1 Timoti 2:5 - Nobonob Baibel

⁵ Yo, Kayak laippu daatte, gamag danab ele laippu, Nug Kayak amu danab ele gamagppa daatte, danab amuam Kristus Jesus.

1 Timoti 2:5 Referans Kwoze

Galesia 3:20

Aria gamag danab nug danab laippu nug nai nuhig qakka keeke laa hekkunu atte amu, gamag danab nug haen amuppa uɗat laa ii hette. Iitta. Danab aɗit o ewam keeke, ag nug tituana nai qakkak hekkulagnu hetteb dayeb amu, gamag danab nug daakkunu elele amunu, Moses nug gamag danab dayeye, Israel ag ɗo aoppig. Amge haen Kayak anukka Abraham amegppa nai qakka, keeke laa hekkunu aum, haen amuppa Kayak nukkaib nai amu keeke hekkunu qakka aum.

1 Korint 8:6

Amge ihinignu, Kayak laippuib daatte, Nug am ig Mamenig, Nug am keeke ohnu diig daatte amunu, ig am nuhignuib bau daattem. Naɗi ele am laippuib daatte, Nug am Jesus Kristus. Kayak Nug nuhigppa keeke oh hattom, amu ig nuhigppa bauklel aottem.

Hibru 9:15

Amunu Kayak Nug danab onilagppa eum ele, danab amu ag itittak ena haen ohnu ele, Kayak anukka Nug bekkod madakkunu nai qakka aum amu, ag amu aoglagnu elele daaglagnu, Kristus Nug nug tituana nai qakkak baunu gamag danab daatte. Kayak Nug amu madakkunu elele daattenu diig am Kristus Nug danab ag nug tituana nai qakkak alag waappa daana, hipunin heppig ele, ag hipunin amuppanu uhuqak aoglagnu mauhom.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

Duteronomi 6:4

O Israel danab ah, ag daulag human doyeg! Yawe Nug ihinig Kayak daatte; Nug nukka Kayak daatte.

Hibru 12:24

Amu ag Jesus, Nug am gamag danab, Nug nug tituana nai qakkak bau heum daatte ele amu, ag nuhigppa wappig. Kain nug Abel qe mauhom, haen amuppa Abel tiig neum, amunu nob nau mak dayom, amge Jesus ehanigkkunu he, Nug tiig neum amu, ag amuppa wappig.

Jon 1:14

Am Kristus, onig laa Nai Kayak Ippunigtte, Nug danab beɗu awa, ig oonigppa dayom. Ig oonigppa dayeye, ig nuhig binag amahlak oppiaawak ele anidmut. Binag amahlak oppiaawak ele amuam laa Nug Kayak Bekka laippunab daatte, Nug Kayak, nuhigppanu uɗiom amu, am nuhig aakku. Doyak diig genabib, amu ehanittak okkai hamu mettak kobol ele, amuam nuhigppa ambaknab ele daatte.

Aisaia 44:6

Yawe, Nug Israel dilag king, Nug Israel dilag qagaiettakppanu eɗua uhuqaknu ehanittak, Nug Yawe Nukka Ɠagattag Oh Ele, Nug inam atte. “Da hanhan daattem; anuqakppa, batakppa ele da daattem. Kayak laal ii daatte.

Rom 10:12

Nai amuam ooppa genab doyaknu kobolnu Juda amu iitta aɗi ele ag Naɗinu neekkakppa huu piɗe piɗe daatteb ii ippunigtte. Iitta! Kayak laippuib, Nug am danab oh dilag Naɗi daatte, amunu danab aun aɗi ag Nug onigppa etteb ele, Nug ag itittak ena okkai madatte.

Jon 17:3

Bauklel hanhannu, amuam danab ag na Kayak, na nakkaib am Kayak genab, amu da, na bekkat, na da meiɗe uɗimi amu, ag i oh dooitkkulagnu daatte.

Hibru 8:6

Jesus Nug mana mettak uɗat awom ele amu, uɗat amuam mana mettak uɗat alag eɗidtte, Nug tituana nai qakkak bau, Jesus Nug amunu gamag danab daatte amu, nai qakkak bau amuam nug tituana nai qakkak alag eɗidtte, amubia. Ele amu, nug tituana nai qakkak bauppa keeke Kayak heeb bekkulagnu nai qakka aum ele amu, ag alag amunu eɗadtte.

Epesus 4:6

Kayak ele laippuib daatte. Nug am ig oh Mamenig. Nug danab oh dilag Okkai daatte, Nug danab ohppa nuhig uɗat hette amu, Nug danab oh oolagppa daatte.

1 Korint 8:4

Aria, doɗ teppu main kayak hambuppuak dottolkad madatteb, lanak amunu da inam attem. Ig doottem, kayak hambuppuak amuam keeke genab iitta; danabnu dabmak aakkuib. Amunu ag dottolkad hetteb am keeke laa genab ii ippunigtte. Kayak laippu aakkuib daatte.

Job 9:33

O gadon, ig danab amu, ig danab daattem, Kayak Nug danab ii daatte, Nug Kayak amunu, gamag danab laa ihinih gamagppa daalo, amuam enanag; danab laa anam daalo, nug dahil nai doya, Kayaknu ele doolo.

Matyu 1:23

“Doyeg! Ah makkun laa nug oo ele daya, geha nug nid danab menukku. Menueb, ag nid onig Imanuel ataɗkkulag.” Onig amu diig am, “Kayak ig ele daattem.”

Revelesen 1:13

Anam andette amu da laa, nug danab bia, lam maknu balal amu oh oolagppa hibaitta dayeye anidmi. Nug lamen elab ukka baegppa batak takkowa, lamen golppa hak momoppa qakkom.

Matyu 1:1

Imuam Jesus Kristus memetappud buɗulkad dilag nai. Jesus Nug am Dawit buɗub, Dawit nug Abraham buɗub.

Aposel 4:12

Wan imuppan danab aun nug ig eɗua awikkeb, ig hipunin waappa ii daamta? Laa iitta! Jesus Nug nukkaib elele. Wan imu ohppa ig laa onigppa ehanitta padal ii mak aognignu iitta, Jesus nukka,” awa aum.

Rom 1:3

Nai ena amuam Kayak Nug bekka, ihinig Naɗi Jesus Kristus, nuhignu nai. Wan imuppan menuakppa amu, Nug Dawit buɗubppa aakku doum.

1 Timoti 6:13

Kayak, Nug keeke oh bau madatte ele, Nug noobppa amu Kristus Jesus, Nug Pontius Pailat amegppa nuhig diig tutukku mattiom amu, Nug noobppa ele da nai imu na hekkutnunab medattem.

1 Jon 2:1

O nid naunau dahilad, ag hipunin ii hemananu da nai imu ye madattem. Amge laa nug hipunin hekku amu, ihinig ehanittak, Nug am gamag danab, Nug Mame toppa daatte. Nug Jesus Kristus; Nug am genab tutukku hak danab.

Luk 14:22

Nug anam a am dimppa maɗi nid nug nuhig okkai amegppa aum. ‘Naɗi, da na ame amu dim lamitten hein malami, amge balal laa oh am-ii-beum,’ awa aum.