1 Stori 3:2 - Nobonob Baibel

² Daniel dimugppan am Apsalom. Apsalom anig am Makah. Makah am Gesur dilag king Talmai aɗeg. Apsalom dimugppan am Adonaiya. Nug anig am Hagit.

1 Stori 3:2 Referans Kwoze

1 Stori 2:23

Amu oh am Makir buɗub. Nug Gileat mameg. Am Jair nug aab 23 amu gumom, amge Gesur danab, Aram danab ele ag ahan, aab 23 Jair gumom amu aona, aab onig Kenat, aab naunau 60 Kenat talilidna daappig ele aoppig.

1 King 1:5

Dawit, Abisak ele aa anam daaeheh, amu Adonaiya, nug King Dawit, Hagit ele bekkalah, nug king abenab awa, king daakkunu dabmeum. Dawit wau, onig Maka, nug Apsalom menue, amu dimugppa Dawit wau Hagit nug Adonaiya menuom. Adonaiya Nug danab anttak nuhig am iɗu tuqak ele, enanagnab. Nug mameg nug Adonaiya deɗ laa ii tolitta, daug laa ele ii batom amunu, nug gemu king daakkunu nug nuhig dabmak amu ɠagattag dayom amunu, nug aum. “Gemu da king bein daakkul,” anana, nug nukka nuhikkud daaglagnu, nug bannu karis laala, hos ele diiattowa, amu danab 50 ele diiom. Nug aha gokkunu oo dayeb amu, nug aha, karis laa awa ukkebeb, danab 50 amu ag anuqna, noob aon gobeppeg gokkunu diiom.

2 Samuel 18:33

King Dawit nug nai amu doya, nug eheɗ ottaiom. Nug ottaia, nug aha, nug aben amu uua, oo laa od attan dayom amu, nug amuppa ukka ta, gayom. Nug aguppa tekkunu taata, nug inam mahittom. “O da bekkal Apsalom! O da bekkal Apsalom! Da na abenam awen mauhlom am ena. O Apsalom, da bekkal, da bekkal,” awa mahittom.

2 Samuel 18:18

Amu Apsalom ii mauhom haenppa, nug bau dayaya, nug men okkai laa babaitta, nug men amu oolnu noak onig Kingnu Oolnu Noak, aguppa qappe dayom. Nug amu heumnu diig am nug nukka, nug mattia inam aum. “Da nid danab iitta amunu, danab ah oh ag dahilnu daulag ii atimanu, da men imu ag dahilnu dabmekkulagnu hettem,” awa aum. Nug nukka nug onig men amuppa qataqeum, amu haen amuppa, gemu ⌊nai imu yaak haenppa⌋ ele, danab ah ag men amunu, “Apsalomnu at,” aon atteb.

2 Samuel 18:14

Danab amu nug anam a, Joap nug aum. “Uuppe! Da na ele nai laa ii mattimɗa,” awa aum. Nug anam anana, nug ban ewam awa, nug ban ewa, oh Apsalom momoppa ye noppig. Apsalom nug ad okppa aiha bau dayeye, nug anam heum.

2 Samuel 14:32

Joap nug anam a, Apsalom nug aum. “Antte! Da na nai imu aon gona, king medakkutnu oninppa emi. Nai amuam inam. ‘Aɗinu da Gesur uue uɗimi? Da na ii anidttem amunu, da appaib daalom am ena.’ Da na anam king amegppa akkutnu na oninppa emi. ⌊Da na gona, king amegppa anam akkutnu hemi, amge na ii dabmenana, ii uɗime amunu, da hei, dahil maɗi nid ag kobol amu heppig.⌋ Amge gemu amu, da king anidkkulnunab dabmettem. Da anidppi, da eheɗ laa hemi dayeb amu, nug da iweb mauhei!” awa aum.

2 Samuel 14:23

Joap nug anam awowa, nug aha ukka, nug Gesur ukka, nug Apsalom omala, eɗua Jerusalem uɗiom.

2 Samuel 13:38

Am Apsalom nug oola, Gesur ukka, appa maɗ ewam dayom.

2 Samuel 13:1

Amu dimppa amu, Dawit bekka onig Amnon nug eheɗ heum. Am inam. ⌊Amnon, Apsalom ele aa mamelah am Dawit, amge aa anilti piɗe piɗe.⌋ Am Apsalom appinag onig Tamar amu, nug ah iɗu tuqak ele, amu Amnon nug Tamarnu oo mauhom.

2 Samuel 3:4

Apsalom dimugppan am Adonaiya. Nug anig am Hagit. Adonaiya dimugppan am Sepatia. Nug anig am Abital.

Josua 13:13

Amge Israel ag Gesur danab, Maka danab ele ii lamadppig amunu, danab amu ag gemu, ⌊nai imu yaak haenppa⌋ ele, ag Israel oolagppa daatteb.

2 Samuel 3:3

Amnon dimugppanu am Kileab. Nug anig am Karmel ah, Abigel; tatam nug Nabal wau dayom, amge Nabal mauhe, Dawit awom. Amu dimugppa am Apsalom. Nug anig am Makah. Makah am Gesur dilag king Talmai aɗeg.

1 King 2:22

Am King Solomon nug oɗmak amu doya, nug inam aum. “Aɗinu da Sunem ah Abisak Adonaiya mettaknu, am na da oɗ meɗattem? Am anam dayeb amu, aria na tutukku da oɗ meɗappe, nug da oulppa nug king baɗ! Aɗinu? Nug am tatamnu, da awal. Amu mana mettak danab Abiatar, amu Seruia bekka Joap ele aa nuhig ehanittak daattep,” awa aum.

1 Stori 3:1

Aria, Dawit nug Hebron appa dayeye, nuhikkud ah ag bekkod laa menuadppig. Nuhig nid danab naanaeg am Amnon. Nug anig am Jesril ah onig Ahinoam. Nug dimugppan am Daniel. Daniel anig am Karmel ah onig Abigel.

1 Stori 3:3

Adonaiya dimugppan am Sepatia. Nug anig am Abital. Sepatia dimugppan am Itream. Nug anig am Dawit wau Eglah.