1 Timoti 2:7 - Nobonob Baibel

⁷ Diig amunu amu, Kayak Nug da nai mehuqak danab, totol danab ele meiɗom. Da nai yaattem imuam genabib yaattem, da ham-ii-bubuttem. Nug da iitta aɗi dilag, ag ele Jesusnu oolagppa genab dooglagnu, ippunittak danab meiɗom.

1 Timoti 2:7 Referans Kwoze

Aposel 9:15

Nug anam aum, amge Naɗi Nug amegppa aum. “Na ukke! Aɗinu? Nug da onil awa ukka, iitta aɗi, amu king aɗi, am Israel ele amelagppa ab dooglagnu da danab amu tituanmi; nug am dahil maɗi nid.

2 Timoti 1:11

Nai Enanu amu, Nug da amunu nai mehuqak danab, totol danab, amu ippunittak danab ele daakkulnu meiɗom.

Rom 9:1

Da Kristusnu dayeye, da nai imu genabib madittem. Da ham-ii-bubuttem. Kayak Ouɗi Nug da oolppan oiyak ippunittaknu ulum gumeme, amuppa ele da ham-ii-bubuttem doottem.

Rom 15:16

da iitta aɗi ag oolagppa uɗat hekkulnu Kristus Jesusnu maɗi nid bemi. Da iitta aɗi ag Kayak Nug oo daatte amubia daaglagnu, Kayak Ouɗi Nug heeb, ag oppiaawak danab bena daaglagnu, da ag diie, Kayak medakkulnu mana mettak danab bia bein, Kayaknu Nai Ena mehuqttem.

Galesia 2:9

Jems, Pita, Jon ele, laa ag ahilagnu, “Ag am ikki danab,” aon atteb amu, ag Kayak Nug ehanittak okkai hamu megatte amuppa Nug da uɗat imu hekkulnu meiɗom dooppig. Ag anam dooppig, amunu ag da Barnabas ele i eppenih aɗaeg, ig oonig laippu meta, da Barnabas ele i am iitta aɗi oolagppa uɗat hebupuɗ, ag am Juda danab oolagppa uɗat hekkulagnu amut.

Galesia 1:20

Nai imu gemu da ahilagnu yaattem amu, da Kayak noobppa nai genab attem, da ag ii buppualadttem.

Galesia 1:16

Nug da Nug Bekkanu Nai Ena iitta aɗi amelagppa mehuqkkulnu Nug Bekka da ippuniɗom, amge da haen amuppa aɗi nai mehuqkkulnu danab laala ele nai ii mattimut.

Rom 11:13

Imuam da iitta aɗi, ahilagnu attem. Kayak Nug da Kristus onig awe, ag oolagppa uɗat hekkulnu meiɗe uɗimi amunu, da uɗat imunu, da Nug binag mettem.

2 Pita 2:5

Amu Kayak Nug he, Noanu haenppan danab laa ohnab iite padal meppig? Yo, Noa, nug am genab tutukku hak kobolnu mehuqak danab amu, Kayak Nug nug, amu eblaih aɗit ele laa ag akka aakkuib atognoattom; danab laa oh, ag am Kayaknu nuhig haknu ele uuak danab amu, le hiɗ naɗippa padal meppig.

Galesia 3:9

Amunu danab ag oolagppa genab dootteb ele, ag Abraham, nug am danab ooppa genab doyak ele, ag nug itittak ena awom bia aotteb.

2 Korint 11:31

Kayak, Naɗi Jesus Mameg, ig Nugib haen oh binag mekkunig amu, Nug dootte, da ham-ii-bubuttem.

Rom 10:14

Amge laa ag nuhignu oolagppa genab ii dootteb ele, ag attem hena, onigppa ekkulag? Amu laa ag nuhignu nai ii dooppig ele, ag attem hena, ag nuhignu oolagppa genab dooglag? Amu laa nug ag amelagppa ii mehuqeb amu, ag attem hena dooglag?

Aposel 26:20

Iitta. Da tatam Damaskus danab amelagppa nai mattie, dimppa Jerusalem danab, Juda danab, amu iitta aɗi ele amelagppa ami. Da ag amelagppa nai inam mattimi. ‘Ag oolag eɗueb, ag eɗun Kayak waappa daanna, danab laala ag genab oolag eɗuom anidkkulagnu, ag kobol tutukkuib dim lamitteg!’ awe ami.

Aposel 22:21

Da anam ami amge Naɗi Nug da amelppa aum. ‘Na ukke! Da na meidppi, na atu uma, iitta aɗi, amu gumadna gokkut,’ awa aum.” Pol nug anam aum.

Aposel 14:27

Aa uɗiya Antiok beya, aa Kristen tamaniak qagmadya, aa amelagppa Kayak ahilahppa aɗi heum amunu oh mattiya, aa inam ele apiɗ. “Kayak Nug he, iitta aɗi ag ele oolagppa genab dooppig,” aoya apiɗ.

Jon 7:35

Anam a amu Juda ag akka akka nai mattinna appig. “Nug adeppa ukkeb, ig Nug ii anidmata? Nug Juda laala Grik wanppa daatteb, ahilagppa ukka Grik danab ippunadkkutai.

Eklisiastis 7:27

Amu da, da ippunittak danab amu, da imu attem. “Antte! Da imu anidmi. Danab nug tatam keeke laippu laa wagai ma dookku. Amu dimppa keeke laa dookku. Nug anamib heebeb ukkeb, nug doyak laa, am doyak laa ele tuɗittebeb, nug keeke kunum ele, amunu diig ele anidkkunu elele. Da keeke attemun ba gotte dookkulnu anam hemi.

Eklisiastis 1:12

Da, da ippunittak danab amu, da Jerusalem ippa Israel dilag king dayeye, gemu ele daattem.

Sam 111:7

Nug aɗi aɗi hette ele amu, Nug nai doya mala hettoɗia epeɗia elele mettak kobol dim lamittatta, Nug oo metta ii uuak kobol ele dim lamitta hette. Nuhig oo yaak nai ɗo bia am ig danab ah kobol tutukku dim lamidtata daagnignu ippu ippunigtte.

Galesia 2:16

Amge ig doottem, Kayak Nug danab ɗo dim lamidtte ele, Nug diig amunu danab amunu, ‘Genab tutukku hak danab,’ ii atte. Iitta. Danab nug Jesus Kristusnu ooppa genab dootte amu, danab amunu aakkuib Kayak Nug nuhignu, ‘Genab tutukku hak danab,’ awa atte. Am ig ele, ig Kayak noobppa, Kristus Jesusnu ooppa genab doyakppa, ig ɗo dim lamittakppa iitta, ig genab tutukku hak danab daagnignu Kristusnu oonigppa genab doomut. Aɗinu? Danab laa nug ɗo dim lamidtte, diig amunu Kayak Nug danab amunu, ‘Genab tutukku hak danab,’ atte laa iinab daatte. Iitta.

Rom 1:9

Amu Kayak, da meul ohppa Nug waappa dayeye Nug oɗe dim lamittette, Nug Bekkanu Nai Ena mehuqttem amu, Nugnab da nai yaattem imuam genabib yaattem doya malom daatte amunu da iikku yaattem. Am inam.

1 Korint 9:1

Da heppi danab laa eheɗppa gomanu dabmettem amunu, ag da ɗo waappa dayeye hettem bia doottebte? Anam iitta, da ɗonu maɗi nid ii daattem. Da am totol danab. Da am ihinig Naɗi Jesus Kristus anidmi. Da Naɗinu uɗat laa hei, ag da uɗat hemippa ag iite Kristen beppig daatteb.