O lailad, ag Stepanas amu nug baekkudppanu ele, ag am prowins Akaia oolagppanu ag tatam Kristen bena, ag akka Kayaknu danab ah oppiaawak ele ehanadkkulagnu oolag daye, uɗat amu aoppig hetteb amu ag dootteb. Amu O lailad, da ag inam hekkulagnu ahilkad dabmak maɗedattem.

Sam 119:23

Danab okkai ag qagmena, dahilnu nai nau ninig ele atteb, amge da, da nahip maɗi nid amu, da nahip ɗo daatte, da amunu dabmak unuqag awewe daakkul.

Sam 77:12

Da nahip uɗatnu dabmak unuqag awewe daakkul. Ao, da uɗat ɠagattagnab, na nahip ɠagattagppa heme amu, da dabmein daakkul,” awe ami.

Sam 63:6

Da abenppa niieye, da nahipnu dabmettem. Ao, tuqan amu, da nahipnuib dabmettem.

Sam 1:2

Nug Yawenu ɗonu oo huana heehe, dim lamidtte. Nug ɗo amunu tuqan, amun ele dabmak unuqag awawa daatte.

2 Korint 4:14

Aɗinu? Ig doottem, Kayak Nug he, Naɗi Jesus Nug eɗua hibaittom, anamib geha Nug ig ele, Jesusnu ɠagattagppa ig ele maɗekkeb, ig eɗut hippaidpput amu, Nug ig ag ele oh omaikkeb gota, Nug ele oh laippu ouqak daagnig.

1 Timoti 4:14

Haen tamaniaknu ikki danab ag eppelag na baɗenppa meeg, propet nai laa nahipnu mattieg, na Kayaknu uɗat hekkutnu ehah aome amu, na uɗat amu daut aib atiom; aib uume.

1 Timoti 4:16

Na nakka kobol na hettem, amu nai, na amu danab ah ippunadttem ele amu, na amu oh atognona dabmenana he! Na uug doyaya eɗittaknuib dabmak awak kobol dim lamidna, anam he! Aɗinu? Na anam hekkut amu, uɗat nahip amuppa na laa nahip nai dootteb, na nakka nahipnu ele, na ag oh ehanadppe, ag ib ii apiɗidmana.

Namba 8:26

Ag lailkad, dahil mettid haknu peh lag danab ah appa qagmetteb ele, ag appa uɗat hetteb ele, ag ag ehanadkkulag, amge ag akka amu, ag uɗat iinab hemana. Na ɗo imuppa, Lewi buɗubppan mana mettak danab iitta ag uɗat atten atten hekkulagnu ippunadkkut,” awa aum.