1 Timoti 1:14 - Nobonob Baibel

¹⁴ Amu anukka da anam hemi, amge Kayak Nug nuhig ehanittak okkai hamu mettak elelenab meɗa he, da Jesusnu oolppa genab dooi, Nug oo mauhak kobol Kristus Jesus Nug danab ah dilagnu dootte ele amu, nug oo mauhak amu da ele meɗom.

1 Timoti 1:14 Referans Kwoze

2 Timoti 1:13

Amu na Kristus Jesusnu ootppa genab doona, na nuhignu ele oot mauhtte amunu, na amuppanu na nuhig nai na dahilppanu aome amu, na amu laa ippunadkkutnu dabmenana, amu dim lamidna aɗe!

1 Korint 15:10

Amge Kayak Nug da ehanittak okkai hamu meɗe, da gemu attem daattem amu ehanittak nuhig amuppa da aakku daattem. Nug da ehanittak okkai hamu meɗe amu, da ii kakidmi. Iitta. Da uɗat ɠagattag hei uɗie, gemu ele hettem. Totol danab laa ag da uɗat ɠagattag hettem bia ɠagattag ii hetteb, amge da dakka ii hettem. Iitta! Kayak Nug da ehanittak okkai hamu meɗe, da amuppa amu hettem.

1 Pita 1:3

Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.

2 Korint 13:14

Naɗi Jesus Kristusnu ehanittak okkai, Nug ig hamu megatte, Kayaknu oo mauhak, nuhig Ouɗi ele oo laippu dayak ele, keeke amu oh, ag oh ahilagppa daaglagnu ool daatte.

Rom 16:20

Haen elab iitta Kayak, Nug am maɗoɗ diig amu, Nug geha Satan tappeb na, ag baelag waappa daakku. Naɗi Jesusnu ehanittak okkai hamu mettak ahilagppa dayaɗ!

1 Jon 4:10

Ig Kayaknu oonig mauhom, diig amunu Kayak Nug Bekka me wan imuppa uɗiom am genabte! Iittanab! Nug ihinignu oo mauhom amunu, Nug Bekka laippunab me, Nug ihinig eheɗ haknu nob nau Nug tiigppa iitta mekkunu heeb elele medakkunu wan imuppa uɗiom. Amuam oo mauhak kobol tutukku aakku.

2 Korint 8:9

Ag ihinig Naɗi Jesus Kristusnu ehanittak okkai hamu mettak kobol dootteb. Nug am keeke oh Mameg, amge Nug ag ehanadkkunu ha, Nug keeke iitta ele dayom. Nug ha, keeke iitta ele dayomnu diig am, amuppa ag Kayak noobppa enub danab daaglanu elele.

Eksodas 34:6

Nug anam ha, Nug Moses noobppa wanana, Nug inam anan mattiom. “Da am Yawe, Da am Yawe. Da Kayak, da am oo gai-iitta doya oo metta ehanittak diig, oo bodoette enanag maɗoɗ ele haknu diig ele. Da paha ool ii nauhtte. Dahil oo mauhaknab kobol, dahil oo metta ii uuak kobol ele am, ambeya, letaya nettep.

Revelesen 22:21

Naɗi Jesus Kristusnu ehanittak okkai hamu mettak, ag Kayaknu danab oh, ahilagppa dayaɗ! Genab.

1 Tesalonaika 5:8

amge ig am amahlak bekkod, amunu ig ikka ig ihinig oiyak pehettak atognoak kobol dim lamidta oita, ig ooppa genab doyak, oo mauhak kobol ele aota, ban danab ag kekeɗ ag momolag heppeg nauhmanu qahaɗ palatteb, amubia ig kobol aɗit amu meta, Kayak Nug eɗua awigkkunu dabmak aɗat daattem ele, kobol amu ban danab ag ikkilagppa aen hat metteb ele amu, amubia ig meta oitu!

Aposel 15:11

Doyeg! Ig Kayak, Nug ehanittak okkai, Naɗi Jesus Nug hamu megatte ele, amuppa Nug ig eɗua awikkom amubiaib Nug iitta aɗi ag ele amuppa eɗua diitte, oonigppa genab doottem,” awa aum.

1 Korint 3:10

⌊Lag hak danab nug lag hekkunu dayeb amu, nug tatam lag ukku hette. Lag ukku amu danab ag lag amu qaɗeppa heppeg, ena daakku. Lag ukku am lag diig. Tamaniak diig am tamaniak ukku⌋ Aria Kayak ehaniɗe, lag hak danab nug lag ukku ena tutukkuib aɗatte, amubia da tamaniak tutukku enaib daakkunu, nuhig ukku daakkunu, ag amelagppa Jesusnu nai mehuqmi. Gemu laala ag danab laa uɗin lag ukku qaɗeppa lag hetteb, amubia da nai mattimi, nai amuppa ag uɗat tuɗidna hetteb. Amge laala, ag anam hetteb ele amu, ag dabmenan heig! Ag mauhnoak aib heppig.

2 Korint 4:15

Kayaknu ehanittak okkai hamu megatte amu gemu danab kuɗum laala ahilagppa ambeebeb, ag Kayaknu, “Ena heme,” okkainab anana, ag Nug binag attan humaglagnu, keeke imu oh beum amu, ag ehanadkkunu beum.

Galesia 1:13

Am da kobol anukka, haen da Juda dilag kobol dim lamittette, kobol hemi amu, ag amu dootteb. Kayaknu Kristen tamaniak danab eheɗ hattak danab nau am da iikku; ag iitta mekkulagnu da wagai mein hemi.

1 Timoti 2:15

Amge nug ⌊ah laa oh ele⌋ ag oolagppa genab doon, oo mauhak kobol dim lamidna, oppiaawak daanna, ag akka ag oiyak pehettak atognoak kobol ele hetteb dayeb, ag nid laa menuakppa padal memanu ehanittak aoglag.

1 Timoti 4:12

Na am nid bau amunu, danab laa nug nahipnu ena iinab doomanu na enaib oiye! Na mauhnoak aib oime. Iitta! Na nahip nai mattiak, oiyak, oo mauhak, ooppa genab doyak, amu kobol oppiak nahip eleppa, danab ag Jesusnu oolagppa genab dooppig ele, ag nahip kobol amu oh anidna dim lamidkkulagnu elele daaglagnu oiye!

1 Timoti 6:11

Amge na Kayaknu danab, na keeke amu oh dimettan, awaidna daye! Na genab tutukku hak kobol, kobol Kayak Nug amunu oo hette, ooppa genab doyak kobol, nug oo mauhak kobol, ɠagattag dayaya uug oh mawaknu kobol, oo bodoettak kobol ele aɗan oiye!

2 Timoti 2:22

Amu nid bau dilag dabmak eheɗ nahip dabmakppa beeb amu, na tabappe naɗ! Na kobol genab tutukku, ooppa genab doyak kobol, oo mauhak kobol, amu maɗoɗ kobol ele, laala ag oolag tutukku ele, ag kobol nau uun, kobol ena amu oh aɗan, Naɗi onigppa etteb ele amu, na ag hetteb amubia he!

Taitus 2:2

Na danab kaino ag doyak dabmak ena ele aon oina, ag danab laa ahilagnu ena elele dooglagnu daan, ag akka ag ahilag oiyak pehettak atognona, ag ooppa genab doyakppa, ag oo mauhak kobolppa, amu ag uug ohppa ɠagattag dayaknu kobolppa ele, ag ɠagattag daaglagnu appe doyeg!

Matyu 20:9

Dad mameg nug anam a amu, uɗat nid ag aam ameg tanig eleppa uɗat digmeppig ele, ag uɗin, anen anen silwa men doɗo tanig ele aoppig.