1 Timoti 4:10 - Nobonob Baibel

¹⁰ Nai am inam. Ig Kayak bauklel, Nug danab ah oh eɗua awikkak diig daatte, amge Nug danab ah ag nuhignu oolagppa genab dootteb ele, Nug ahilagnu eɗua awikkaknab danab daatte, ig nuhignu oonigppa genabnab dootta, Nug doa ehanigkkunu dabmak aɗat daat, ameg mettem. Ig amunu am genabib doottem amunu, ig uɗat naɗinab ɠagattag ele hettem.

1 Timoti 4:10 Referans Kwoze

1 Jon 2:2

Nug ad emaitakppa mana mettak bia dayaya, ihinig eheɗ haknu nob nau Nug tiigppa iitta mekkunu he elele mettom. Amge Nug ihinignuib anam ii heum. Iitta. Nug danab ah wan atu ohppa daatteb ele amu, Nug amu dilagnu ele heum.

1 Timoti 2:6

Nug danab ah oh dilagnu Nug nukka Nug bau dayak nuhig uua, amuppa Nug haenppanab Kayak Nug danab oh eɗua diikkun hette ippunikkom.

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

1 Jon 4:14

Mame Nug Bekka, wan imuppan danab oh eɗua diiadkkunu me uɗiom, amu ig Nug Bekka anidta, ig amunu iikku madittem.

Jon 4:42

Oolagppa genab doona amu, ag ah amu amegppa appig. “Ig na ame amuppa oonigppa genab ii doomut. Iitta. Ig ikka ele Nug oɗeppa a doomut, amuppa ig aakku doottem, Nug am genab ig wanppan danab ah oh eɗua awikkak danab,” aon appig.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Sam 84:12

O Yawe Nakka Ɠagattag Oh Ele, laa ag nahipnu oolagppa genab dootteb ele, ag am itittak ena aoppig daatteb.

Hibru 13:13

amunu ig ele aab okkainu aɗ dimittim nuhigppa gota, Nug uɗa nak guittak ele Nug mawom bia maotu!

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Sam 118:8

Yawe, nuhig ehanittaknu ooppa genab doyaknu am ena; danab ah laa dilag ehanittaknu ooppa genab doyaknu amu, amuam ena iitta.

Sam 52:8

Amge da amu, da olip ad laa, Kayaknu mettid lag, amuppa enanag bette, da amubia daattem. Ao, da Kayaknu oo mauhaknab kobol daatte amu, da amunu oolppa hanhan genab doottem.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

Hibru 11:26

Nug nob ena, butti aɗi Kayak medakku amunuib dabmeum amunu, nug Kristus onigppa uɗa nak aokkunu ena doya, Isip enubnu amu, nug keeke hamu doyom.

1 Timoti 6:17

Danab ah wannu haen imuppanu keeke kuɗum ele amu, Na tutukku imu ag amelagppa appe doyeg! Ag beɗuppa tak kobol aib heppig. Ag keeke oh paha nauhtteb ele, ag amunu oolagppa genab aib dooppig. Ag Kayak, Nug nukka aakkuib keeke ena ena kuɗum, ig oonig gamag ahakkunu megatte ele amu, ag nuhignu aakkuib oolagppa genab doyeg!

1 Timoti 3:15

Amunu diig am, da paha na gumitte ii goppi amu, na nai imu ebqena, na Kayaknu tamaniak attem tolidppe ena oiglagnu dookkut. Tamaniak am Kayak bauklelnu keeke, tamaniak am doyak diig genabib ukku, biidod ele daatte.

Matyu 27:43

Nug Kayaknu ooppa genab dootte amunu, Kayak Nug nuhignu oo heeb amu, geha iikku Nug ehanittaɗ! Aɗinu? Nug aum, ‘Da Kayak Bekka,’ ” aon appig.

Nahum 1:7

Yawe Nug am ena. Ao, Nug uug nau bak haenppa Nug nuhikkud danab ah dilag padal mak eɗitteb ena dayaknu ehanittak daatte. Ge, uug bak haenppa Nug laa ag nuhignu oolagppa genab dootteb ele atognoadtte.

Daniel 3:28

Anam daye, Nebukatnesar nug aum. “Ig Satrak, Mesak, Abetnego dilag Kayak binag metu! Nug he, nuhig engel laa uɗia he, nuhikkud maɗi nid ag eheɗ laa ii aoppig. Ag ahilag Kayaknu oolagppa genab doon, da ag eheɗ hekkulagnunab ami amu, ag nai amu ii dim lamidppig. Ag ahilag Kayak, ag Nug noobppa dup nona, Nugib binag mekkulagnu hena, ag kayak laa noobppa dup nona binag mekkulagnu uun autna aona, amu ii hemananu ag mauhkkulagnu dayeb am nai iitta doon, dabmak amuib dim lamidppig.

Jeremaia 17:7

Danab laa nug laa dilagppa ehanittak aokkunu ooppa genab dootte amu, am anam aakku daakku, amge aun nug Yawenu ooppa genab dootte, nug itittak ena aokku.

Aisaia 50:10

Danab ah oh oolagppanu aun nug Yawenu ebehi oh bodoetta le mette, nug nuhig maɗi nidnu nai dim lamidtte ele amu, danab amu nug deɗ laa gatatuppa oiyaya, nug amahlak laa ii anidtte dayeb amu, nug Yawenu ooppa genab doyaɗ! Nug Kayakib dim lamittaɗ; laa aib dim lamittom!

Sam 107:2

Heppeg, danab ah laala ag Yawe Nug ag qagaiettakppanu eɗua uhuqak ha mattom amu, danab ah amu ag laa amelagppa anam appeg doyeg! Ao, laa Yawe Nug ag kekeɗ eppelagppa dayaknu qagaiettakppanu eɗua uhuqak ha mattom amu, ag amunu mattieg!

Sam 37:40

Yawe Nug genab tutukku hak danab dilag padal mak eɗitteb ena dayaknu ehanittak daatte; ag ena daaglagnu ag Nug gumidna uɗitteb amunu, Nug ag ehanatte, nau hak danab ag ii eɗadtteb. Ao, Nug ag atognoatte, ag hipunin danab eppelagppa ii daatteb.

Sam 36:6

Nahip genab tutukku hak kobol amu naɗinab, qauko attannab hume tak, amubia daatte. Ao, nahip nai doya mala hettoɗia epeɗia elele mettak kobol am naɗinab, am yu gamag unuqagnab noa ukkak bia daatte. O Yawe, na danab ah atognoadnana, doɗ ele atognoadttem.

Matyu 16:16

Jesus anam a amu, Saimon Pita Nug oɗeppa awa aum. “Na am Kristus, na Kayak bauklel ele Bekka,” awa aum.

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

2 Korint 1:10

Ig mauhkkunignab doomut, amge Kayak Nug ig eɗua awikkom; butti ele anamib hekku. Ag ahilag unuqittakppa ehanigppeppeg, Kayak Nug geha ig eɗua awikkeb, ig ena daagnignu nuhignu oonigppa genab doottem. Anam heppeg amu, geha danab ah kuɗum laa ag ele unuqidppeg, Kayak Nug ig ehanikkeb, aria geha danab ah kuɗum ag ihinignu dabmenana, Kayak Nug keeke hette amunu Nug amegppa, “Ena heme,” aon akkulag.

1 Timoti 2:3

Unuqittak amunu amu Kayak, Nug ihinig eɗua awikkaknu diig daatte, Nug danab ah oh eɗua diikkunu, ag doyak diig genabib ele dooglagnu oo daatte ele amu, Nug unuqittak amunu ena dootte.