1 Timoti 1:16 - Nobonob Baibel

¹⁶ Amge diig imunu Kayak Nug dahilnu oo gai-iitta doya oo meɗa ehaniɗom. Da am hipunin hak danab laa oh eɗattak amunu, Kristus Jesus Nug nuhig dagom kobol oppiaawak ele dahilppa heeb, miag atieb, danab ah ag amu anidna, ag oolag maitteb, ag ele nuhignu oolagppa genab doona, ag bauklel hanhannu aoglagnu dooglag.

1 Timoti 1:16 Referans Kwoze

1 Timoti 1:13

Anukka da Kayaknu dabittak nai mattimi. Da danab nuhikkud eheɗ hadattami; da ele beɗuppa tak danab daami, amge Kayak Nug dahilnu oo gai-iitta doya oo meɗa ehaniɗom. Aɗinu? Da Jesusnu oolppa genab ii doyeye, da ool ele ii maittette, da eheɗ hemi.

Epesus 2:7

Nug anam heumnu diig am, Nug nuhig ehanittak okkai hamu mettak laa oh eɗattak kobol, Nug amu dim lamittatta, ig Kristus Jesusnu daattem amu, Nug ihinignu oo bodoettak kobol dim lamidtte, Nug danab oh butti aɗi haen amu daaglag amu ippunadkkunu heum.

Luk 7:47

Amunu da na amenppa attem. Nug hipunin kuɗum heum amu, nug amunu uhuqak awom daatte amunu, Nug dahilnu oo huanak mauhtte. Amge danab nug hipunin nakok ha, hipunin uhuqa mettak aotte amu, nug oo mauhak nakokib dootte,” awa aum.

2 Pita 3:15

Naɗi Nug danab dilagnu oo bodoettak ele dootte, Nug amuppa ag oolag eɗueb, Nug ag eɗua diiadkkunu haen madatte, ag amunu dabmenan antteg! Amu ig lainignab Pol, Kayak Nug nug ele doyak dabmak ena ele mettom, uɗug ahilagnu yom amu, nai imu amuppa ele anam daatte.

2 Pita 3:9

Danab laala ag, “Naɗi Nug eɗua uɗikkunu nai qakka aum amu, paha eɗua ii uɗia hette,” dabmetteb, amge anam iitta. Iitta. Nug ahilagnu oo bodoettak ele daatte. Nug danab laippu laa padal mekkunu oo ii daatte. Iitta! Nug danab oh ag oolag eɗukkunu oo okkai daatte amunu, Nug haen madatte.

Sam 25:11

Da hipunin kuɗumnab hemi amunu, O Yawe, na oninnu dabmak anuqak awaknu amu, na hipunin dahil uhuqadna meɗakkutnu oɗ medattem.

1 Pita 3:20

Ouɗi amu ag am danab anukka Noanu haenppa Kayak oɗe dim ii lamitteg, Kayak Nug pahanab ahilag nob nau madakkunu ii dabmeum. Iitta. Nug oo bodoettak dayeye, Noa nug uub itom. Uub amuppa amu danab ah eblaih ewam ele ag akka ooppa nona daanna, ag danab ah nau ele ouqena, ag ele padal memananu ag leppa ehanittak aoppig.

Jon 20:31

Amge yaak imu daatte amu, ⌊ag ebqetteb ele,⌋ ag ebqenana, ag Jesus, Nug am Kristus, Kayak Bekka daatte, ag amu doona, oolagppa genab dooglagnu daatte. Amu yaak imu daatte amu, yaak amuam ag Jesusnu ooppa genab doyakppa ag bauklel hanhannu aotteb oolagppa genab dooglagnu ele daatte.

Jon 3:36

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Rom 6:23

Hipuninnu nob am mauhak, amge Kayak Nug ig ihinig Naɗi, Kristus Jesusnu uɗatppa bauklel hanhannu ihinig daakkunu hamu megatte.

Aposel 13:39

Ɗo Moses eppegppa uɗiom amu, amuam heeb, danab nug genab tutukku hak danab daakkunu elele iitta. Amge danab imu, Jesus, aun aɗi ag nuhignu oolagppa genab dootteb, ag nuhigppa genab tutukku hak danab bena daatteb.

Jon 6:54

Am laa nug da teppul tiil ele lakku amu, nug bauklel hanhannu ele, am wan haen malakppa da nug maɗedappi, nug eɗua hippaidkku.

Jon 6:40

Ao, da Mamel Nug oo niitte ele amu anam aakku. Danab aun ag Nug Bekka da, ag da aniɗna, ag dahilnu oolagppa genab dootteb ele amu, ag bauklel hanhannu aoglag. Da dakka geha wan haen malakppa maɗadakkul,” awa aum.

Aisaia 55:7

Nau hak danab nug hak nau nuhig uuaɗ! Ao, eheɗ hak danab nug dabmak dubuttid ele nuhig uuaɗ! Nug eɗua, Kayak waappa daakkunu anam hekku amu, Yawe Nug nuhignu oo gai-iitta doya oo metta ehanidkku. Ao, danab anam hekku, ihinig Kayak Nug nuhig hipunin genab uhuqa medakku amunu, nau hak danab nug eɗua, Kayak waappa daakkunu anam haɗ!

Aisaia 43:25

⌊Ag hipunin henana, padal mekkulagnu elele,⌋ amge da, da Yawe, da diilnu dabmak anuqak awewe, da ahilag hipunin uhuqen madattem. Da ahilag hipunin uhuqen matten, da daul atie, baula dab-ii-mettem.

Aisaia 1:18

Amu Yawe Nug atte. “Ag uɗippeg, ig qagmeta, nai mattit, hettoɗit, elele hekkunig. Ahilag hipunin am ⌊naunab,⌋ gau kokoɗnab ⌊lamen hakkab laitte, ihaknu elele iitta⌋ biatai; ⌊hipunin ahilag anambia daatteb dayeb am ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam snonu hakkab bia,⌋ ag anam bia daaglag. Ge! Ahilag hipunin am ⌊naunab nau,⌋ gau kokoɗnab ⌊lamen hakkab laitte, ihaknu elele iitta⌋ biatai. ⌊Ag anambia daatteb dayeb am genab ena iitta,⌋ amge ⌊da hipunin amu oh uhuqen madakkulnu elele. Anam amu, da uhuqatten madappi,⌋ ag eɗun ⌊lamen ihaeg, eɗua hakkabnab daatte, hakkab amuam sipsip uɗignu hakkab bia,⌋ ag anam bia daaglag.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

2 Tesalonaika 1:10

Deɗ amuppa amu, Naɗi Nug uɗieb, nuhikkud danab ah oppiaawak ele ag Nug binag amahalak oppiaawak ele mettaglag. Ge, danab ag oolagppa genab dootteb ele, ag nuhignu enanagnab dooglag. Ag Tesalonaika daatteb, ag ele huu amuppa daaglag. Aɗinu? Ag ihinig nai Jesusnu mattimut amu, ag amu oolagppa genab dooppig.

Epesus 1:12

Nug ig Kristusnu anuqta, nuhignu oonigppa genab doot Nug dim lamidttem amu, ig Kayak onig okkai humagnignu, ig binag amahlak oppiaawak ele nug mettagnignu tituanikkom.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.

2 Korint 4:1

Kayak Nug ihinignu oo gai-iitta doya oo mekka ehanikka, uɗat imu ig mekkom amunu, ig oo bai noak ii doottem.

Rom 15:4

Danab ag Kayak nai yaappig amu, ig nai amu ebqetata, ig ippunittak aognignu yaappig. Ig Kayak aɗi keeke ena megakkunu aumnu dabmak aɗat daagnignu, ig nai amu ebqetata, ig oo maɗoɗ ele dayak kobol anidta doot, ig Kayak tuɗidta dim lamidkkunignu oonigppa ɠagattag qak ele aottem.

Jon 6:37

Amu danab ah aun Mame Nug da meɗatte ele, ag oh dahilppa dokkulag, am aun nug dahilppa dotte amu, da nug ii geɗidpa.

Jon 5:24

Da genabnab genab ag amelagppa attem. Laa nug nai dahil doya, Laa Nug da meiɗe uɗimi, nuhignu ele ooppa genab dootte amu, nug bauklel hanhannu ele; nug padal maknu epeɗiak ii anidma. Iitta. Nug aakku mauhaknu ib uua, gemu nug bauklel hanhannu ibppa daatte.

Luk 23:43

Nug anam a amu Jesus Nug amegppa aum. “Da genabnab na amenppa attem. Gemu na da ele i oh Paradisppa daagnih,” awa aum.

Luk 15:10

Amunu da ag amelagppa attem. Amubia am hipunin danab laippu laa nug oo eɗutte dayeb amu, Kayaknu engel ag maɗoɗppan gamag ahak dootte,” awa aum.

2 Stori 33:19

Propet danab ag nai bukppa yaappig amu, buk amuppa ag Manase nug Kayak unuqittom, Kayak Nug unuqittak amunu Manasenu oo doye, ehanittomnu nai, aria Manase nug nuhig hipunin haknu nai, amu Kayak ippunittomnu oo metta ii uuak kobol dim lamidkkunu uua hak nuhig elenu nai, amu aben adekku adekku nug kayak hambuppuak dilag mettid lag nakok babaittomnu nai, nug kayak hambuppuak Aserah dabmekkulagnu biidod, kayak hambuppuak dottolkad ele qappalattomnu nai, nug amu oh haaha oiyaya, dimppa nug nukka nug onig qe neum amu, propet ag ahilag bukppa keeke amu oh yaappig.

Namba 23:3

Aa makau dawai, sipsip dawai ele mana mettak hewoya amu, Balam nug Balak amegppa aum. “Na inam manaknu ofa nahip guman daappe, da dakka am laih wakkul. Da anam wain daappi, Yawe geha da gumiɗa nekkutai. Nug gumiɗa na, Nug aɗi keeke laa ippuniɗkku amu, da na amenppa akkul,” awa aum. Balam nug anam awowa, nug qauko laa attannab haɗaettak amuppa teum.

Eksodas 34:8

Yawe Nug nai amu mattia male, Moses nug pahanab gateg qaun o, gomela, iɗu wanppa ma, Yawe binag meum.

1 Korint 7:25

Aria, oɗmak ahilag laanu amu, danab ah ag ewau matulak ii aoppig ele, ahilagnu amu Naɗi Nug ɗo laa da akkulnu ii ippuniɗom. Da dahil dabmak madittem, amge Naɗi Nug dahilnu oo gai-iitta doya oo meɗa ehaniɗa, Nug da tituaniɗom amunu, nai da attem imu ag amunu oolagppa genab dooglagnu am elele.