1 Samuel 5:3 - Nobonob Baibel

³ Ag meeg dayeye, wagɗe buttuanab Pilistia danab ag ahan, mettid lag ahilagppa gona, Dagon dottog Yawenu Tituanak Nainu Kunup noobppa na qa, iɗu wanppa noa dayeye anidppig. Ag amu anidna, ag Dagon dottog eɗun aon, nuhig abenppa meeg dayom.

1 Samuel 5:3 Referans Kwoze

Aisaia 19:1

Nai meunab ele Isip wanppanu Yawe he, Aisaia doyom ele am iikku. Antteg! Yawe Nug lombigppa dayebeb, lombig nug pahanab Isip wanppa uɗikku. Yawe Nug uɗiebeb, Isip dilag kayak hambuppuak dottolkad ag baɗan hahaɗkkulag. Ao, Isip danab ah ele ag huan ottaina, baɗan, oolagppa gai-iitta dooglag.

Aisaia 46:7

Ag heeg, danab nug dottog amu ha male, ag human, gukkalagppa maon gotteb. Ao, ag aben nug daakkunu bappaidppig ele, ag aguppa meeg daatte. Dottog amu nug laih laih gokkunu elele iitta. Nug aguppaib daatte. Laa nug dottog amu unuqidtte dayeb amu, nug noob ii mette. Dottog amu danab uug eɗidmanu ehanitteb, uugppa ii daamanu elele iitta.

Sepanaia 2:11

Yawe Nug heeb, Moap, Amon ele dilag kayak hambuppuak oh ag padal mekkulag amunu, Moap danab ah, Amon danab ah ele ag Yawenu ebehilag oh bodoetta le mekku. Yawe Nug anam ha maleb, wanppan wan ohppan danab ah ag ahilag wanppa Yawe noobppa dup nona Nug binag mekkulag.

Mak 3:11

Amu danab laala ag ouɗi nau ele ag Nug anitteg, ouɗi nau ag heegeg, danab amu ag Jesus noobppa nena qena, wanppa niiegeg, ouɗi nau danab beɗulagppa daappig ele, ag eppig. “Na Kayak Bekka,” aon appig.

Jeremaia 10:8

Amu oh ag kayak hambuppuak dottolkad adppa hak, ag amuppa ippunittak aotteb amunu, ag am kaaka. Ag dabmak tutukku iitta ele.

Aisaia 41:7

Ge, danab nug kayak hambuppuak dottog haknu doyak okkai ele nug keeke golppa hak danab, nug nug ɠagattag qedatte. Amu danab nug keeke hamappa qinonob tutukku babaitte amu, nug laa nug dottog amu eppegppanab he bette ɠagattag qedatta, “Aib uume!” awa atte. Nug amu anana, nug atte, “Uɗat na hettem am enaib,” ele atte. Nug amu awowa, dottog ha malak daye amu, nug dottog amu na qemanu tutuippa diig qataqette.

Aisaia 40:20

O danab nug enub iitta, nug gol, silwa ele awa, nuhig kayak hambuppuak dottog laa metteb hekkunu elele iitta amu, danab amu nug ad ena laa, paha ii beɗatte, nug ad amu awa, danab ad hoyak uɗat haknu doyak okkainab ele mattia antta mette, danab amu nug kayak hambuppuak, nuhig dottog am elele hette. Nug ha mala, nug diig eleleppa dottog amu na qemanu ha, aguppa buuidtte.

Sam 97:7

Amu danab ah ag kayak hambuppuak dottolkad noolagppa dup nona binalag metteb ele, ag uɗa nak dooglag. Ao, danab ah oh ag ahilag kayak hambuppuak binalag metteb, ⌊ag uɗalag nekku⌋. Ag kayak hambuppuak oh, ag Nug noobppa dup nona binag meig!

Eksodas 12:12

Tuqan amuppa amu, da geha Isip wanppa oiyeye, Isip danab ah dilag nid ⌊danab⌋ tatamnu oh, amu doɗ nalkad ⌊dawai⌋ tatamnu oh ele aqakkul. Amuppa amu, da kayak hambuppuak oh Isip dilag amu, da ag bu okkai madakkul. Da am Yawe.

1 Samuel 6:5

Ag anam mattiona, ag tuɗidna appig. “Mamattin, amu tog ele ag wan imu heeg nauha auta aotte amunu, ag mamattin dottog, amu tog dottog ele hattona, ag Israel dilag Kayak mettaglag. Ag mettanna, amuppa ag Nug binag mekkulag. Ag anam binag meppeg amu, Nug heeb, ag, ahilkad kayak, amu wan ahilag ele, ag oh ena daaglagtai.

1 Samuel 6:1

Amu Yawenu Tituanak Nainu Kunup Pilistia dilag wanppa kalam eblaih aɗit ele aakku dayom.

1 King 18:26

Aria, Balnu propet ag makau dawai laa, danab ah aon uɗin madappig amu, ag amu aon bappaidppig. Ag bappaidna malon, ag kayak hambuppuak Bal unuqidppig. Ag buttuanu digmena, unuqitteg ukke, aam ameg tutukku awom. Ag Bal onigppa unuqidna inam eppig. “O Bal, na ihinig unuqittak imu dookkutnu ig oonig daatte,” aon eppig, amge ag unuqidppignu, auntai laa aɗitai laa ii heum, oɗelagppa laa ele ii awom. Iittanab iitta. Ag ahi goɗan oolna tena, oolna nenan, qaɗab qeppig amu talilidppig.

Sam 115:7

Ahilkad kayak dottolkad ag eppelag ele, amge ag keeke aɗaglagnu elele iitta. Ao, ag baelag ele, amge ag tappan oiglagnu elele iitta. Genab, ahilkad kayak dottolkad ag baalag oɗe, oqaɗulag ele, amge ag oqotti hekkulagnu elele iitta.