1 Timoti 1:1 - Nobonob Baibel

¹ Da Pol, da Kayak, eɗua awikkak ihinig daatte amu, Nug Bekka Jesus, nuhig ehanittakppa ig ena daagnignu dabmak aɗat ameg mettem amu, da haknunab anak ahilahppa Kristus Jesusnu totol danab daattem.

1 Timoti 1:1 Referans Kwoze

Taitus 1:3

Amu Nug haen tituanom ele amu elele antta, Nug he, nai mehuqakppa nuhig nai amu miag atiom. Kayak, Nug ig eɗua awikkom ele amu, Nug da ele nai amu mehuqkkulnu uɗat meɗom.

Kolosi 1:27

Lokkumak nai amuam enanagnab, danab oh dilagnu. Amu Kayak Nug danab ah nuhikkud ag amu dooglagnu heum. Nai lokkumak amuam iikku. Am Kristus, ag oolagppa daatte. Nugib ag omalatteb gona, Nug ele hab attan ena daaglag.

Aposel 9:15

Nug anam aum, amge Naɗi Nug amegppa aum. “Na ukke! Aɗinu? Nug da onil awa ukka, iitta aɗi, amu king aɗi, am Israel ele amelagppa ab dooglagnu da danab amu tituanmi; nug am dahil maɗi nid.

Jut 1:25

Kayak Nug nukka am Kayak, amu Nug am Padal ii maknu ehanittak ihinig daatte. Anam aakku amu, Jesus Kristus, ihinig Naɗi, nuhigppa binag amahlak oppiaawak ele, dagom onig ɠagattag ele, ɠagattag, amu gumaknu ehah oh ele Kayak, nuhigppa dayeg! Keeke amu oh am anukka haen ii digmeumppa, gemu, butti aɗi ele hanhan nuhigppa daatteb. Genab.

1 Pita 1:3

Ig Kayak, Nug am ihinig Naɗi Jesus Kristus Mameg amu, ig Nug binag metu! Aɗinu? Nug ihinignu oo gai-iitta doya oo mekka ehanikkom. Jesus Kristus mauha, eɗua hibaittom, amuppa ig bau menuak mekkom. Nug ig amu mekkom amunu, ig Kayak noobppa bauklel ele daagnignu genab dootta, amunu dabmak aɗat oittem.

1 Timoti 1:12

Da Kristus Jesus, ihinig Naɗi, Nug da uɗat imu hekkulnu ɠagattag meɗom amu, da Nug amegppa, “Ena heme,” awe attem. Aɗinu? Nug uɗat imu da eppelppa meeb hekkulnu elele aniɗa, Nug nukka da uɗat imunu tituaniɗom.

Galesia 1:1

Da Pol, da am Jesusnu totol danab. Da am danab dilag totol iitta. Laa ele amu, danab laa nug da Jesusnu totol uɗat hekkulnu ii meiɗom. Iitta. Jesus Kristus amu ig Mamenig Kayak, Nug Kristus moɗppanu bau maɗettom ele amu, Nug ele, aa aakkuib da meiɗpiɗ.

2 Korint 1:1

Da Pol amu, Kayak Nug nukka da totol danab meiɗe, da Kristus Jesusnu totol danab daattem. Da ig lainig Timoti ele i ad uɗug imu yaattep, amu i ag danab ah Kayaknu Kristen tamaniak Korint daatteb, ahilagnu amu Kayaknu danab ah oppiaawak ele oh prowins Akaia appa daatteb, amu oh dilagnu ele yaattep.

2 Pita 1:1

Da Saimon Pita, da am Jesus Kristusnu maɗi nid, amu totol danab ele, da pas imu yaattem. Da ag laa, ag ihinig Kayak, Jesus Kristus, Nug Padal ii maknu ehanittak ihinig daatte amu, Nug genab tutukku hak kobolib dim lamitta he, ag ooppa genab doyak enanag, ihinig bia, ag amu aoppig, da ahilagnu yaattem.

1 Timoti 2:7

Diig amunu amu, Kayak Nug da nai mehuqak danab, totol danab ele meiɗom. Da nai yaattem imuam genabib yaattem, da ham-ii-bubuttem. Nug da iitta aɗi dilag, ag ele Jesusnu oolagppa genab dooglagnu, ippunittak danab meiɗom.

2 Tesalonaika 2:16

Aria, ihinig Naɗi Jesus Kristus Nugnab, amu ig Mamenig Kayak, Nug ihinignu oo mauhom, Nug nuhig ehanittak okkai hamu mettakppa oo ɠagattag qak hanhannu, ena baknu dabmak aɗa oiyak enanag ele mekkom amu, aɗit amu aa hepeɗ,

1 Korint 1:1

Da Pol, Kayak Nug da onilppa e, da Nug oo niitte bia Kristus Jesusnu totol danab daattem amu, da amu ig lainig Sostenes ele

1 Jon 4:14

Mame Nug Bekka, wan imuppan danab oh eɗua diiadkkunu me uɗiom, amu ig Nug Bekka anidta, ig amunu iikku madittem.

1 Pita 1:21

Nuhigppa ag Kayaknu oolagppa genab dootteb. Nug mauhe, Kayak Nug he, Nug eɗua hibaitte, Kayak Nug binag amahlak oppiaawak ele Nug mettom amunu, ahilag ooppa genab doyak, keeke ena bekkunu dabmak aɗa oiyak ahilag ele amu, Kayak Nugib keeke aɗit amu diilah daatte.

Taitus 3:6

Kayak Nug Jesusnu ehanittak okkai hamu mettak, amuppa Nug ig genab tutukku hak danab beta daagnignu, ig nuhig bauklel hanhannu aot daagnignu dabmak aot ameg mekkunignu, Nug Jesus Kristus, Nug am ihinig Eɗua Awikkak Danab amu, Nug nuhig uɗatppa nuhig Ouɗi ig elelenab mekkom.

Taitus 3:4

Amge Kayak, Nug am Padal ii maknu ehanittak ihinig daatte amu, Nug he, nuhig oo bodoettak kobol, oo mauhak kobol ele miag atieh,

Taitus 2:13

Ig anam oitta, ig Jesus eɗua uɗiaknu deɗ okkai amu uɗikkunu dabmak aɗat ameg meta daattem. Deɗ amuppa amu Jesus Kristus, Nug am ihinig Kayak Naɗi, Padal ii maknu ehanittak ihinig ele daatte amu, Nug binag amahlak oppiaawak ele miag atiak uɗikku.

1 Timoti 4:10

Nai am inam. Ig Kayak bauklel, Nug danab ah oh eɗua awikkak diig daatte, amge Nug danab ah ag nuhignu oolagppa genab dootteb ele, Nug ahilagnu eɗua awikkaknab danab daatte, ig nuhignu oonigppa genabnab dootta, Nug doa ehanigkkunu dabmak aɗat daat, ameg mettem. Ig amunu am genabib doottem amunu, ig uɗat naɗinab ɠagattag ele hettem.

1 Timoti 2:3

Unuqittak amunu amu Kayak, Nug ihinig eɗua awikkaknu diig daatte, Nug danab ah oh eɗua diikkunu, ag doyak diig genabib ele dooglagnu oo daatte ele amu, Nug unuqittak amunu ena dootte.

Galesia 1:11

O lailad, da tutukku ag amelagppa iikku attem. Nai Ena anukka da ag amelagppa mehuqmi amu, danab laa he nai amu ii beum.

Aisaia 45:21

Ag danab ah laih laihnu banppa ii mauhppig ele, ag kayak hambuppuak binag metteb amu, ⌊ahilag kayak amu⌋ ag butti aɗi, aɗi bekkunu daatte appeg dootu! Ag amu hekkulagnu ag laippu daan mattieg! Aun nug anukka kobol bekkun daattenu mattiom. Ao, aun nug anukkanab uug imu bekkunu aum? Am da, da Yawe, da amu iite hemi? Kayak laa ii daatte. Da Kayak, da genab tutukku hak kobol aakkuib hettem. Da eheɗ laa ii hettem. Da danab ah ehanatti padal ii metteb. Kayak laal ii daatte.

Aisaia 45:15

O Israel danab ah, genab ahilag Kayak Nug miag atiakib ii daatte. Iitta. Nug danab ah amelagppa lokkumak ele daatte. Nug am ahilag Kayak; Nug ag Israel, Nug ahilag Padal ii maknu ehanittak daatte.

1 Korint 9:17

Am da dakka dahil dabmakppanu ahe, uɗat imu heinnelob amu, da uɗatnu nob aolom. Amge da uɗat imu hettem ele, da dakka ain ii hettem. Iitta. Kayak Nug uɗat imu hekkulnu meɗom amunu,

Rom 1:1

Da Pol, da Kristus Jesusnu maɗi nid. Nug da totol danab daakkulnu otiɗa amu Kayaknu Nai Ena mehuqkkulnu ele tituaniɗom.

Luk 1:47

Padal ii maknu ehanittak dahil am Kayak. Da nuhignu maɗoɗppan gamag ahak doottem.

Hosea 13:4

Amu Yawe Nug atte. “Da Yawe, ahilag Kayak, da ag Isipnu diien, omalatti uɗippig. Ag laanu, ‘Nug Kayak,’ aib appig. Ao, ag laanu, ‘Nug danab ah ehanatte, padal ii metteb,’ aib appig. Iitta! Daib.

Aisaia 63:8

Yawe Nug nuhikkud danab ah dilagnu, Nug aum. “Genab, danab ah imuam dahilad. Ag am da bekkalad, ag da ii buppuiɗmana,” awa aum. Nug anam aum amunu, Nug ahilag Padal ii maknu ehanittak beum.

Aisaia 60:16

Ag Juda, ag nid nug anignu huh latte, amubia ag wan atu laihnu keekeppa ena daaglag. Ao, nid nug anig huhugppa huh latte amu, amubia laa ag ena daaglagnu keeke mattaglag. Ag amu hekkulag amunu, ag imu dooglag. Da, da am Yawe. Amu laa nug ag ehanatte, ag padal ii metteb amu, amuam da. Laa nug ag qagaiettakppanu eɗua uhuqak ha madatte amu, amuam da. Da am Laa Ɠagattag Okkai ele, Jakop da binal meum ele.

Aisaia 49:26

Laa ag Juda ahilagnu eheɗ hetteb ele amu, da heppi, ag akka akka ag teppulag lakkulag. Da heppi, ag akka akka ag tiilag lawona, danab nug wain la, kaaka qette bia daaglag. Da anam hekkul amunu, danab laa oh ag da Yawe, ag dahilnu, da am ag Juda, ahilag padal memananu ehanittak danab dayeye, da ahilag qagaiettakppanu eɗua uhuqaknu ehanittak dayeye, da am Yawe, da Laa Ɠagattag Okkai Ele, Jakop da binal meum ele amu, da anam daattem dooglag.” Yawe Nug anam atte.

Aisaia 43:11

Da, yo da, da am Yawe daattem. Da aakkuib, da danab ah padal memananu ehanittak daattem. Laa iitta.

Aisaia 43:3

Ag anam ii nauhmana. Aɗinu? Da Yawe, ahilag Kayak, da am ag Israel, ahilag Kayak Oppiaawak Ele; da am ahilag padal memananu ehanittak daattem. Da heppi, Isip danab ah ag, ag oulag daappeg, ag Israel, ag qagaiettak ii daamna. Ao, da heppi, Kus, Seba danab ah ele ag, ag Israel danab ah oulag daappeg, amuppa da ag Israel eɗuen, aben enappa maadkkul.

Aisaia 12:2

Genab, Padal ii maknu ehanittak oh da aomi amu, Kayak Nug ehanittak amu oh diig daatte; da nuhignu oolppa genab doye, da geha ii baɗapa. Aɗinu? Yawe, ao Yawe, Nug am ɠagattag dahil. Nug uɗat ena hette, diig amunu da gamag ahak ahi edattem; Nugib dahil Padal ii maknu ehanittak daye, da padal ii memi.” Ag laib laib geha anam ahi ettaglag.

Sam 106:21

Ag Kayak, Nug ehanatte, ag padal ii meppig ele, ag nuhignu daulag atiom. Ao, ⌊ag ehanadkkunu⌋ Nug keeke okkai okkai Isip appa heum, amge ag nuhignu daulag atiom.

Luk 2:11

Gemu deɗ imuppa Dawitnu aabppa, am Betlehem amu, appa ah laa nid awom. Nid amu Nug danab dilag Padal ii maknu ehanittak daatte; Nug amu Naɗi, Kristus.