1 Timoti 2:8 - Nobonob Baibel

⁸ Amunu da danab oh ag unuqidkkulagnu amu ag oppiaawak daanna, ag oo nauhak, a ona a doak ele iitta daanna, unuqidkkulagnu ool daatte.

1 Timoti 2:8 Referans Kwoze

Sam 134:2

Genab, ag nuhig mettid lagppa ag eppelag humana, Yawe binag meig!

Sam 63:4

Da bau daattem haen imuppa, na amenppa, “Ena heme,” awe akkul. Da eppel hume, na unuqidkkul.

Hibru 10:22

amunu, ig oonigppa hambuppuak laa iitta ele daatta, ig Jesusnu oonigppa genab doot autta aota, Nug he ig ihinkad hipunin uhuqa mekkak daatteb dootta, ig beɗunig le oppiaawakppa babaitta malak oitta, Kayak gumidta gotu!

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

Jems 4:8

Ag Kayak gumidna wappeg amu, Nug ele ag gumatta dokku. Danab nug eppeg leppa ihe, dubuttid iitta daatte bia amu, ag hipunin danab ag heppeg, ag ahilag oiyak am dubuttid iitta ele dayaɗ! Ag danab ag dabmak laippu iitta, ag heppeg, ag oolag oppiak dayaɗ!

Luk 24:50

Nug anam awowa, Nug aha, diie gona, Betani guguittak appa Nug eppeg huma itattom.

Aisaia 1:15

Amunu, ag geha ag eppelag attan human, da unuqilkkulag amu, da ag ii doyadpa, da ag ii anadpa. Ag unuqittak kuɗum hekkulagtai, ⌊amge⌋ ag amu hekkulag dayeb, diig amunuib da dookkulnu daul ii humapa. ⌊Aɗinu?⌋ Ag eppelagppa danab tiilag ambak daatte.

1 Pita 3:7

Amubia ele ah gamulkad ag waalkad ele daanna, kobol ena ahilagppa heig! Ah ag gamulkad ele oh Kayaknu ehanittak okkai hamu mettak amu aona, bauklel daaglag amunu, ah gamulkad ag ahilkad ah dilagnu, “Dahil kadoi, nakok gai-iitta bia,” doyadnana, ahilagnu ena elele doyeg! Ag amu oh hekkulagnu diig am, geha keeke laa unuqittak ahilag heeb ii nauhma.

1 Timoti 5:14

Amunu ah bau qak mak dilag ulum mettak nai dahil am ah bau anam amu, ag danab bau aona, nid menunna, ag laulag atognokkulagnu ɗo mettem. Ag anam heppeg amu kekeɗ laa ag ihinignu nai nau mattiglagnu ib laa ii anidmana.

Aposel 21:5

Aeg, ig aab okkai amuppanu ahat gokkunignu haen miag do, Kristen danab ag, amu ag waalkad, bekkalkad, aɗelkad ele ag qagmena, omaikkeg aab okkai dimittim dota, yu ihippa gatenig qaun ota unuqidmut.

Aposel 10:4

Nug anam a amu, Kornilius nug ameg behabe, engel neekkittatta, huanak baɗaɗa nug aum. “O naɗi, amu aɗitai?” awa aum. A aria engel nug amegppa aum. “Kayak Nug nahip unuqittak doya, amu daɗek ehanittak kobol nahip ele antta, nahipnu dabmette.

Aposel 10:2

Danab amu nug baekkudppa ele ag oh Kayaknu ebehilag oh bodoetta le meum. Amu nug men doɗo kuɗum, Juda danab men doɗo iitta ele, nug ag ehanatta madatta, haen oh nug Kayak unuqidttom.

Aposel 7:60

Nug unuqitta anam awowa, nug gateg qaun o, nug huana ewa aum. “Naɗi na ahilag hipunin imunu nob ii mattamna oɗ medattem.” Stiven nug anam ewowa, nug mauhom.

1 Korint 7:7

Am danab oh ag da bia daaglagnu ool daatte. Amge danab oh ag anam daaglagnu elele iitta. Aɗinu? Kayak Nug nuhig oo mettakppa, nuhig keeke ena ena ahilag daakkunu hamu mettakppa amu, ag aɗi hekkulagnu anen anen mattom; Nug laa keeke ena ena laa hamu metta, laa amu, nug keeke ena ena laa nug hamu mettom.

Aposel 10:31

nug aum. ‘Kornilius, Kayak Nug nahip unuqittak doya, amu na daɗek danab ehanadttem amu ele anttom.

Jon 4:21

Anam a amu, Jesus oɗeppa awa aum. “Ah, na dahil nai ootppa genab doye! Haen elab iitta ag baula Mame Kayak Nug noobppa dup nona binag mekkulagnu qauko imuppaib Nug noobppa dup nona binag ii memana, o Jerusalem appaib ele Mame Kayak Nug noobppa dup nona binag ii memana.

Luk 23:34

((Ag anam heeg, Jesus Nug unuqitta aum. “Mame, na ahilag hipunin imu uhuqna matte! Ag hetteb imu amu,, ag pehettak ii doona hetteb,” awa aum.)) Amu daup amu ag nuhig lamen aoglagnu otina, ameg waɗele mewona, aun nug ameg atten aokku amu, ag om yaakppa hena aoppig.

Matyu 21:21

Ag anam aeg, Jesus Nug oɗelagppa awa aum. “Da genab ag amelagppa attem, ag oolagppa genab doonna, dabmak laippu ele daanna amu, ag ele da ad figppa hemi amu, ag amubia hekkulag. Am ag keeke amuib ii hemana. Iitta. Ag qauko imu amegppa, ‘Na ahan yuppa ukke!’ appeg amu, nug anam nokku.

Matyu 5:44

Amge da ag amelagppa attem. Ag ahilkad kekeɗnu ag oolag mauhaɗ! Amu aun laala ag ahilagppa eheɗ hadatteb amu, ag Kayak ahilagnu unuqitteg!

Sam 66:18

Da dabmak dahilppa hipunin qekkulnu dabmelom amu, Naɗi Nug unuqittak dahil ii doolo.

Sam 26:6

O Yawe, da kobol laa dubuttid ele hepanu, da dakka da awaitten oiyeye, da na noomppa dup noin binan mekkulnu da nahip qaɗab gukkuitten gottem.

Sam 24:4

Amuam laa ag oolagppa oppiak ele, agib appa daaglag. Yo, amuam laa ag dottolag eppelagppa hoyadppig dilagnu dup noa binag mak kobol ii hetteb, agib appa daaglag. Ge, amuam laa ag hambuppuak nai laanu ag ahilag nai ɠagattag qena ana, ag nai amunu, “Am nai genab,” ii maditteb ele, agib appa daaglag.

Job 16:17

Da anam daattem, amge da danab laa guittak nau, hamu ii mettami. Ao, dahil unuqittakppa am hambuppuak laa iitta; am oppiak ele daatte.

Matyu 6:12

Laa hipunin megappig, ig uhuqta mattamut, amubia na hipunin ihinig uhuqna megakkutnu na unuqidttem.

Prowerb 21:27

Nau hak danab ag doɗ manan, Kayak mettaglagnu heegeg anatta, Nug ooppa uuaknab dootte. Nug amunu uuaknab dootte amunu, genabnab genab ag ɗo hamuib dim lamidna, eheɗ hekkulagnu dabmena, mana mettak hekkulag amu, Nug amunu ooppa uuaknab okkai dootte.

Prowerb 15:8

Haen nau hak danab nug mana mettak laa hette amu, Yawe Nug mana mettak amunu ooppa uuaknab dootte; amge haen genab tutukku hak danab ag unuqittak hetteb amu, Nug amunu ooppa ena dootte.

Sam 35:13

Haen ag oɗe mena daaegeg, da ahilagnu mahimi. Ao, da dakka, da onil qei ne, da ele ee ohnu kud mein daami. Ge, da dup noin aute awen, da ahilagnu unuqidmi.

1 King 3:11

Aakku Kayak Nug Solomon amegppa aum. “Na da heppi, na wanppa bauklel haen elab daakkutnu oɗ ii meɗame. Na da enub kuɗum medakkulnu ele oɗ ii meɗame. Amu na da nahipad kekeɗ amu, da eheɗ hadappi mauhkkulagnu ele oɗ ii meɗame. Iitta! Na nahip gumak uɗat henana, na nai doya mala hettoɗia epeɗia elele mettak kobol elele hekkutnu, oo maittak awaknu ehah medakkulnu oɗ meɗame

Sam 28:2

Da na dahilnu oot gai-iitta doon oot meɗan ehaniɗkkutnu unuqidttem imu amu, na dahil unuqittak imu dookkutnu oɗ medattem. Yo, da eppel bahien, nahip lag nahipnu tituanaknab daatte, da eppel amuppa ukke, na unuqidttem imu amu, na unuqittak dahil imu dookkutnu unuqidttem.

Sam 141:2

Na dahil unuqittak imunu amu, na kalu danab ile, muttuɗig enanag otte bia dookkutnu oɗ medattem. Ao, na da eppel bahii, attan tette ele, na amunu tuebnu doɗ manan mettaglag bia anidkkutnu unuqidttem.

1 Korint 1:2

i nai imu uɗugppa yaattep. I Kayaknu Kristen tamaniak Korint daatteb, ahilagnu yaattep. Ag Kristus Jesusnu, oppiaawak danab ah daatteb. Nug ag oppiaawak daaglagnu ag onilagppa eum. Amge Nug agib onilagppa ii eum. Iitta! Nug danab ah oh ag wan atu ohppa daana, ag Naɗi Jesus Kristus onigppa unuqidtteb amu, ag oh onilagppa eum. Jesus amu, Nug am ag ig ele, ig oh ihinig Naɗi daatte.

2 Korint 2:14

Am gemu da Kayak amegppa, “Ena heme,” awe attem. Nug ig ehanikkekke, ig Kristusnu ɠagattagppa ban eɗidtata, Kayak nai mehuqutut, danab ag aakku Kristusnu dootteb. Doyak amuam muttuɗig enanag aben ohppa gotte, amubia hette.

Pilipai 1:12

O lailad, da ag imu tutukku dooglagnu ool daatte. Kobol da beɗulppa beum ele am Nai Ena ii tappe nette. Iitta. Amu he, Kristusnu nai naɗi mette.

1 Tesalonaika 1:8

Naɗinu nai ag Tesalonaika ag mehuqppig, nai amu do oqotti bia prowins Makedonia, Akaia eleib ii ukkom. Iitta. Aabaab ohppa danab ag, ag Tesalonaika Kayaknu oolagppa genab dooppig, ag nai amu dooppig amunu amu, ig baula ahilagnu amunu akkunignu iitta.