1 Timoti 1:20 - Nobonob Baibel

²⁰ Kobol amunu amu Himeneus, Aleksander ele aa anam hepiɗ. Aa anam heeh, da aa tamaniak ooppanu lamati, dimittim Satan eppegppa wapiɗ daattep, amuppa aa oolah eɗueb, aa baula Kayaknu dabittak nai ii mattimyanu dabmak aoglah.

1 Timoti 1:20 Referans Kwoze

2 Timoti 2:17

Danab nai amu maditteb ele, ahilag nai amuam ihilag nau anig yaak okkai mette, amubia okkai mekku. Danab amu hetteb ele oolagppa am Himeneus, Piletus ele.

1 Korint 11:32

Amu haen Naɗi Nug ig aɗi hettem anikka, Nug ihinig hak amu epeɗitta, ig danab Kayak ii dim lamidtteb ele oh padal ii mematanu, ig ena bekkunignu Nug ig tolikka, bu iqaaqa bappaigtte.

2 Tesalonaika 3:15

Amge nuhignu kekeɗ bia aib anidppig. Iitta. Ag nuhignu ag lailag doonna, nau aomanu nai metteg!

Revelesen 3:19

Da bekkalad dilagnu ool mauhe, amu da ag tutukku daaglagnu ag daulag batete, ahilag kobol ena bekkulagnu toliadttem amunu, na kobol nahipnu dabmena autna aona, oot eɗuaɗ!

Aposel 19:33

Ag anam heegeg, Juda daappig ele ag ⌊aab amuppan danab ag ahilagppa nai yaamnanu baɗan, ag⌋ ahan, Aleksander duttuneg noolagppa no, danab laa appa daappig ele ag nug nai madikkunu heeg, Aleksander nug eppeg huma, danab ah amelagppa nai ab dooglagnu digma akkunu heum.

Revelesen 13:1

Anam daye amu, da doɗ dakkuɗ laa qeqeɗi eblaih laih ele, ikki eblaih aɗit ele, nug qeqeɗiudppa haɗ eblaih laih ele daappig amu, da nug yuppanu beebe anidmi. Nug ikkiudppa amu, onilag laala yaak ele. Onilag amuam Kayaknu dabittak nai.

2 Timoti 3:2

Danab ag akka akka ahilagnu, amu men doɗonu ele oolag mauhkku. Ag akka beɗulag humana, ag dada kobol hena, dabittak nai ele mattiglag. Geha ag anilkad mamelkad oɗelag tabappeg neebeb, ag anen anen ag laanu, “Ena hen meɗame,” ii doomna. Ag oppiaawak ii oimna.

2 Timoti 2:14

Na haen oh keeke imu oh nahipad danab ah ag daulagppa dokkunu amelagppa appe doyeg! Na Kayak noobppa ag amelagppa ag nau aomnanu nai ana, ag nai onig digdignu nug aib qeppig. Nai onignu nug qak, amuam meu iitta, danab laa ele ii ehanidtte. Kobol amuam danab ag nai amu dootteb amu, am ag he nauhtteb aakkuib.

2 Korint 10:6

Ig Kayaknu ban haknu keeke aɗattem amunu, ag oolagppan aun aɗi ag ⌊Kristusnu⌋ nai dim lamidtteb tatam doota, dimppa amu ig nai tappe nak danab nob nau mattagnig.

Aposel 13:45

Amge haen Juda laala ag danab ah kuɗumnab qagmeeg anadna, ag, ihinigppa anam daalon dabmak aɗan daan, ag ahan, Pol nai mattiom amu, laa ag amu doomnanu, nai amu tabappeg nokkunu henana, ag Polnu nainu nai iɗu iɗu mattin, dappidna, aon aon qedappig.

2 Korint 13:10

Gemu da ippa dayeye, da ahilag nai imu yaami amu, amunu diig am, da nai imu yaappi, ag anidna ebqena, ag da yaami bia keeke bappaidppeg, geha da goppi ag ele daatta amu, uɗatnu ɠagattag, Naɗi Nug da meɗom imuppa, da amuppa ag epeɗiadkkulnu uɗat laa ii daama. Nug ɠagattag da meɗom imu am, ahilag ooppa genab doyak amu ɠagattag qedakkunu meɗom. Da heppi, ag nena qekkulagnu ii meɗom.

Matyu 18:17

Aria ag nai madippeg, nug amu dilag nai ele doyak uueb amu, na Kayaknu tamaniak amelagppa akkut. Appe, amu ele nug ii doyeb amu, na nuhignu, nug am Kayaknu tamaniak ooppa ii daatte, nug am dimittim danab, anam doye!

1 Timoti 5:15

Na doottem, ah laala Kayak dimettanna, ag aakku ib ena apiɗidna, Satan dim lamidtteb.

Hibru 12:5

Ag oolag ɠagattag qedakkunu Kayak Nug nai laa aum amu ag nai amu ag daulag atiomtai? Nug nai amuppa ahilagnu am Nug bekkod doyaya aum. Nai amuam inam. “O nid dahil, Naɗi Nug na ena bekkutnu tolitta bu nitteb amu, na amunu keeke hamu bia aib doome. Ge, Nug na ena bekkutnu daut bateb amu, na oot bai aib noum.