1 Timoti 1:15 - Nobonob Baibel

¹⁵ Nai imuam genab, meu ele amunu ag aona, oolagppa genab dooglagnu ele elele. Nai am inam. Jesus Kristus Nug wan imuppanu hipunin danab ah eɗua diiadkkunu uɗiom. Hipunin hak danab ah oh eɗattak am daib.

1 Timoti 1:15 Referans Kwoze

Mak 2:17

Aon aeg amu Jesus Nug doya, amelagppa aum. “Danab oɗe iitta, nug dokta toppa ii gotte. Iitta. Danab nug oɗe ele nug gotte. Amubia amu, da heppi, genab tutukku hak danab ag oolag eɗukkunu ii uɗimi. Iitta. Da heppi, hipunin danab ag oolag eɗukkunu uɗimi,” awa aum.

Luk 19:10

Anam ana, Nug nai tuɗitta aum. “Danab Bekkalag da amu, da danab ag padal meppig daatteb ele, da ag eɗuen diiadkkulnu uɗimi,” awa aum.

Jon 12:47

Am laa nug dahil nai doya dim ii lamidtte amu, da nug ii epeɗipa. Da wanppan danab ah epeɗiadkkulnu ii uɗimi. Iitta. Da ag eɗuen diikkulnu uɗimi.

Jon 1:12

Amge laala ag Kristus aoppig, ag nuhignu oolagppa genab dooppig amu, ag aakku Kayak bekkod daaglagnu ɠagattag mattom.

Luk 5:32

Amubia amu da heppi, genab tutukku hak danab ag oolag eɗukkunu ii uɗimi. Iitta. Da heppi, hipunin danab ag oolag eɗukkunu uɗimi,” awa aum.

1 Jon 3:5

Amu ag dootteb, Kristus Nug heeb, hipunin iitta mekkunu miag atiom. Nug ooppa hipunin laa ii daatte.

1 Timoti 1:13

Anukka da Kayaknu dabittak nai mattimi. Da danab nuhikkud eheɗ hadattami; da ele beɗuppa tak danab daami, amge Kayak Nug dahilnu oo gai-iitta doya oo meɗa ehaniɗom. Aɗinu? Da Jesusnu oolppa genab ii doyeye, da ool ele ii maittette, da eheɗ hemi.

Matyu 20:28

Yo, nug Danab Bekkalag da, da hettem amubia haɗ! Am inam. Danab Bekkalag da, da wan imuppanu danab ah ag da ehaniɗkkulagnu ii uɗimi. Iitta. Da ag ehanadkkulnu uɗimi, amu da dahil mauhakppa danab ah kuɗum eɗue diiadkkulnu ele uɗimi,” awa aum.

1 Korint 15:9

Amu da totol danab oolagppanu amu da onig iitta bia daattem. Laa ele amu laa ag dahilnu, “Nug totol danab,” aon ii alob bia. Aɗinu? Da Kayaknu Kristen tamaniak amu heppi, iitta mekkulagnu eheɗ hadattami,

Jon 1:29

Wagɗe deɗ amuppa Jesus Nug Jon gumitta uɗieye, Jon Nug antta aum. “Antteg, Kayaknu Sipsip Nag, Nug wanppan danab ah dilag hipunin uhuqtte, Nug am uukku daatte.

Matyu 9:13

Gemu ag nai imu Kayak Nug mattiom, nuhig naippa daatte, ag nai amu anidna doyeg! Nai am inam. ‘Da ag laanu oolag gai-iitta doon oolag mattan ehanadkkulagnu anuqak doottem. Da ag doɗ main meɗaglagnu anuqak ii doottem.’ ” Jesus Nug anam anana, Nug tuɗitta aum. “Da genab tutukku hak danab ag oolag eɗukkunu ii uɗimi. Iitta! Da hipunin danab ag oolag eɗukkunu uɗimi,” awa aum.

Matyu 1:21

Nug geha nid danab aokku, amu na Nug onig Jesus ataɗkkut. Aɗinu? Nug nuhikkud danab ah, ag ahilag hipuninnu padal ii memananu ehanadkku,” awa aum.

Hibru 7:25

amunu, Nug danab ag nuhigppa Kayak gukkuidna watteb ele, Nug ag eɗua diieb, bauklel hanhan daaglagnu elele. Aɗinu? Nug hanhan ahilagnu Kayak unuqidkkunu bauklel daatte.

1 Timoti 4:9

Nai imuam genab, danab ag oolagppa genab dooglagnu elelenab.

Rom 5:6

Antteg! Anukka ig ɠagattag iitta daamut, haen amuppaib Kristus Nug ig danab, ig Kayak dimettamut ele amu, ig eɗua awigkkunu mauhom.

1 Jon 3:8

Satan nug digmakppanu uɗie, gemu ele hipunin hette amunu, aun nug hipuninppa oitte amu, nug Satannu danab daatte. Kayak Bekka Nug Satannu hak nau amu heeb nauhkkunu miag atia beum.

1 Timoti 3:1

Nai imuam genab, danab nug Kristen tamaniaknu gumak ikki danab bekkunu oo niitte dayeb amu, nug aakku uɗat enanu oo hette.

Epesus 3:8

Da am Kayaknu danab ah oppiaawak ele laa oh noolagppa keeke hamunab daattem, amge Kayak Nug ehanittak okkai hamu meɗa, Nug da iitta aɗi noolagppa Kristusnu keeke ena ohnu, danab nug amu antta dookkunu elele iitta, nai amu mehuqkkulnu meiɗom.

Revelesen 22:6

Amu engel nug baula da amelppa aum. “Nai imuam genabnab, danab ah oh ag oolagppa genab dooglagnu elele. Naɗi Kayak, Nug propet nuhikkud gumadtte ele amu, Nug nuhig engel me, keeke oh paha bekkulagnu daatte amu nuhikkud maɗi nid ippunadkkunu uɗiom,” awa aum.

Revelesen 5:9

Ikki danab 24 ag anam hena, ag ahi bau laa inam edappig. “Na buk itoɗiak amu aona, qataqak oh tolakkutnu ehah ele. Aɗinu? Ag heeg, na mauhme, amu na danab ah huu ohppanu, nai ohppanu, beɗulag iɗu iɗu ohppanu, wanppan wan ohppanu ele na tiinppa hipuninnu qagaiettakppanu eɗua uhuqak hena, Kayak mettame.

Taitus 3:8

Nai amuam genabnab. Amu danab ag Kayaknu oolagppa genab dooppig ele, ag ena henan daaglagnu tutukku dabmekkulagnu, da na ippunittak nai da iikku medattem, na danab ah ippuanadkkutnunab ool daatte. Keeke amu oh am danab ah ele ehanadtte.

2 Timoti 2:11

Imu nai genab. “Ig Nug ele mauhmut dayeb; ig Nug ele oh bau daagnig.

Aposel 3:26

Anam amunu Israel danab, Kayak Nug heeb, ag oh anen anen ag hak nau ahilag uun, Nug dim lamidkkulagnu itittak amu madakkunu, Kayak Nug nuhig maɗi nid otia, ahilagppa tatam me uɗiom,” awa aum.

Jon 3:36

Am laa nug Kayak Bekkanu ooppa genab dootte ele amu, nug bauklel hanhannu awom daatte. Laa nug Bekka geɗitte amu, nug bauklel hanhannu ii awom. Iitta. Kayaknu oppoɗi bak nuhigppa daatte,” awa aum.

Revelesen 21:5

Am laa nug sia king ⌊anuqak,⌋ amuppa daatte ele Nug aum. “Amu gemu da keeke oh bau hadattem!” awa aum. Anam ana amu Nug baula ele aum. “Keeke imu oh na ye! Aɗinu? Nai imuam genab, danab ah ag oolagppa genab dooglagnu elele,” awa aum.

1 Jon 5:11

Amu Kayak Nug aɗi ippunikkom? Nug bauklel hanhannu ig mekkom, amu bauklel amu ig Nug Bekkanu aottem.

1 Timoti 1:19

Na Kristusnu ootppa genab doyak nahip ɠagattag aɗan heppe, beɗunppa aab iitta oiyak ele aib paɗame. Danab laa amu ag amu paɗappig amunu, ahilag ooppa genab doyak nug uub gikkuɗ attan ta aoɗa nauhom bia nauhppig.

Matyu 18:10

Jesus Nug anam ana amu Nug aum. “Ag dabmena autna aweg! Da ag amelagppa inam attem. Nid naunau dilag engel ag haen oh da Mamel, hab attan daatte amu, ag Nug noobppa daanna, ag atognoadtteb amunu, ag nid nakok laippu laanu amu, nug am keeke hamu aib dooppig.

Aposel 11:18

Pita nug anam awa a, ag nai amu doyona, ag nai ahilag madippig amu uuna, ag Kayak binag mena appig. “Kayak heehe, iitta aɗi danab ele ag oolag eɗutte, bau dayak aotteb,” aon appig.

Aposel 11:1

Aria totol danab laa, amu ag lailkad Juda wanppa daappig ele ag oh iitta aɗi ag ele Kayak nai aakku aoppig amu, ag dooppig.

Esekiel 16:63

Amunu diig am, haen da nahip eheɗ hak ohnu nob nau dahil ehanittak okkaippa iitta mekkunu heppi elele metteb ⌊anidna⌋, na eheɗ huanak hemenu dabmenana, uɗanak nau doon, ⌊na oot eɗueb, da nahip hipunin uhuqen medappi, na uhuqak amu aon,⌋ na nahip hipuninnu baula madikkutnu oɗen ii oppatmana.” Naɗi Yawe Nug anam atte.

Job 42:6

Anam amunu, da gemu da dakka, da dahilnu, da ena iinab doottem. Da anam doyeye, da wan gappudppa, uhuɗppa ele dayeye, da ool eɗue aute autenab aottem,” awa aum.

Luk 15:2

Amunu ɗo gumak danab-Parasia amu ɗo mehuqak danab ele ag nai hena appig. “Danab amu Nug hipunin danab, amu danab laa, ag ig Juda, ihinig ɗo oh ii dim lamidtteb ele, Nug ag ele laippu dayaknu ooppa eleleib dootte, amu ag ele oh ee latteb,” aon appig.

Rom 11:14

Da amu hettemnu diig am, kobol amuppa da heppi, danab da ele buɗub laippu, amuam Juda danab, da heppi, Juda danab ag, ag iitta aɗi ag gemu Kayaknu kobol enanag aotteb anidna, ag amunu ittag aqeeb, ag dabmak aona, kobol amuppa Juda danab oolagppanu laala ag Kayak baekkudppa daaglagnu dokkulagtai.

1 Timoti 6:13

Kayak, Nug keeke oh bau madatte ele, Nug noobppa amu Kristus Jesus, Nug Pontius Pailat amegppa nuhig diig tutukku mattiom amu, Nug noobppa ele da nai imu na hekkutnunab medattem.

Matyu 18:11

((Aɗinu? Danab Bekkalag da amu da danab hipuninppa nauhppig amu, ag eɗue diiadkkulnu uɗimi.))