Biblia Todo Logo
Bib sou entènèt

- Piblisite -




1 Timoti 4:14 - Nobonob Baibel

14 Haen tamaniaknu ikki danab ag eppelag na baɗenppa meeg, propet nai laa nahipnu mattieg, na Kayaknu uɗat hekkutnu ehah aome amu, na uɗat amu daut aib atiom; aib uume.

Gade chapit la Kopi




1 Timoti 4:14
18 Referans Kwoze  

Amunu amu, da na dautppa dokkunu imu attem. Haen da eppel na qaɗenppa memi, haen amuppa Kayak Ouɗi Nug nuhig ɗo hamu mettak laa mettom daatte amu, na haen oh ɗo hamu mettak amu maɗettan, uɗat mette!


O da bekkal Timoti, da propet nai na aɗi aɗi hekkutnu tamaniak ag na medappig amunu dabmein, da na ban danab ag ena daanna ban hetteb, na amubia daanna, uɗat nahip amu attem pehettak hekkutnu mattiak nai imuppa na ippunidttem.


Ag danab amu otiadna heeg, totol danab 12 noolagppa hibaitteg, ag eppelag qaɗelagppa mena, ahilagnu unuqidppig.


Na danab laa paha aon, tamaniak ikki daakkunu eppen qaɗeppa aib meme. Na laa ag hipunin hetteb ele amu, na ag ele hipunin aib heppig! Na nakka beɗun atognonana, oppiak daye!


Ag oolagppa Kayak Ouɗinu ib aib oo neppig!


Aria, ag tuɗidna ee ohnu kud mena daan unuqittona, ag eppelag qaɗelahppa mena heeg, aa ahai gopiɗ.


Amunu aa unuqittoya, aa eppelah qaɗelagppa meeh, ag aakku Kayak Ouɗi aoppig.


Pol nug eppeg qaɗelagppa me, Kayak Ouɗi ne aona, ag aabaab nailagppa nai mattinna, ag propet nai mehuqppig.


Ag otin, ag men doɗo amu qagmena, Barnabas, Saul ele mataeg, aa men doɗo amu aoi goya, Jerusalemnu tamaniak ikki danab eppelagppa mepiɗ.


Da anam hemi amu, mana mettak ikki danab nug, amu Juda dilag hettoɗiak okkai onig Sanhidren, amunu danab ele oh ag dootteb, ag amunu mattiglagnu elele. Da hei, ag ig lainkad Damaskus dilagnu uɗug yaaladna da meɗaeg, da Damaskus gokkulnu gomi. Da Kristen danab ah appanu amu hippalatten diien, Jerusalem uɗippi, ag hettoɗiakppa guittak aoglagnu gomi,” awa aum.


Keeke amu oh amu na dabmenan, uɗat he! Danab oh ag na uɗat nahip hekkutnu dabmak aome ele, na dabmak amu dabmena uɗat amu hena, tuɗidna, dabmak laa ele aon hettem anidkkulagnu amu, na hik nitteb he!


Ag Kristen danab, ag Kristen tamaniak ikki danab ag tamaniaknu uɗat ena hetteb ele amu, ag danab amunu ena elelenab doyeg! Amu Kristen tamaniak ikki danab, amu oolagppanu laala ag Kayak nai mehuqtteb, danab ah ele nai ippunadtteb ele amu, ag amu dilagnu amu ag anuqaknab doyeg!


Am danab laippu laa nug, “Ikki danab imu nug eheɗ heum,” ab amu, na amu aib doome. Aɗi heehe anttomnu mattiak danab aɗit o ewam ag anam appeg amu, na doye!


Ban ameg laa amu ban ameg laa ele aa nug eɗidkkulahnu nug mehqettep, amubia na ooppa genab doyaknu wagai men he! Na bauklel hanhannu, Kayak Nug anukka na amu aokkutnu oninppa eum ele amu, na amu ɠagattag aɗe! Kayak Nug na oninppa e, na nahip ooppa genab doyak, danab ah kuɗum amelagppa miag mattime.


Swiv nou:

Piblisite


Piblisite