1 Timoti 2:10 - Nobonob Baibel

¹⁰ Ah ag keeke digdig amubia ii memana. Iitta. Ag ah Kayak dim lamidnana, aɗi aɗi kobol hekkulagnu elele doon henan oitteb ele amu, ag hak ena amu lamen bia takkaglagnu ool daatte.

1 Timoti 2:10 Referans Kwoze

1 Pita 2:12

Amu ag danab laa Kayak baekkudppa ii daatteb ele amu, ag ag oolagppa daanna, kobol ena tutukkuib heig! Ag anam hebeppeg, danab amu ag ahilagnu nai nau akkulagtai, ge ag ahilag kobol ena amu anidna, haen Naɗi Nug ig danab ig ehanigkkunu uɗikku amu, ag ele Nug binag mekkulag.

Revelesen 2:19

Da nahip hak, nahip oo mauhak, ooppa genab doyak nahip, ehanittak uɗatppa danab ah ehanadttem, uug digdig maot oiyaknu kobol nahip, amu na kobol oh tatam ena heme amu, gemu na amu eɗittak enanag hettem, da amu oh doottem.

Aposel 9:36

Aria aab laa onig Jopa, appa amu ah laa Jesusnu ooppa genab doyaya dayom, nug onig Tabita, Grik naippa amu ag Dorkas atteb. Nug hanhan kobol ena haaha, nug danab ah keeke iitta ele amu ehanattatta, keeke madattom.

Prowerb 31:31

Nug nuhig hakppa, nuhig oiyakppa ele nob ena aokkunu daatte amunu, ag metteg! Ikki danab ag ahilag qagmak aben aab ahilag odppa daatte, ag appa daanna, ag ele nuhig haknu binag meig!

2 Pita 3:11

Keeke oh kobol anamppa padal mekkulag amunu, ag am attem daaglagnu daatteb? Ag danab oppiaawak ele, Kayaknu genab tutukku hak danab ele daaglagnu daatteb.

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

Epesus 2:10

Amu Kayak Nug nuhig doyakppa he, ig bemut. Ge, Kayak Nug he, ig Kristus Jesusnu daatta, ig kobol ena hekkunignu daattem amunu, ig ig oninig humagnignu elele iitta. Kayak Nug ig amuppa oignignu anukka babaitta mekkom.

Taitus 2:14

Kristus Nug ig ihinig nau hak ohnu qagaiettakppanu eɗua uhuqak hekkunu, ig nuhikkudnab danab ah oppiaawak ele daatta, kobol ena tutukku aakkuib hekkunignu dabmak aognignu amu, Nug ihinignu mauhom.

Aposel 9:39

Aria Pita nug ahe, danab amu ele oh goppig. Haen nug ukka te, ag nug omaleg lag oo attan amuppa te amu, ah qab appanu ag oh uɗin, Pita talilidna daanna, gaanna ag lamen digdig Dorkas ii mauhom haenppa ha mattom amu ippunidppig.

Prowerb 31:25

Nug am ah ɠagattag, binag ele; nug dimppa attem bekku, nug amunu baɗak ii dootte.

1 Timoti 2:9

Amubia ah ag tutukku dabmena, lamen eleleppaib takkana, ag ikkilag uɗug kobolnab eleppa ii takkamnanu, ag bala digdig golppa hak o men perlppa hak o iitta lamen laa daden nob naɗinab ele amu, ag ii memananu ool daatte.

1 Timoti 2:11

Ippunittak awak haenppa amu ah ag dagom daanna, ippunittak nai aoglag.