1 Samuel 5:2 - Nobonob Baibel

² Ag maon gona, Asdot tena, ag Kayaknu Tituanak Nainu Kunup aon, ahilag kayak hambuppuak Dagon, ag nug laug ooppa, Dagon dottog heqo laihppa, appa meppig.

1 Samuel 5:2 Referans Kwoze

Ikki Danab 16:23

Samson nug anam daye, Pilistia dilag ikki danab ag deɗ laa gamag ahak okkai hena, ag doɗ kuɗum manadna, ahilag kayak Dagon mettanna, ag nug humidnana appig. “Ihinig kayak nug he, ig kekeɗ ihinig Samson eɗidmut!” aon appig.

Daniel 5:23

Na amu helom, amge na ii heme, gemu ele ii hettem. Iitta. Na Naɗi, hab attan daatte, na Nug ele mehqak hekkulahnu hettem. Na he, laa ag nuhig mettid lagppan kap akkan uɗieg, na, nahipad okkai, na waatad, am na waatad amge waatadnab iitta ele ag amuppa wain lanana, ag kayak dottolkad golppa, silwappa, brasppa, aenppa, adppa, menppa hak ele binalag meppig. Kayak dottolkad amu ag keeke laa amelagppa anidkkulagnu iitta, ag daulagppa keeke laa dooglagnu iitta, ag dabmakppa keeke laanu diignu doyak tutukku aoglagnu elele iitta. Na amu heme, amge na Kayak, Nug nahip bau dayak, nahip oiyak ele Nug eppegppa aɗatte amu, na Nug binag ii meme.

Daniel 5:2

Belsasar wain lanan dayaya, nug laa ag kap golppa hak, silwappa hak ele, nug mameg Nebukatnesar Kayaknu mettid lag Jerusalem appanu akka uɗiom ele amu, ag amu akkan uɗiglagnu maatte goppig. King nug, nuhikkud danab okkai, nug wauud, nug wauud amge wauudnab iitta ele, ag oh amuppa wain lakkulagnu nug laa ag gona, kap amu akkan uɗiglagnu maatte goppig.

1 Stori 10:10

Ag Saulnu bannu lamen aon gona, ahilag kayak hambuppuak dottolkad laulagppa meppig, amge ag Saul ikki aon gona, ahilag kayak hambuppuak onig Dagon, nuhig mettid lagppa aiheg dayom.

Habakuk 1:16

Kakai eeɗak danab nug uhuippa kakai aotte amunu, nug en okkai ele daatte. Ao, nug ee ena enaib amuppa awa latte. Nug uhuippa anam awa lanana dootte amunu, nug uhuinu, ‘Dahil kayak,’ anan, uhui noobppa doɗ laa mana medatte. Ao, nug uhui diig laa ele nuhignu anam dootte amunu, nug kalu danab ile muttuɗig enanag bette ele awa, uhui noobppa amu ilatte.

Habakuk 1:11

Ag anam eɗadna aab aon, ag ulah gotte bia laippun ahan, laih gotteb. Ag danab nau, beɗulagppa aab ele. Ag ɠagattag ahilagnu, ‘Ihinig kayak,’ doon, ag ahilag ɠagattag binag metteb.” Yawe Nug anam aum.

1 Stori 10:8

Ban hak amu anam ukke, Israel ag oolna ukkaeg, wagɗe deɗ amuppa Pilistia ag Israel ban danab mauhppig beɗulagppanu keeke akkaglagnu uɗippig. Ag keeke aona oina, Saul mauhom gaɗa, nug bekkod mauhppig gaɗalag ele qauko onig Gilboa niiegeg anadppig.