1 Timoti 1:18 - Nobonob Baibel

¹⁸ O da bekkal Timoti, da propet nai na aɗi aɗi hekkutnu tamaniak ag na medappig amunu dabmein, da na ban danab ag ena daanna ban hetteb, na amubia daanna, uɗat nahip amu attem pehettak hekkutnu mattiak nai imuppa na ippunidttem.

1 Timoti 1:18 Referans Kwoze

1 Timoti 4:14

Haen tamaniaknu ikki danab ag eppelag na baɗenppa meeg, propet nai laa nahipnu mattieg, na Kayaknu uɗat hekkutnu ehah aome amu, na uɗat amu daut aib atiom; aib uume.

1 Timoti 6:20

O Timoti, Kayak Nug uɗat na mettom amu na atognona, dabmettanna he! Na nai Kayaknu doyakppanu ii bette, amu doyak hambuppuak, doyak amunu amu wanppan danab ag, “Doyak genab,” atteb amge anam iitta, nai amu ele amu, na keeke aɗit amu aib dim lamidme.

Pilipai 2:22

Amge ag dootteb, Timoti nug am danab enanag. Nug am nid mameg ele uɗat hettep, amubia nug da ele Nai Ena mehuqak uɗat heuɗ ukkom.

2 Timoti 4:7

Da Jesusnu uɗat ena hein malen, da aɗi uɗat hekkulnu dayom amu hein, gogppa tein, da dahil ooppa genab doyak ele aɗami,

1 Timoti 1:2

Amu da na Timoti, na Jesusnu ooppa genab doyakppa da bekkalnab daattem, da nahipnu uɗug imu iikku yaattem. Mame Kayak, amu Kristus Jesus, ihinig Naɗi, Nug ele, ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

2 Timoti 1:2

amu, da na Timoti, da nahipnu nai imu yaattem. Nahipnu amu da bekkalnab doyeye, ool ele mauhtte. Mame Kayak, amu Kristus Jesus, ihinig Naɗi ele, aa ahilah ehanittak okkai hamu mettak, amu ahilah oo gai-iitta doya oo metta ehanittak kobol, amu ahilah maɗoɗ ele nahip-ppa daaglagnu ool daatte.

1 Timoti 4:4

Ig doottem, keeke oh Kayak heum amu, ig Nug amegppa, “Ena hen mekkame,” atata aognig. Geɗidkkunignu ele iitta.

Pilemon 1:10

Da na Onesimus, nug Jesusnu ooppa genab doyakppa da bekkal daatte, amunu na nug dabmedakkutnu unuqidttem. Da maniguittakppa dayeye, nug Jesusnu ooppa genab dookkunu ib am da ippunitti, nug am dahil nid bia daatte.

Taitus 1:4

O Taitus, i oh ooppa genab doyak laippu aɗattep, ooppa genab doyak amuppa na da bekkalnab daattem amu, da nahipnu iikku yaattem. Mame Kayak, amu ihinig Eɗua Awikkak Danab Jesus Kristus ele, ahilah ehanittak okkai hamu mettak, amu ahilah maɗoɗ ele nahip-ppa daaglahnu ool daatte.

Aposel 16:1

Pol, Silas ele aa Derbe teya amu aa goya, Listra tepiɗ. Aab amuppa Kristen danab laippu laa dayom, nug onig Timoti. Nug Juda ah laa, Jesusnu ooppa genab doyom ele, nug nug bekka, mameg amu Grik danab.

1 Korint 4:17

Diig amunu da Timoti meppi, ahilagppa gokkunu hettem. Nug dahil nid danab, da nuhignu ool huana mauhtte. Nug Naɗinu oo metta ii uuak kobol dim lamidtte. Nug da Kristus Jesusnu daattem, nuhig kobol dim lamidttem ele amu, nug kobol amu ippunadkku. Da kobol anamib Kristen tamaniak aben ohppa ippunadttem.

1 Korint 9:7

Am danab laa nug ban danab daatte amu, nug amuppa nuhig ee iite aotte? O danab laa nug grepnu dad ebatte amu, nug grep meu iite latte? O danab laa nug meeme gumadtte amu, nug uɗat amu haaha, meeme huh amu iite latte?

1 Timoti 1:5

Da danab oh ag Jesusnu oolagppa genab dootteb ele, da ag oolagppa oo mauhak amba dayeb oiglagnu, da diig amunu haknunab anak amu madattem. Oo mauhak amunu amu, am danab oolkad oppiak ele, ahilkad ooppan oiyak ippunittaknu ulum eheɗ laa heppig ii ippunadtte, amu ag Kayaknu ooppa genab doyak genab doonna oitteb, oo mauhak amuam danab ag oolkad amubia daatte, am ahilagppanu ba gotte.