1 Timoti 1:19 - Nobonob Baibel

¹⁹ Na Kristusnu ootppa genab doyak nahip ɠagattag aɗan heppe, beɗunppa aab iitta oiyak ele aib paɗame. Danab laa amu ag amu paɗappig amunu, ahilag ooppa genab doyak nug uub gikkuɗ attan ta aoɗa nauhom bia nauhppig.

1 Timoti 1:19 Referans Kwoze

1 Timoti 3:9

Ag beɗulagppa aab iitta daanna, ag ooppa genab doyaknu nai unuqag ɠagattag aɗeg!

Revelesen 3:10

Na dahil haknunab nai dim lamidna, uug oh oo bodoettak ele maon oime amunu, da danab ah wan atu oh dilagppa uug naɗi, ma anttak madakkunu bekku amu, da na atognoidkkul; uug amu nahip-ppa ii bema.

1 Timoti 6:9

Amge laa ag enulag kuɗum ele daaglagnu dabmak huanak aotteb amu, eheɗ hekkulagnu oo eeɗak, pelemppa tak, oo hak dabmak iitta ele, aria oo hak danab guittak medatte ele, oo hak amu oh ag heeg, danab padal mette ele amu, keeke amu oh danab ag enub danab daaglagnu oolag hette amu aqadtteb.

Taitus 1:9

Nug danab ah ippunittak nai genab ena eleppa oolag ɠagattag qekkunu, nug ɗo tappe nak danab nai amuppa toliadkkunu, nug nai danab aun aɗi ag nai amunu oolagppa genab doon ib ii apiɗidmana, tamaniak dilag ikki danab ag nai amu danab ah ippunatteg uɗie, gemu ele hetteb amu, nug nai amu ɠagattag aɗaɗ!

Revelesen 3:8

Da nahip hak amu, da doottem. Antte! Da na noomppa od matule mettami, laa nug maikkunu elele iitta. Na nahip ɠagattag nakok ele, amge na dahil nai dim lamidna, dahilnu, ‘Da Nug ii doottem,’ ii ame.

Hibru 3:14

Aɗinu? Ig Kristus ele tamanit, laippu daagnignu ib am laippuib. Laa iitta. Ib amuam inam. Ig tatam Kristusnu oonigppa genab doomut amu, ig amuib aɗapput ukkeb, mauhak haen ihinigppa ele ooppa genab doyak nuhignu amu aakkuib aɗagnig dayeb, amuppa ig genab Kristus ele tamanit daattem.

2 Timoti 4:4

Amu ag doyak diig genabib dimettana, kaya hamu amunuib daulag human dooglag.

1 Jon 2:19

Kristusnu kekeɗ ag ig oonigppa daappig, amge ahilag ooppa genab doyak am ihinig ele laippu iitta amunu, ag uuigna goppig. Ag ig ele ooppa genab doyak laippu daalom, ig gemu ag ele laippu daalom. Ag ig uuigna goppig amu, amuam ag ig ele laippu ii daamut ippunigtte.

1 Timoti 6:21

Danab laala ag, “Ig doyak genab amu aomut,” atteb ele amu, ag aakku ahilag ooppa genab doyak uuppig. Kayaknu ehanittak okkai hamu mettak amu, nahip-ppa dayaɗ!

1 Timoti 1:5

Da danab oh ag Jesusnu oolagppa genab dootteb ele, da ag oolagppa oo mauhak amba dayeb oiglagnu, da diig amunu haknunab anak amu madattem. Oo mauhak amunu amu, am danab oolkad oppiak ele, ahilkad ooppan oiyak ippunittaknu ulum eheɗ laa heppig ii ippunadtte, amu ag Kayaknu ooppa genab doyak genab doonna oitteb, oo mauhak amuam danab ag oolkad amubia daatte, am ahilagppanu ba gotte.

Galesia 5:4

Am ag ɗo dim lamidkkulag, amuppa Kayak Nug geha ahilagnu, “Genab tutukku hak danab,” awa akkunu dabmetteb amu, amuppa ag aakku Kristus uuppig, ag am Kayaknu ehanittak okkai hamu megatte amu, ag amuppa ii daatteb.

1 Korint 11:19

Aɗinu? Ag enanag ii hetteb amunu, obatak amubia genab bekku, amge amuppa Kayak Nug heeb, ag oolagppa danab aun aɗi ag tutukku daatteb ele amu, ag miag atiglag.

Revelesen 3:3

Amunu amu, na nai enanu mattiak na doome ele, nai amu na dautppa dob, na oot eɗueb, nai amu dim lamitte! Na amen ii oppateb daappe amu, da yabhok danab uɗitte bia nahip-ppa wakkul. Da haen adekkuppa nahip-ppa wakkul amu, na ii doomna.

Matyu 6:27

Amu ag oolagppa aun nug wanppa dayaknu dabmak qeeqe, haen nuhig baula ele tuɗidtte? Elele iittanab.

1 Timoti 6:12

Ban ameg laa amu ban ameg laa ele aa nug eɗidkkulahnu nug mehqettep, amubia na ooppa genab doyaknu wagai men he! Na bauklel hanhannu, Kayak Nug anukka na amu aokkutnu oninppa eum ele amu, na amu ɠagattag aɗe! Kayak Nug na oninppa e, na nahip ooppa genab doyak, danab ah kuɗum amelagppa miag mattime.

2 Timoti 2:18

Danab amunu amu, ag doyak diig genabib apiɗidna, ag inam atteb. “Mauhakppanu eɗua hibaittak am ba malom,” aon atteb. Ag nai amuppa danab laala ag ahilag ooppa genab doyak heeg nauhtte.