1 Timoti 1:11 - Nobonob Baibel

¹¹ Kobol ag hetteb ele amu, kobol amu oh am Nai Ena binag amahlak oppiaawak ele, Kayak Nug da amu mehuqkkulnu meiɗom ele amu, ag Nai Ena ele laippu ii daatteb. Nai Ena binag amahlak oppiaawak ele, amuam Kayak nuhigppan uɗiom daatte. Kayak Nug anuqaknab, Nug binag okkai ele daatte.

1 Timoti 1:11 Referans Kwoze

Galesia 2:7

Danab amu ag nai dahil ii tuɗidppig. Iitta. Ag dooppig, Kayak Nug Pita Juda oolagppa Nai Ena mehuqkkunu meum bia, da Nai Ena, iitta aɗi amelagppa mehuqkkulnu meiɗom.

Taitus 1:3

Amu Nug haen tituanom ele amu elele antta, Nug he, nai mehuqakppa nuhig nai amu miag atiom. Kayak, Nug ig eɗua awikkom ele amu, Nug da ele nai amu mehuqkkulnu uɗat meɗom.

1 Timoti 6:15

Kayak Nug Jesusnu eɗua uɗiaknu haen epeɗiom daatte, amu haen amuppa amu Kayak Nug heeb, Kristus miag atikku. Kayak Nug am anuqaknab, Nug nukka am okkai daatte. Nug am king dilag King am naɗi dilag Naɗi.

2 Korint 4:4

Danab amu ag Jesusnu oolagppa genab ii dootteb. Aɗinu? Satan, nug wan imunu kayak hambuppuak daatte, nug ag Kristusnu dabmak pehettak aomnanu ib oo neum. Nug anam heum amunu ag Kristus, Nug genab Kayak attem daatte bianab daatte, ag nuhignu Nai Enanu amahlak, Kristus Nug binag amahlak oppiaawak ele ippunigtte amu, ag amu ii anidtteb.

Rom 2:16

Amunu epeɗiak deɗ ana uɗieb, Kayak Nug geha danab oh dilag kobol lokkumak daatte, ahilag dabmak lokkumak daatte ele Jesus Kristus nuhigppa, da Nai Ena mehuqttem bia, epeɗiadkku.

2 Timoti 2:2

Am nai oh dahil, da danab ah kuɗum noolagppa mattiyi doome ele amu, na danab diilag ena ele, ag am oɗe dim lamittak danab, ag laa nai amu ippunadkkulagnu elele amu, na ag amelagppa madippe doyeg!

2 Timoti 1:14

Kayak Nug doyak diig genabib na mettom, Kayak Ouɗi, Nug ihinigppa daatte amu, Nug na ehanittebeb, na pehettak atogno!

2 Timoti 1:11

Nai Enanu amu, Nug da amunu nai mehuqak danab, totol danab, amu ippunittak danab ele daakkulnu meiɗom.

1 Timoti 6:20

O Timoti, Kayak Nug uɗat na mettom amu na atognona, dabmettanna he! Na nai Kayaknu doyakppanu ii bette, amu doyak hambuppuak, doyak amunu amu wanppan danab ag, “Doyak genab,” atteb amge anam iitta, nai amu ele amu, na keeke aɗit amu aib dim lamidme.

1 Timoti 2:7

Diig amunu amu, Kayak Nug da nai mehuqak danab, totol danab ele meiɗom. Da nai yaattem imuam genabib yaattem, da ham-ii-bubuttem. Nug da iitta aɗi dilag, ag ele Jesusnu oolagppa genab dooglagnu, ippunittak danab meiɗom.

1 Tesalonaika 2:4

Iitta! Kayak Nug ig Nai Ena mehuqak uɗat imu hekkunignu elele anikka mekke, ig hettem. Ig Nai Ena madipput, danab ag ihinignu oolag daakkunu iitta. Iitta. Ig Kayak, Nug ig oonig epeɗitte amu, Nug ihinignu oo daakkunu hettem aakkuib.

Kolosi 1:25

Kayak nukka Nug da tituaniɗe, da Kristen tamaniaknu maɗi nid, ag ehanadkkulnu bemi. Uɗat dahil amu da Kayaknu Nai Ena oh genab tutukku mehuqkkulnu daatte.

Epesus 3:10

Kayak Nug dabmak inam awom. Gemu Kristen tamaniak ooppan danab ah amu, ag nuhig doyak dabmak ena ele digdig kuɗum am miag atippeg, ikki danab, amu danab ag gumaknu ehah ele, ig danab ig ag ig amenigppa anidkkunignu elele iitta, ag ohnab dooglag.

Epesus 2:7

Nug anam heumnu diig am, Nug nuhig ehanittak okkai hamu mettak laa oh eɗattak kobol, Nug amu dim lamittatta, ig Kristus Jesusnu daattem amu, Nug ihinignu oo bodoettak kobol dim lamidtte, Nug danab oh butti aɗi haen amu daaglag amu ippunadkkunu heum.

Epesus 1:12

Nug ig Kristusnu anuqta, nuhignu oonigppa genab doot Nug dim lamidttem amu, ig Kayak onig okkai humagnignu, ig binag amahlak oppiaawak ele nug mettagnignu tituanikkom.

Epesus 1:6

Kayak Nug anam heum, diig amunu nuhig ehanittak okkai hamu mettak, amuam binag amahlak oppiaawak ele amu, ehanittak okkai hamu mettak amu binag aotte. Nug Kristusnu oo mauhtte, amu Nug Kristusnu uɗat okkai ihinignu heum ele amu dabmaama, ehanittak okkai hamu mettak amu oo qak iitta ig mekkom.

1 Korint 9:17

Am da dakka dahil dabmakppanu ahe, uɗat imu heinnelob amu, da uɗatnu nob aolom. Amge da uɗat imu hettem ele, da dakka ain ii hettem. Iitta. Kayak Nug uɗat imu hekkulnu meɗom amunu,

Luk 2:14

“Kayak Nug attannab daatte; ig Nug binag amahlak oppiaawak ele metu! Wanppanu danab, ag nuhignu daatteb amu, ag maɗoɗ mattom,” aon appig,

Sam 138:2

Na hee, na onin, nahip nai ele anuqak daattep amunu, da ool ekuɗe, nahip mettid lag nahipnu tituanak daatte, da aben amu neegppi ukkeb gomelen, da na oo mauhaknab kobol, oo metta ii uuak kobol ele dim lamidttemnu dabmein, da na amenppa, “Ena heme,” akkul.