1 Timoti 1:13 - Nobonob Baibel

¹³ Anukka da Kayaknu dabittak nai mattimi. Da danab nuhikkud eheɗ hadattami; da ele beɗuppa tak danab daami, amge Kayak Nug dahilnu oo gai-iitta doya oo meɗa ehaniɗom. Aɗinu? Da Jesusnu oolppa genab ii doyeye, da ool ele ii maittette, da eheɗ hemi.

1 Timoti 1:13 Referans Kwoze

Aposel 8:3

Amu Saul nug aha, Kristen tamaniak heeb iitta mekkunu uug madatta, nug ukka lag lag oiyaya, Kristen danab amu ah ele diia ukka, maniguittakppa inattom.

1 Pita 2:10

Anukka amu, ag Kayaknu danab ah ii daappig, amge gemu ag nuhignab danab ah daatteb. Anukka ag ⌊Jesusnu oolagppa genab ii doon,⌋ ag Kayaknu oo gai-iitta doya oo metta ehanittak kobol waappa ii daan, ⌊ag hipuninnu nob nau aoglagnu daappig,⌋ amge gemu amu, ⌊ag Jesusnu oolagppa genab doon,⌋ ag Kayaknu oo gai-iitta doya oo metta ehanittak kobol waappa daan, ⌊ag nob nau amu aoglagnu ii daatteb⌋.

Aposel 9:13

Naɗi Nug Ananias amegppa anam aum amu Ananias nug eɗua inam aum. “Naɗi, danab kuɗum ag danab amunu aeg doomi. Nug kobol ena iitta haaha, nahipad danab ah oppiaawak ele Jerusalem daatteb ele eheɗ hattom.

Hibru 4:16

Amunu uug haenppa Kayak Nug ihinignu oo gai-iitta doya oo mekka ehanikkunu, Nug ig ehanittak okkai hamu megakkunu amu, ig ii baɗatta, Kayak gumitta gotu!

Aposel 3:17

Pita anam ana, nug nai tuɗitta aum. “O lailad, da genab doottem, ag Jesus nuhigppa eheɗ heppig amu, ag tutukku ii doonna, ag kobol amu heppig, ahilkad ikki danab ele anamib aakku.

Luk 23:34

((Ag anam heeg, Jesus Nug unuqitta aum. “Mame, na ahilag hipunin imu uhuqna matte! Ag hetteb imu amu,, ag pehettak ii doona hetteb,” awa aum.)) Amu daup amu ag nuhig lamen aoglagnu otina, ameg waɗele mewona, aun nug ameg atten aokku amu, ag om yaakppa hena aoppig.

1 Timoti 1:16

Amge diig imunu Kayak Nug dahilnu oo gai-iitta doya oo meɗa ehaniɗom. Da am hipunin hak danab laa oh eɗattak amunu, Kristus Jesus Nug nuhig dagom kobol oppiaawak ele dahilppa heeb, miag atieb, danab ah ag amu anidna, ag oolag maitteb, ag ele nuhignu oolagppa genab doona, ag bauklel hanhannu aoglagnu dooglag.

Pilipai 3:6

Yag-nab-bak doyaya uɗat huana hak kobolnu amu, da ɠagattag hein, da Kristen tamaniak eheɗ nau hattami. Amu ɗo dim lamittakppa genab tutukku hak danab daakkunu amu, da huana hei, laa nug ɗo aɗi aɗi hekkunignu ippunigtte amu, nug dahilppa eheɗ hak laa anidkkunu elele iittanab.

Galesia 1:13

Am da kobol anukka, haen da Juda dilag kobol dim lamittette, kobol hemi amu, ag amu dootteb. Kayaknu Kristen tamaniak danab eheɗ hattak danab nau am da iikku; ag iitta mekkulagnu da wagai mein hemi.

1 Korint 15:9

Amu da totol danab oolagppanu amu da onig iitta bia daattem. Laa ele amu laa ag dahilnu, “Nug totol danab,” aon ii alob bia. Aɗinu? Da Kayaknu Kristen tamaniak amu heppi, iitta mekkulagnu eheɗ hadattami,

1 Korint 7:25

Aria, oɗmak ahilag laanu amu, danab ah ag ewau matulak ii aoppig ele, ahilagnu amu Naɗi Nug ɗo laa da akkulnu ii ippuniɗom. Da dahil dabmak madittem, amge Naɗi Nug dahilnu oo gai-iitta doya oo meɗa ehaniɗa, Nug da tituaniɗom amunu, nai da attem imu ag amunu oolagppa genab dooglagnu am elele.

Aposel 22:4

Amu Kristen danab ah ag Jesusnu oolagppa genab doona, nuhig ib imu dim lamidppig ele amu, da ag eheɗ hattami. Da laala aqai mauhppig; laala amu, ag danabte o ahte, da ag aɗalatten diie ukken, maniguittakppa maadmi.

Aposel 9:5

Anam awa a, Saul nug aum. “Naɗi na am aun?” awa oɗ mettom. Oɗ mette amu Naɗi Nug eɗua aum. “Da am Jesus; na da eheɗ heiɗttem.

Aposel 9:1

Amu haen gamag amuppa ele Saul nug danab ah Jesusnu oolagppa genab dooppig ele, nug ag aqeb mauhkkulagnu, nug ɠagattag anana, wagai ma haaha, nug mana mettak ikki danab gumitta ukka

Luk 12:47

Am maɗi nid nug nuhig danab okkainu dabmak amu dootte, amge nug digma ii babaitta, nuhig danab okkainu dabmak amu dim ii lamidtte, geha danab okkai nug huana makkuɗkku,

Hosea 2:23

Geha da dahilad danab ah ag ahilag wanppa dahilnu bappalatten maadkkul. Geha da laa da amelagppa, ‘Da ahilagnu oo bodoetta le mak kobol ii dim lamidpa,’ ami amu, da ahilagnu oo bodoetta le mak kobol hein ippuanattette, laa da ag amelagppa ‘Ag am danab ah dahilad iitta,’ ami amu, da ag amelagppa, ‘Ag am dahilad danab ah,’ appi, ag da amelppa dahilnu, ‘Na am ihinig Kayak,’ akkulag.” Kayak Nug anam aakku atte.

Namba 15:30

Ɗo amuam danab ah ag ii doonna hipunin hekkulag, ahilagnu, amge aun nug hipunin doyaya hette, nug Yawenu dabittak nai aakku atte. Nug Israel oolagppanu geɗittak daakkuoitte. Israel tedte, iitta wan laihnu danabte, keeke amu oh am hamu; nug Israel oolagppanu geɗittak daakkuoitte.

Lewitikas 13:16

Amge, ihi ledotto nak ele amu eɗua, hakkab eppeb, danab amu nug eɗua, mana mettak danab gumitta gokkuoitte.