1 Samuel 8:19 - Nobonob Baibel

¹⁹ Samuel nug Yawe oɗe awa, Israel amelagppa mattiom, amge ag amu ii dabmena, ag Samuel amegppa appig. “Anam bekkutai, amge ig king laa waappa daagnignu oonig hette. Ig dabmak amu ii uumta.

1 Samuel 8:19 Referans Kwoze

Jeremaia 44:16

“Na, ‘Da Yawe oɗe awen, iikku ag amelagppa madittem,’ ana, nai ig amenigppa mattie doomut amu, ig daunig humat, nai amu ii doomta.

Esekiel 33:31

Danab ah amu, ag dahilad danab ah, ag hanhan na noomppa uɗin daanna, nahip nai dootteb, amge ag nahip nai da na medattem amu, ag nai amu ii dim lamidtteb. Aɗinu? Ag oɗelagppaib da dim lamiɗkkulagnu atteb, amge ag ib eheɗppa baubau awaknu hik aqeeqe oitteb.

Jeremaia 7:13

Ag nau hak amu oh heegeg, da, Yawe, da haen kuɗum ag amelagppa ii hemananu ami, amge ag daulag human, nai ii dooppig. Da ag onilagppa emi, amge ag, ‘Ig iikku daattem,’ ii appig.

Aisaia 66:4

Danab amu ag amu heegeg, da ag onilagppa ei, ag nai dahil ii aoppig. Ao, da nai ag amelagppa ami, amge ag dooglagnu uuppig. Ag da noolppa nau heppig. Ao, ag kobol digdig da ool ii hette ele hekkulagnu dabmenan heppig. Ag amu oh heppig amunu, da bu eheɗ madakkulnu dabmein madakkul. Ao, da heppi, ag kobol bemanu baɗatteb ele, kobol amu ahilagppa bekku.” Yawe Nug anam atte.

Sam 81:11

Amge iitta, danab ah dahilad ag dahil nai dooglagnu ii heppig. Ao, Israel ag da waalppa daaglagnu uuppig.

Duteronomi 17:14

Ag Yawe, ahilag Kayak, Nug ag wan madatte amu, haen ag amuppa nona, aon daanna amu, ag digmena inam dabmekkulagtai. “Ig am wan laala talilikkak king ele daatteb, amubia ig king ele daalom.” Ag anam dabmekkulagtai.

1 Samuel 12:12

Yawe anam he ukke, dimppa ag Israel, ag Amon dilag king Nahas, nug ag ele ban hekkulagnu uɗieye anidna, ag Yawe, ahilag Kayak, Nug ahilag king daakkunu uun, ag da amelppa appig. ‘⌊Yawe ii gumigma.⌋ Iitta! Ig na king laa ig gumigkkunu megakkutnu oonig daatte,’ aon appig.

2 King 21:9

Kayak Nug anam aum, ag dooppig, amge ag ii dim lamidppig. Iitta. Manase nug eeɗatte, Juda danab ag ib ena apiɗidppig. Ag ib ena apiɗidna, ag kobol eheɗnab heppig. Anukka Yawe ehanatte, Israel ag danab Kanan wanppa daappig ele aqaeg iitta meppig, amge Manase he, Juda danab ah ag Kanan danab ah amu, ag ahilag eheɗ hak eɗidna, eheɗ nau heppig.

Sam 81:12

Amunu da ag uuatti, ag oɗe dim lamidmananu dabmak ahilag ɠagattag eppe daatteb. Ao, da ag uuatti, ag akka ag aɗi aɗi dooppig amu, ag amuib dim lamidkkulagnu daatteb.