1 Timoti 4:1 - Nobonob Baibel

¹ Kayak Ouɗi Nug miag ippunigtte, haen gamag imuppa danab laala ag oolagppa genab doyak uuna, ag ouɗi hambuppuak dilag nai, amu ouɗi nau dilag nai ele dim lamidkkulag.

1 Timoti 4:1 Referans Kwoze

2 Pita 2:1

Propet hambuppuak ag anukka danab oolagppa oidppig amubianab ippunittak danab hambuppuak ag geha ag gemu daatteb, ag oolagppa bena oiglag. Amu ag geha lokkumakppa hambuppualadppeg, kobol adekku dim lamidkkulagnu amu dabmekkulag. Hambuppuak kobol amu ag keeke heeg nauhtte. Amu ele, danab amu ag Naɗi Yawe, Nug ag hipuninnu qagaiettakppanu eɗua uhuqattom ele amu, ag Nug guhuɗidkkulag amunu, danab amu ag aakku akka padal mekkulagnu hetteb.

Jut 1:18

Am ag inam ag amelagppa appig. “Gog tak haenppa ihaklel qettak danab ag Kayak dimettan, ag Kayaknu, hak nuhignu ele uuak kobol dim lamidna beɗunu oo ahak kobol ahilag hekkulag,” aon appig.

2 Pita 3:3

Amu ag tatam inam dooglagnu, daulagppa dokkunu ele amelagppa attem. Gog tak haenppa eheɗ hak danab laa ag bekkulag. Amu ag beɗu kobol eheɗ ahilag dim lamidna, kobol ena genab amu aon aon qettana imidkkulag.

Jut 1:4

Da nai inam yaattemnu diig am, ippunittak danab hambuppuak ag matu tamaniak ooppa lokkumna noppig daatteb. Danab amu, ag am Kayaknu nuhig haknu ele uuak danab amu, ag atteb. “Ig Kayak baegppan danab bewota, kobol eheɗ kuɗum hetata, ig Kayaknu ehanittak okkai hamu mettak, ig amuppa ig nuhig hettoɗiak deɗ eɗidkkunig,” aon atteb. Ag ele Jesus Kristus guhuɗidtteb; Nug am ihinig Naɗi, ihinig Gumak Danab Anuqak. Anukka danab laa nug Kayak naippa danab amubia dilagnu nai yom daatte, amubia ag am genabnab nob nau aoglag.

2 Korint 11:3

Amge da baɗattem. Mat nug lokkumakppa kobol kobol hekkunu doya auta awak kobol nuhigppa anukka Ewa bubuitte na qeum amu, amubia kobol anam laa ahilagppa ba eeɗatteb, ag oppiak kobolppa dayaknu ib apiɗidna, ag Kristusnuib daaglagnu daatteb ii dabmemananu ool baɗatte.

2 Timoti 3:13

Amge danab nau, hambuppuak aɗi ele, ag kobol nau henana, tuɗidna naunab henana, ag laa hambuppualattegeg, laa amu ag ele ag hambuppualadkkulag.

1 Jon 4:6

Ge ig am Kayaknu amunu, aun nug Kayak dootte amu nug ihinig nai dootte. Amge aun nug Kayaknu danab iitta amu, nug ihinig nai ii dootte. Amuppa ele ig aun nug Kayak Ouɗi oɗe awa, nai doyak diig genabibppanu maditte, amu aun nug wan imuppan okkai oɗe awa, nai genab iitta maditte ele doottem.

Jon 16:13

Amge Kayak Ouɗi, doyak diig genabib diig, haen Nug na, Nug keeke oh doyak diig genabibppanu ippunadkku. Nug nukka nuhig dabmakppa ii mattima. Iitta. Nug aɗi doyom aakkuib madikku. Aɗi aɗi dimppa bekku, amu ele ippunadkku.

1 Jon 2:18

O nid naunau dahilad, haen aakku gogppa tekkunu hette. Kristusnu kekeɗ uɗikkunu amu, anukka laa ag ag amelagppa aeg dooppig. Anam aakku amu gemu Kristusnu kekeɗ kuɗumnab beppig amunu ig doottem, haen aakku gogppa tekkunu hette.

Daniel 10:14

Nug ehaniɗkkunu uɗiom amunu, da dimppa nahipad danab ah dilagppa aɗi bekkunu meu appi dookkutnu uɗimi. Aɗinu? Tulegleg imuam dimppanu keeke,” awa aum.

Revelesen 2:11

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, mauhak ebqak 2 am nug guittak nakok laa ii mettama. Iittanab,” awa aum.

2 Timoti 4:4

Amu ag doyak diig genabib dimettana, kaya hamu amunuib daulag human dooglag.

Revelesen 20:10

Amu ouɗi nau danab amu buppualattom ele, amuam Satan, ag nug aab ameg kalu laa huana eotte onig salpa eotteppa buɗieg, propet hambuppuak, doɗ dakkuɗ ele daattep-ppa noum. Ag hanhannab tuqan amun ele guittak nau doonna daaglag.

Revelesen 3:6

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Revelesen 2:29

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Esekiel 38:16

Ag dahilad danab ele ban hekkulagnu uɗinna, ag lombig wan tonatte bia wan amu tonaglag. O Gog, butti aɗi, haen laa, wanppan wan ohppan danab ag da dahil hak nahip-ppa hekkul, ag amuppa da am Kayak doon, da oppiaawak daattem ele dooglagnu, da heppi, na Israel wan banelag uɗikkut,’ awa atte.” Yawe Nug anam aum.

1 Pita 1:20

Kayak Nug wan imu, nuhig keeke oh ii beum haenppa Nug tituanom, amge dimppa gog tak haen gamag imuppaib Kayak me uɗia, ag ehanadkkunu miag atiom.

Revelesen 18:2

Nug na, baag okkaippanab ewa aum. “Aab okkai Babilon onig, ɠagattag ele aakku na qeum! Aakku na qeum! Nug aakku ouɗi nau daaglagnu abenlag daatte. Ao, nug am ouɗi nau oh dayaknu aben. Ge, nug am ai ii lanaknu epeɗiak daatteb, amuam ai danab nug ahilagnu ooppa uuaknab dootte, am amu dilag aben daatte.

Kolosi 2:18

Danab laa nug danab amelagppaib nug onig qe nette, amge ooppa nug nukka nuhignu, “Da am danab onil ele,” dootte, nug ele engel binalag mette amu, nug ag hambuppualatteb, ag nob ena Kayak madakkunu dabmette ele ii aomnanu ag danab amubia waappa aib daappig. Danab amubia amu nug tul niiakppa o ib attenppa aɗi keeke anttom ele amu, nug amunu nai kuɗum mattiaya, nuhig dabmak, Kayak Ouɗi Nug dabmak nuhig ii gumatte ele amu, nuhig dabmak amu he, danab amu nug nukka nuhignu am binag okkai ele dootte.

1 Korint 10:20

Iitta. Amge iitta aɗi ag mana mettak ahilagppa amu ag doɗ main ouɗi nau madatteb. Ag main Kayak ii medatteb. Da ag ouɗi nau ele ouqak daaglagnu amu, da ool ii daatte.

Maika 4:1

Qauko laa, Yawenu mettid lag qauko amuppa daatte amu, deɗ laa dimppa, Yawe Nug heeb, qauko amuam qauko laa oh eɗattak daakku. Ao, Yawe Nug heeb, qauko amuam qauko nakok laa oh eɗadkku. Eɗatteb amu, geha danab ah kuɗumnab huu anen anenppanu geha ag appa ⌊qagmekkulagnu⌋ uɗiglag.

Jeremaia 49:39

Amu Yawe Nug imu ele atte. “Da gemu amu hekkul, amge dimppa haen laappa da heppi, Elam danab ah ag eɗun, gemu ena daatteb bia, haen amuppa ag anam daaglag.” Yawe Nug anam awa atte.

Jeremaia 48:47

Ahilagppa anam bekku, amge dimppa, haen adekkuppa da heppi, ag Moap, ag eɗun, ahilag wanppa daaglag.” Yawe Nug anam awa atte. Nai amuam Moap bu aokkunu nai aakku.

Aisaia 2:2

Qauko laa, Yawenu mettid lag qauko amuppa daatte amu, deɗ laa dimppa, Yawe Nug heeb, qauko amuam qauko laa oh eɗattak daakku. Ao, Yawe Nug heeb, qauko amuam qauko nakok laa oh eɗadkku. Amu geha danab ah kuɗumnab, wan atu ohppanu ag appa ⌊qagmekkulagnu⌋ uɗiglag.

Duteronomi 32:29

O gadon. Ag am danab ah doyak dabmak ena ele daanna, ag imu dooppeg, oolag maidlo am ena! O gadon. Ag aɗi kobol ahilagppa bekku oolag maidlo am ena!

Duteronomi 4:30

Amu butti aɗi haen ag wanppan wan laalappa appa daappeg, uug nau imu oh ahilagppa beeb, ag Yawenu bu mettaknu uug amu waappa daan oippeg, ag geha eɗun, Yawe, ahilag Kayak, ag Nug waappa daappeg, ⌊Nug ag ehanadkku⌋.

Namba 24:14

Gemu da aakku dahilad danab gumatte gokkulnu hettem, amge doye, geha dimppa Israel danab ag nahip danab dilagppa attem hekkulag amu, da appi doye!” awa aum.

Genesis 3:13

Awa a amu, Yawe Kayak Nug ah oɗ mettom. “Aɗinunab na anam heme?” awa oɗ mettom. Oɗ mette amu, ah nug eɗua amegppa aum. “Iitta! Mat nug da hambuppuiɗe, ad meu imu lami,” awa aum.

Revelesen 20:8

Amu nug geha dimittim wana, danab ah wan atu ohppanu ag Jesusnu kekeɗ daatteb, amu nug ag buppualadkku. Nug geha ban humaglagnu qagmaadkku. Ebqak ahilag amu yu ihippanu abuɗ bia.

Revelesen 19:20

Anam amge, laa ⌊hos hakkab attan dayom⌋ nug doɗ dakkuɗ aɗa, propet hambuppuak ele aɗom. Propet amu nug doɗ dakkuɗ ehanidkkunu epponak keeke kuɗum danab haknu elele iitta heum. Kobol amuppa nug danab oh, ag doɗ dakkuɗnu epponak keeke aoppig, ag ele doɗ dakkuɗ dottog noobppa dup nona binag meppig amu, nug ag hambuppualattom. Amunu doɗ dakkuɗ nug propet hambuppuak ele aa bau daaeheh, laa ⌊hos hakkab attan dayom ele,⌋ nug aa aɗalata, aab ameg kalu laa huana eotte onig salpa eotteppa buɗiate nopiɗ.

Revelesen 18:23

Lamnu amahlak ag baula nahip-ppa ii amahalmana, danab ah aokkunu, ah nug danab aokkunu ele, aa baalah oqotti ele nahip-ppa baula ii daama,” awa aum. Awowa amu, nug nai tuɗitta aum. “Anukka nahipad keeke laihnu awa dadennu mak danab ag wanppanu danab okkai daappig, amu na onig awak kobol nahip-ppa na atu atu danab amelag aonna, ham-ele-buppualadme.” Engel ebehi ele nug anam aum.

Revelesen 13:14

Kayak nug doɗ dakkuɗ geha ahom ele amu, Nug nuhig ib oo ii neum amunu, nug uɗat digdig amu, amuppa doɗ dakkuɗ tatamnu amu ehanitta heum. Amu kobol amuppa wanppanu danab ah hambuppualattom. Nug danab amelagppa inam aum. “Ag doɗ dakkuɗ anukka qep elabppa yaak awom, amge ii mauhom, nug bau dayom, ag nug dottog hoina, binag meig!” awa aum.

Revelesen 9:20

Danab laa oh, daup amu ag keeke nau amuppa ii aqaeg mauhppig ele amu, ag oolag ii eɗue, eppelagppa keeke laala hadappig amu ag ii uuppig. Iitta. Ag tuɗidna, kayak hambuppuak dottolkad golppa, silwappa, brasppa, menppa amu adppa ele eppelagppa hadappig amu, ag amu noolkadppa dup nona, binalkad meppig. Kayak hambuppuak dottolkad amu ag ii neegtteb, ag nai ii dootteb, amu ag ele oiglagnu elele iitta. Aria, ag ouɗi nau binalag mak kobol ahilag ele ii uuppig.

Revelesen 3:22

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Revelesen 3:13

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ!” awa aum.

Revelesen 2:17

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da maana gemu lokkumak daatte, da amunu laa medakkul. Da nug men hakkab laa ele nug medakkul. Men amuppa onig bau yaak ele daatte. Laippu laa nug onig amu diig ii dooma, aun nug da mettami ele amu, nug aakkuib dookku,” awa aum.

Revelesen 2:7

Danab nug daug ele dayeb, nug Kayak Ouɗi Nug Kristen tamaniak dilkadppa nai mehuqtte doyaɗ! Aun laa nug ban eɗidkku amu, da nug bau hanhan dayaknu ad meu, Kayaknu Paradisppa daatte, medappi lakku,” awa aum.

1 Korint 12:11

Kayak Ouɗi laippu amu, Nugib nuhig ɗo hamu mettak amu oh he bette. Nug dabmette bia danab anen anen aɗi hekkulagnu ehah amu madatte.

Aposel 28:25

Ag anam henana ag gokkulagnu gonana, ag am akka akka ahilag dabmak ib piɗe piɗe dayeye, ag ahan goppig. Ag anam henana goppig, amge Pol nug tatam nai laa ahilagnu inam mehuqom. “Kayak Ouɗi Nug ig alankad amelagppa nai genabnab laa propet Aisaia oɗeppa aum. Nai amuam inam.

Aposel 17:18

Amu nug anam heehe, aria doyak danab ameg aɗit daappig, ag nug ele aeg ona aeg doum. Doyak danab ameg laa amu ag doyak onig Epikuriannu doyak, ag amunu nai aɗappig, laa amu ag doyak onig Stoiknu doyak, ag amunu nai aɗappig. Doyak danab amu ag oolagppa laala Polnu inam appig. “Danab umu nug aɗi nai mauhnoak maditte?” Aegeg, Pol nug Jesusnu Nai Ena, Nug mauhakppanu eɗua hibaittomnu ele mattiom amunu, laa ag appig. “Nug aab laappan dilag kayak, ig ii doottem ele, amunutai nai mehuqtte,” aon appig.

Aposel 13:2

Ag am Naɗi noobppa dup nona binag menana, ee ohnu kud mena daaegeg, Kayak Ouɗi Nug ag amelagppa aum. “Da Barnabas, Saul ele aa uɗat laa hekkulahnu tituanatmi amunu, ag otiatna meɗeg!” awa aum.

Revelesen 16:14

Ouɗi nau amu ag epponak keeke danab haknu elele iitta hetteb. Ag wanppan wan oh dilag king, ag Kayak Nukka Ɠagattag Oh Ele nuhig deɗ naɗippa, amuam deɗ Nug eheɗ hak danab oh epeɗiadkku amu, ag Nug ele ban hekkulagnu qagmattaglagnu gotteb.

Hosea 3:5

Anam amu, amu dimppa amu, Israel danab ah ag eɗun, Yawe, ahilag Kayak, ag Nug, amu ahilag king, Dawit buɗubppanu ele anatna dim lamatkkulagnu mattialatkkulag. Ag geha, gog tak haenppa Yawenu, nuhig itittak enanu ele ebehilag oh bodoetta le mekku.

1 King 13:18

Aria, Kayaknu propet amu nug anam a, propet kaino nug aum. “Am da ele am propet, na bia,” awa aum. Nug anam anana amu, nug inam ele aum. “Yawe Nug engel laa he, engel nug da amelppa aum. ‘Na gona, danab amu eɗun omalppe, na lautppa ukkeb, ee, le ele lakkunu medakkut,’ awa aum.” Nug anam aum, amge nug hambuppuom.

Jeremaia 23:26

Propet amu ag oolagppa dabmak amu aotteb ele, ag mattiak hambuppuak aona, ag danab ah amelagppa Yawe toppanu nai aoppignu atteb, amge iitta, amuam akka ahilag dabmak hambuppak; amu haen gane laa ele ukkeb, ag kobol amu uuglag?

Matyu 18:7

Wan imuppan danab ag laala hipunin hekkulagnu eeɗadtteb amu, ahilagnu gadonnab gadon. Kobol amuam genabnab daatte, amge danab nug anam hette, nuhignu am gadonnab gadon.

Luk 17:1

Amu Jesus Nug nuhikkud ippunittak awak danab amelagppa aum. “Am keeke digdig danab ah ag hipunin hekkulagnu eeɗadkkulagnu daatteb, amge danab nug heeb, danab laa ag hipunin hekkulag amu, nuhignu gadonnab gadon.

Aposel 20:23

Amge imuib amu da doottem, da aabaab ohppa oittem amu, Kayak Ouɗi Nug nau aomanu dabmettak nai, da amelppa inam maditte. ‘Geha ag na maniguittakppa meidppeg, na uug kuɗum aokkut,’ awa atte.

Aposel 21:11

Nug ig gumikka uɗia, nug Polnu matagiɗ awa, nug nukka nug baeg eppeg Pol baeg eppeg iitta, nug baeg eppeg ele amuppa qakkowa, nug aum. “Kayak Ouɗi Nug inam awa atte. ‘Juda danab okkai Jerusalemnu, ag geha matagiɗ imu mameg amu inam hippalna, aon gona, iitta aɗi mattaglag,’ ” awa aum.

1 Korint 2:10

Keeke amuam lokkumak dayom, amge Kayak Nug he, nuhig Ouɗi ig ippunikkom. Kayak Ouɗi Nug keeke oh mattia anidtte. Ge, Nug Kayaknu dabmak oh lokkumak daatte, Nug amu ele anidtte.

1 Korint 11:19

Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

Jems 3:15

Doyak dabmak ena ⌊iitta⌋ ele amuam hab aabppanu ii neum. Iitta. Doyak dabmak ena ⌊iitta⌋ ele amu nug wan imuppan, am Kayak Ouɗi, nuhigppanu iitta. Satan nug doyak dabmak ⌊iitta⌋ ele amu mameg daatte.